JEREMIA 19:4 - BUKUIT NE TILIIL Sireet ne Dutero Kanon

⁴ Amu ki kometa icheek, ki koyai yuto koek ole ma kinaei, ak ki kobeelji eng' yuto, nyamdutik, kanamonik che teer, che ki ma kongen, icheeget ak kwanisyekwak ak laitorinigap Judah; ak kigonyiit olito korotiigap che ma tinyei tengek;

Bukuit Ne Tilil

⁴ Amu ki kometa icheek, ki koyai yuto koek ole ma kinaei, ak ki kobeelji eng' yuto, nyamdutik, kanamonik che teer, che ki ma kongen, icheeget ak kwanisyekwak ak laitorinigap Judah; ak kigonyiit olito korotiigap che ma tinyei tengek;

BUKUIT NE TILIL

⁴ Amu kigometa ichek, kigoyai yuto koek ole maginaei, ak kigobeelji eng’ yuto, nyamdutik, kanamonik che ter, che kima kongen, icheget ak kwanisiekwak ak laitorinikab Juda; ak kigonyiit olito korotikab che matinyei tengek;

JEREMIA 19:4 Referencias Cruzadas

2 LAITORINIK 21:16

Kitumda kogeny Manasseh korotiik che chaang' kot, che ma tinyei tengek, kot konyiit Jerusalem kong'etee komosta age agoi komosta age; kobooto tengektanyi ne ki ibeete Judah si koyai tengekto, eng' yaityet ne ki yai eng' taitap Kamuktaindet ne Toroor.

2 LAITORINIK 23:10

Ki ing'wanit Topet, ne mi atebweetap lagogap Hinom, si ma igoito chii weeriinnyi anan ko cheptonyi kobun maat kogoochi Molek.

2 LAITORINIK 24:4

ak agobo korotiik che ma tinyei tengek che kitumda. Amu ki inyiit ineendet Jerusalem korotiik che ma tinyei tengek, ak ki eesyo Kamuktaindet ne Toroor konyochi kaat.

TIENWOGIKAL 106:38

Kitumda korotiik che ma tinyei tengek, korotiigap weeriikwak ak tiibiikwak, che ki igoochi kanamonigap Kanaan koek tiseiywek; ak ki king'wanit emet eng' korotiik.

ISAIAH 59:7

Ruachin keelyekwak yaityet, ak kochoktoi kotumda korotiik che ma tinyei tengek: kabwaatutikwak ko kabwaatutigap tengekto; mi ortinwekwak kubernateet ak ng'emisyet.

ISAIAH 65:11

Ago okweek che ometoi Kamuktaindet ne Toroor, che outye tulweennyu ne tiliil, che ochobe meset agobo Kelunet, ak che onyiityini Kagesunet divaik che ki kiburuch:

JEREMIA 1:16

Ak amwa kirwoogutikyuk agirindae icheek, agobo yaityennywa tugul amu ki kometa, ki kobeelji nyamdutik kanamonik che teer, ak kolas poisyonigap eunekwak.

JEREMIA 11:13

Amu ko uu ole tee koitetap nganasoguk, ko uu nooto kanamoniguk, ee Judah. Ak ko uu ole tee koitetap ortinwegap Jerusalem, ko uu nooto ki olumde kapkorosusyegap kiit ne kililane, kapkorosusyek che kibeeljine Baal nyamdutik.

JEREMIA 15:6

Ki oeesya, mwaei Kamuktaindet ne Toroor, ak ki ochuchuige. Ara achuule anyun eunnyu atokyin, asi ang'emin, amu kaang'et eng' muitaet.

JEREMIA 16:11

Ileenji anyun icheek, Amu ki kometa kwanisyekwok, mwaei Kamuktaindet ne Toroor, ak kosubot kanamonik che teer, ak koot ak kolas, ak kometaa, ama riip ng'atuutikyuk;

JEREMIA 17:13

Ee Kamuktaindet ne Toroor, inyee ne ii kamang'unetap Israel, kiyaei kolililan icheek tugul che metoin; kisirchin ng'wony icheek che istoenagei, amu ki kometa Kamuktaindet ne Toroor, kondametutap peek che saptos.

JEREMIA 17:20

ak ileenji icheek, Ogas ng'olyootap Kamuktaindet ne Toroor, okweek laitorinigap Judah, ak Judah komugul, ak piik tugul che menyei Jerusalem, che obendi oriit obune ormariichochuuto;

JEREMIA 18:15

Amu kigoutyeno piikyuk, ki kobeelji nyamdutik tuguuk che ma tilei kiy; ak ki konach icheek eng' ortinwekwak, eng' ortinwek che po keny, si kobunoot ortinwek che mi taban, eng' ooreet ne ma ki yai;

JEREMIA 2:13

Ki koyai piikyuk yaitwogik aeng': ki kometo anee ne aa kondametutap peek che saptos, ak kobaljigei keriingonik, keriingonik che ki koterogis, che ma imuuchi kotebee peek.

JEREMIA 2:17

Tos ki ma icheeng'jige niito, amu ki imete Kamuktaindet ne Toroor Kamuktaindeng'ung', ye ki imutin eng' ooreet?

JEREMIA 2:19

Pirin yaityeng'ung', ak kogerin kong' mastaeng'ung'. Nai ak iguiye ile kiit ne ya ak ko ng'waan, eng' imete Kamuktaindet ne Toroor Kamuktaindeng'ung', ametinye kaiyweisyet ne iywea, mwaei Kiptaiyat, Kamuktaindet ne Toroor ne po lugoosyek.

JEREMIA 2:30

Ki abir lagokwok puch, ma cham icheeget katigonet. Kigobar rotweng'ung' po chok maotikwok, ko uu ng'etundo ne ng'emisyei.

JEREMIA 2:34

Kogeny, ko miitei ngoroiguk, korotiigap kibananook che ma tinyei tengek. Ma inyoorchi icheek ole ki kobutok. Ago eng' chuuto tugul,

JEREMIA 22:17

Ago matokyingei konyeguk ak muguleldang'ung' kiy age kobatee tuguugap ng'wen, ak tumdaetap korotiik che ma tinyei tengek, ak sastaet, ak koroomnateet, koyai chooto.

JEREMIA 22:3

Mwaei Kamuktaindet ne Toroor kole: Oyai okweek kirwooget ak imanda, ak osaru ne ki kiluul komong' eng' eutap usiindet: amat oyai ne ya, anan koroomnateet, oyachi toondet, anan ne ma tinyei sigiik, anan mosoget, amotumde korotiik che ma tinyei tengek, eng' olito.

JEREMIA 26:15

Ago onai komyee ole, ngot obara, oipchinigei korotiik che ma tinyei tengek, kobooto nganasani, ak piik tugul che menyei olito: amu kagoyokwo Kamuktaindet ne Toroor iman anyo amwaiwok ng'aleechuuto tugul ogase.

JEREMIA 26:23

ak ki imut Uriah eng' Misiri, komutyi Jehoiakim laitoryat, ne ki par ineendet eng' rotwetap chok, ak kowiirchi muustonyi kereeriisyegap piik che ma taagunotiin.

JEREMIA 44:3

amu yaityennywa ne ki koyai kotacha anereech, amu ki pa kobeel nyamdutik, koot kamuktaik che ki ma kongen, icheeget, anan okweek, anan kwanisyekwok.

JEREMIA 5:6

Ara anyun parei icheek `ng'etundo ne mang'une timiin, parei icheek suiyot ne po surkwen. Sapchin `cheplanget nganasookwak, kitonatoni age tugul ne mong'u eng' olooto, amu chaang' pistaosyekwak, ak ki kotesak kachuchugennywa pogei.

JEREMIA 7:6

ngot ko mosastoe toondet, ak ne ma tinyei sigiik, ak mosoget, amotumde korotiik che ma tinyei tengek eng' olito, anan osubote kamuktaik che teer ogoochinegei nyalilda,

JEREMIA 7:9

Tos nyolu ochoorsei, orumisyei, oyaei ibeetapkei, oyosye eng' lembech, obeelji nyamdutik Baal ak osubote kamuktaik che teer che mongen,

RIREKAB JEREMIA 4:13

Ki piit ko uu niito amu tengekwogigap maotikyik, ak yaitwogigap tisiikyik, che kitumda korotiigap piik che po iman eng' kwenunnyi.

EZEKIEL 20:26

ak ki amurwon icheek eng' konunoikwak icheegei, amu ki igoito lagok tugul che yaatei iyoteet kobun maat, si kobiit agoochi icheek kobononso, si konai kole aa Kamuktaindet ne Toroor.

EZEKIEL 7:22

Ak atuktoochi patai, ak kong'wanit oldanyu ne po ung'oot: ak kochut olooto rebiik, ak kong'wanit.

EZEKIEL 8:11

Ak kitononie taitap kanamonichooto piik tamanwogik tisap che po poisyegap Israel, ak kitonone kwenunnywa Jaasania weeriitap Sapan, kotinyei chii age tugul tereennyi eng' eunnyi, ne kibeelse; ak kitogosta iyeto ne po ng'uunetap nyamdutik.

LUKA 11:50

si kobiit komage ibini, korotiigap maotik tugul, che ki kitumda kobooch ko kagilumda ng'wony;

NG'ATUTIK 13:13

Kamang'une kwenung'ung' piik alak che yaach, ak koba komaas piik che menyei nganasennywa koleenji, ‘Ongebe keoot kamuktaik che mongen,’

NG'ATUTIK 13:6

“Ngo kaigain eng' ung'oot ng'eetap kamenng'ung' anan weeriing'ung' anan cheptong'ung' anan osotyondeng'ung' ne ichame anan chorweng'ung' ne ichame ko uu ye ichame saboondang'ung' koleenjin, ‘Ngebe keoot kanamonik alak’ che ki ma ingen inyee anan kwanisyeguk,

NG'ATUTIK 28:20

“Iyogun Kamuktaindet ne Toroor chubisyet, nyalilda ak kereetap kong' eng' tugul che iyae euneguk agoi kong'emin ak agoi ilus ichakte, amu yaityetap poisyoniguk ne kigoonin ibagaakta.

NG'ATUTIK 28:36

“Imutin Kamuktaindet ne Toroor kobooto laitoryandeng'ung' ne tuun indoi koboun agoi iit pororyet ne mengen inyee anan kwanisyeguk, ak ioot kanamonik che po keetiik ak koik eng' olooto.

NG'ATUTIK 28:64

Ak koiyestak Kamuktaindet ne Toroor obe pororyosyek tugul, kobooch tabanda age ne po ng'wony agoi tabanda age. Iote kanamonik eng' olooto che po keetiik ak che po koik, che mengen inyee anan kwanisyeguk.

NG'ANG'UTYET 16:6

Amu kitumda korotiigap piik che tiliileen ak che po maotik, ak kaigoochi icheek korotiik koe; amu nyoljin icheek ko uu nooto.”

KIRUOGIK 5:8

Ki lewen kamuktaik alak, kobiit lugeet eng' kurgotik. Tos kige keerei long'eet anan ko ng'otit eng' piik eliphuusyek artam eng' Israel?