JEREMIA 7:9 - BUKUIT NE TILIIL Sireet ne Dutero Kanon

⁹ Tos nyolu ochoorsei, orumisyei, oyaei ibeetapkei, oyosye eng' lembech, obeelji nyamdutik Baal ak osubote kamuktaik che teer che mongen,

Bukuit Ne Tilil

⁹ Tos nyolu ochoorsei, orumisyei, oyaei ibeetapkei, oyosye eng' lembech, obeelji nyamdutik Baal ak osubote kamuktaik che teer che mongen,

BUKUIT NE TILIL

⁹ Tos ochorsei, orumisiei, ak oyae ibetab ge, ak oyostosi eng’ lembech, ak obeeljini nyamdutik Baal, ak osuboti cheptalelisiek che ter che mongen,

JEREMIA 7:9 Referencias Cruzadas

1 LAITORINIK 18:21

Ki nyo Elijah koriikyi piik tugul ak koleenji, “Otebee kabwaatutik aeng' kot kotyanit? Ngot ko Kamuktaindet ne Toroor ko Kamuktaindet, osup ineendet; ago ngot ko Baal, osup anyun ineendet.” Ak ma wolji `piik ineendet ng'olyoo.

KOMONG'U 20:3

Amecheeng'jigei cheptalelisyek che teer, kobatena aneege.

ISAIAH 1:13

Amatata oibu kagoochinoik che ma tilei kiy; aweche nyamdutik che kibeelei. Ma amuuchi amuita agobo igoorwegap arawet ne kaleel ak sabato, ak kuursetap tuiyosyek - yaitwogichooto, kobooto tuiyetap kaming'inetapkei.

ISAIAH 58:2

Ago cheeng'a peetuut age tugul, ak chamei konai ortinwekyuk: ko uu pororyet ne ki yai imanda, ama meto kirwoogetap Kamuktaindennywa, teebena kirwoogutik che po iman, chamei koriikyi Kamuktaindet.

JEREMIA 1:16

Ak amwa kirwoogutikyuk agirindae icheek, agobo yaityennywa tugul amu ki kometa, ki kobeelji nyamdutik kanamonik che teer, ak kolas poisyonigap eunekwak.

JEREMIA 11:13

Amu ko uu ole tee koitetap nganasoguk, ko uu nooto kanamoniguk, ee Judah. Ak ko uu ole tee koitetap ortinwegap Jerusalem, ko uu nooto ki olumde kapkorosusyegap kiit ne kililane, kapkorosusyek che kibeeljine Baal nyamdutik.

JEREMIA 11:17

Amu kagomwa Kamuktaindet ne Toroor ne po lugoosyek, ne kiminin, yaityet agobo inyee, amu yaityetap kootap Israel ak ne po kootap Judah, che ki koyachigei kotacha anereech amu ki igoochi Baal nyamdutik.

JEREMIA 13:10

Igeitu pirenoni ma kotilei kiy, pichu yaacheen, che eesyoi kogas ng'aleekyuk, che pendote uuindap mugulelwekwak, ak kosuboti kamuktaik che teer, si koot icheek ak kolas.

JEREMIA 18:15

Amu kigoutyeno piikyuk, ki kobeelji nyamdutik tuguuk che ma tilei kiy; ak ki konach icheek eng' ortinwekwak, eng' ortinwek che po keny, si kobunoot ortinwek che mi taban, eng' ooreet ne ma ki yai;

JEREMIA 19:4

Amu ki kometa icheek, ki koyai yuto koek ole ma kinaei, ak ki kobeelji eng' yuto, nyamdutik, kanamonik che teer, che ki ma kongen, icheeget ak kwanisyekwak ak laitorinigap Judah; ak kigonyiit olito korotiigap che ma tinyei tengek;

JEREMIA 32:29

ak kobwa Kaldeik che paregei ak nganasani, kobwa konaam nganasani, ak kobeel, kobooto kooriik, che ki igoitoe icheek nyamdutik che kibeelei, kogoochin Baal eng' paragutap koorichooto, ak koroong'jin kanamonik che teer, kagoochinoik che kieei, si kobiit kotacha anereech.

JEREMIA 44:3

amu yaityennywa ne ki koyai kotacha anereech, amu ki pa kobeel nyamdutik, koot kamuktaik che ki ma kongen, icheeget, anan okweek, anan kwanisyekwok.

JEREMIA 44:8

amu otagena poisyonigap eunekwok, obeeljini nyamdutik kamuktaik eng' emetap Misiri, ole ki obe otebee; si kobiit kigeswok, ak oegu che kisasei ak che kichotei eng' pororyosyek tugul che po ng'wony?

JEREMIA 44:9

Tos ki outye yaitwogigap kwanisyekwok, ak yaitwogigap laitorinigap Judah, ak yaitwogigap osotikwak, ak yaitwogikwok, ak yaitwogigap osotikwok, che ki yai eng' emetap Judah, ak eng' ortinwegap Jerusalem?

JEREMIA 48:35

Ageesu kogeny eng' Moab, mwaei Kamuktaindet ne Toroor, ineendet ne igoitoi koroseek eng' ole toroor, ak ineendet ne peeljin nyamdutik kanamonikyik.

JEREMIA 5:2

Agot nga imurtoi icheek koleen, “Ko uu ye sabei Kamuktaindet ne Toroor,” ko iyastos icheek eng' lembech.

JEREMIA 5:7

Amuktoi ano anyoun kaat? Ki kometa lagoguk, ak ki koyosyo agobo kanamonik che ma kamuktaik. Kingo kaabai kobiyong'so, koyai ibeetapkei ak koyumjinotkei kooriigap chepkugonik.

JEREMIA 7:6

ngot ko mosastoe toondet, ak ne ma tinyei sigiik, ak mosoget, amotumde korotiik che ma tinyei tengek eng' olito, anan osubote kamuktaik che teer ogoochinegei nyalilda,

EZEKIEL 18:18

Ago ne uu kwandanyi, amu kiusiis eng' kolgolyet, ak kerep tuguugap tupchennyi eng' koroomnateet, ak koyai ne ma myee eng' piikyik, ogeero, meei ineendet eng' tengektanyi.

EZEKIEL 20:30

Mwachi anyun kootap Israel ileenji, mwaei Kiptaiyat Kamuktaindet ne Toroor kole: Tos omurwonige ko uu piteetap kwanisyekwok? Ak oyae kugoinatet osubi tuguukwak che kiwechei?

EZEKIEL 23:39

Amu ye kingo parchi lagokwak kanamonikwak, kobwa peetuunooto oldanyu ne tiliil komurwon; ak ogeero, ki yai nooto eng' koonnyu.

EZEKIEL 5:11

Mwaei anyun Kiptaiyat Kamuktaindet ne Toroor kole, ko uu ye asabe aming'inin iman, amarirenen kondanyu, anan koriira moo, amu ki ing'wanit oldanyu ne tiliil eng' tuguuguk tugul che samisen, ak tuguuguk tugul che kiwechei.

HOSEA 2:13

Aipchini ineendet pireet agobo peetuusyegap Baalik, ye kibeelji `ineendet icheek nyamdutik, ak kolelesanjinegei munaokyik ak tuguukyik che po lelesta, ak kwo kosubot chamanikyik, ak koutyeno, mwaei Kamuktaindet ne Toroor.

HOSEA 6:9

Ko uu ye sapchin lugosyegap rebiik chii, ko uu nooto kweanetap tisiik, parisyoti eng' ooreet ne tokyingei Shekem; ee, ki koyai yaityet.

AMOS 4:5

ak ogoite korosyotap kongoi ne po kiit ne kaginde mermereek, ak omwaite kagoochinoigap chamyet, ak obarte; amu ochame niito, ee piigap Israel, mwaei Kiptaiyat Kamuktaindet ne Toroor.

SEPANIA 1:5

ak icheek che ilasu tuguuk tugul che po kipsengwet, eng' kooriik parak; kobooto icheeget che ilasu, che iyasyechin Kamuktaindet ne Toroor, ak koyastos eng' kainetap Malkam;

MALAKI 3:5

Ak arikyok eng' kirwooget, ak achepchebi agoon paornateet agobo inyee aegu, arwookyi icheek che ma iywea: pooniik, che ibegei, piik che iyastos eng' lembechek, icheek che sastoe otwogindet ne kisirei eng' melektanyi, che sastoe kwony ne ki kosiirtoe manong'otyot ak ne ma tinyei sigiik, ak ne imaasi toondet, mwaei Kamuktaindet ne Toroor ne po lugoosyek.

ROMANIK 2:2

Ak kingen keele namegei kirwoogetap Kamuktaindet ak imanit agobo icheek che yaei tuguuk che uu chooto.

NG'ATUTIK 32:17

Ki eng'ji tiseiywek oik, che ma Kamuktaindet, kamuktaik che ki ma kongen, che ki piitu let, Che ki ma koywei kwanisyekwok.

NG'ANG'UTYET 21:8

Ago che iyweisyei, ak che ma iyani, ak che kiwechei, ak rumiik, ak che soksei, ak pooniik, ak che saaei kanamonik, ak kiplembechonik tugul, kotinyei kebebertanywa eng' araraita ne lale maat ak koik che laldos; ne nooto ko meet ne po aeng'.”

NG'ANG'UTYET 22:15

Mi saang' sesenik, ak pooniik, ak che soksei, ak rumiik, ak che saaei kanamonik, ak age tugul ne chamei lembeita ak koyaei.

KIRUOGIK 5:8

Ki lewen kamuktaik alak, kobiit lugeet eng' kurgotik. Tos kige keerei long'eet anan ko ng'otit eng' piik eliphuusyek artam eng' Israel?