Ki miin Abraham keetit eng' Beer-sheba ak ki kuur eng' olooto kainetap Kamuktaindet ne Toroor, Kamuktaindet ne po Koigeny.
JEREMIA 10:10 - BUKUIT NE TILIIL Sireet ne Dutero Kanon Ago Kamuktaindet ne Toroor ko Kamuktaindet ne Toroor ne po iman; ineendet ko Kamuktaindet ne Toroor ne sabei, ak ko laitoryat ne po koigeny. Bbotani ng'wony amu nereegekyik, amaimuuchi komuita pororyosyek eng' nereegekyik. Bukuit Ne Tilil Ago Kamuktaindet ne Toroor ko Kamuktaindet ne Toroor ne po iman; ineendet ko Kamuktaindet ne Toroor ne sabei, ak ko laitoryat ne po koigeny. Bbotani ng'wony amu nereegekyik, amaimuuchi komuita pororyosyek eng' nereegekyik. BUKUIT NE TILIL Ago Jehovah ko Kamuktaindet ne bo iman; inendet ko Kamuktaindet ne sobei, ak ko laitoriat ne bo koigeny: botani ng’ony amu neregekyik: amaimuchi komuita bororiosiek eng’ neregekyik. |
Ki miin Abraham keetit eng' Beer-sheba ak ki kuur eng' olooto kainetap Kamuktaindet ne Toroor, Kamuktaindet ne po Koigeny.
Kingo keer piik tugul, kobutyi ng'wony ak kole, “Kamuktaindet ne Toroor ko Kamuktaindet; Kamuktaindet ne Toroor ko Kamuktaindet!”
si kobiit konai piik tugul che po ng'wony kole, Kamuktaindet ne Toroor ko Kamuktaindet; ma mi age.
Ee Kamuktaindet ne Toroor, neng'ung' ooindo ak kamuktaet, ak toroornatet ak katerteeret ak etunateet, amu cheguuk tuguuk tugul che mi kipsengwet ak che mi ng'wony. Neng'ung' ee Kamuktaindet ne Toroor laitornatet, ii toroorot ak ii metitap tugul.
Kiga kotebee Israel egosyek che chaang' ama tinyei Kamuktaindet ne po iman, ama tinyei tisiindet ne ineetisyei, ama tinyei ng'atuutik.
Kamuktaindet ne Toroor ko Laitoryat koigeny ak koigeny; ki ko petyo pororyosyek eng' emennyi.
Onai ole Kamuktaindet ne Toroor ko Kamuktaindet. Ineendet ne kiyaech, ak ki chechiik; ki piikyik, ak ki keechiiregap akweennyi.
Amu myee Kamuktaindet ne Toroor; tebyei rireenennyi koigeny, ak imandanyi eng' ibinwek tugul.
Laitornateng'ung' ko laitornatet ne po koigeny; ak tebyei laitornateng'ung' eng' ibinwek tugul.
ne ki yai kipsengwet ak ng'wony, nyanjet, ak tugul che mi olooto; ne riibei imanda koigeny;
Ki kirgiren ng'wony anyun ak kobotan, kitwagei lumeiywegap tuloonook, ak kotumdumgei, amu kinereech.
Tebee Kamuktaindet ne Toroor maraneet ko uu laitoryat; tebyei Kamuktaindet ne Toroor kolaitorani koigeny.
Kande saboondanyu eung'ung'. Ki ityaacha, ee Kamuktaindet ne Toroor, inyee Kamuktaindet ne po imanit.
Amei saboondanyu melelda agobo Kamuktaindet, Kamuktaindet ne sabei. Auiyo ye anyoone tainnyi si ageer togeetap Kamuktaindet?
Kobotan ng'wony, Ak kororok kipsengwet eng' taitap Kamuktaindet: Kobotan Sinai nooto eng' taitap Kamuktaindet, Kamuktaindetap Israel.
Ago Kamuktaindet ko Laitoryandennyu kobooch keny, Ne yaei yetunet eng' kwenutap ng'wony.
Kanyool kiywein inyeendet, inyee; Ak ng'oo ne imuuchi kotonon eng' taing'ung' ko kenereech?
Ki mi tuugeetap tuleeng'ung' kipchurchuryet; ki ikweny ng'wony `kalyelosyek: ki potan ng'wony ak kotumdumgei.
Amei emo saboondanyu, ee, machei kotanui agobo seremusyegap Kamuktaindet ne Toroor; Tyenjin muguleldanyu ak poortanyu, Kamuktaindet ne sabei.
Ng'oo ne ingen kimnateetap nereegeguk, Ak nereegeguk che ng'woneen, ko uu ye nyoljin kiywein?
Ye kitom kobiit tuloonook, Anan ye kitom iyai emet ak ng'wonyut, Ii Kamuktaindet, kobooch keny agoi koigeny.
Ep iit, ee Kamuktaindet ne Toroor, ak igeer; ak kas ng'aleek tugul che po Sennacherib, che kagoyok kochote Kamuktaindet ne sabei.
Abeere imuuchi kogas Kamuktaindet ne Toroor Kamuktaindeng'ung' ng'aleegap Rabsake, ne kagoyok laitoryatap Assyria kiptaiyandennyi, konyo kochot kamuktaindet ne sabei, ak koger kong' ng'aleek che kagas Kamuktaindet ne Toroor Kamuktaindeng'ung': ara anyun saa agobo piik che ng'etunotiin.
Ogeero, uu pororyosyek peek che kasaita konyil agenge eng' tereet, ak kiiti ko uu temburyek che tutigin che mi kiit ne kirogendoisye: ogeero, inemu ngeguusyek ko uu kiit ne ming'in miising'.
Tos tomo inai? Tos tomo igas? Manyaluli, ama ng'etei Kamuktaindet ne po koigeny, ineendet Kamuktaindet ne Toroor, Yaindetap ng'wony komugul; ma isyachaksei naennyi.
Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.
si koek ne iberuuregei eng' ng'wony ne iberuuregei eng' Kamuktaindet ne po iman, ak koek ne iyastos eng' ng'wony ne iyastos eng' Kamuktaindet ne po iman; amu kigeutye nyalilwogik che po tai, amu kigeuny si ma ageere.
Ama omwae mileetap Kamuktaindet ne Toroor kogeny: amu egu ng'olyootap chii age tugul lautyennyi; amu ki omaas ng'aleegap Kamuktaindet ne Toroor ne sabei, che po Kamuktaindet ne Toroor ne po lugoosyek, Kamuktaindennyo.
ak ngot iyasye ko uu ni ile, ‘Ko uu ye sabei Kamuktaindet ne Toroor,’ eng' imanit, eng' kirwooget ak lititindo, konyooru kaberuret pororyosyek eng' aneendet ak kolasunenogei.”
Potani ng'wony eng' cheetap lugeet ne kiluule Babilon, ak kigasei waagennywa eng' pororyosyek.
Ak kobotan emet ak komi eng' ng'wanindo: amu tonondos chobutigap Kamuktaindet ne Toroor che kichobei agobo Babilon, si kobiit koyai emetap Babilon koek karaatya, ole ma menyei chii.
Ak kotwek Kamuktaindet ne Toroor eng' taitap lugeennyi; amu oo kabuureitanyi; amu kiim ineendet ne yaei ng'olyoondennyi kosulda; amu oo peetuutap Kamuktaindet ne Toroor ak komuisei miising'; ng'oo ne imuuchi komuita?
Ak kochootyo tuloonook eng' keelyekyik, ak kobetogis atebwosyek, ko uu ye chotei temeniet ko kauchi maat, ko uu peek che kirandoi eng' ole keigei.
Potandos tuloonook eng' tainnyi, ak kochootyo tuloonook che mengeechen; potani ng'wony eng' tainnyi, ee ng'wony ak tugul che menyei olooto.
Ng'oo ne imuuchi kotonon eng' taitap nereegekyik? Ak ng'oo ne imuuchi komuita eng' koroomnatetap nereegekyik? Kirong'u nereegekyik che ng'woneen ko uu maat, ak tonatoni `ineendet rwandosyek.
Ki iyweis tuloonook ye kigeerin; Kisiirto usoonetap nyanjet; Kitul rireet, ak konamji parak eunekyik.
Ki tonon ak kokwa ng'wony; ki keer ak kotumdum pororyosyek: Ak ki iseerak tuloonook che po koigeny; ki ing'uruukso tuloonook che po koigeny; ki uu panwekyik peetuusyek che po keny.
Ago ng'oo ne imuuchi komuita eng' peetuutap nyonunennyi? Ak ng'oo ne tononi ye katook? Uu ineendet maat ne ki tiliilisye, ak ko uu sabunitap mwetiik;
Ago ki siis Jeso. Ki leenji tisiindet ne oo, “Ayosyeun eng' Kamuktaindet ne sabei ale, mwaiwech ngo ii Kristo, Weeriitap Kamuktaindet.”
Ak ni saboondap koigeny, ale konain Kamuktaindet ne inyeendet inyegei ne po iman, ak Jeso Kristo, ne ki iyoogu.
“Choronochu, kalya si oyai tuguuchu? Ki piik agacheek che kergei ak okweek, ak kagiibwok logoiywek che myach, si kobiit oweeige omete tuguuchu ma tilei kiy ak obwonji Kamuktaindet ne sabei, ne kiyaei kipsengwet ak ng'wony ak araraita ak tugul che mi olooto.
Rwandet ineendet, ititaat poisyennyi, amu imanda ortinwekyik tugul. Kamuktaindet ne po imanit ne ma tinyei yaityo, po imanda ineendet ak kosuldaat.
Chii ng'oo eng' piik tugul ne ki kas kutitap Kamuktaindet ne sabei kong'alaali eng' maat ko uu ye ki kigas ak kosap?
Amu icheeget che iboortoi agobo acheek ole ki kibwanunde oldang'wong'; ak ko uu ye ki oweekyigei Kamuktaindet olakte kanamonik, si kobiit oot Kamuktaindet ne sabei ak ko ne po iman,
Ingobunji anyun nguno Laitoryat ne po koigeny, ne ma ng'emaksei, ne ma taagu, Kamuktaindet ne ineegei, teegisto ak toroornatet koigeny ak koigeny. Amen.
Ng'at mogoreek che po peetuusyechu, si ma menio, anan konde kamang'unennywa mogornatosyek che ma tonondos, ago eng' Kamuktaindet ineendet ne koonech tuguuk tugul eng' aiyebindo si kobiit keboiboitune;
Ki testai Joshua kole, “Onae eng' ni ole mi kwenung'wong' Kamuktaindet ne sabei, ak oonei ineendet eng' taing'wong' ne matiny Kanaanik, Hitik, Hibik, Perisik, Girgasik, Amorik ak Jebusik.
Ak kingen keele kigonyo Weeriitap Kamuktaindet, ak ki kogoonech kaguiyet, si kobiit kenai ineendet ne po iman, ak kemi eng' ineendet ne po iman, eng' Weeriinnyi Jeso Kristo. Niito ko Kamuktaindet ne po iman, ak saboondap koigeny.
Ki ageer ng'echereet ne oo ak ko leel ne po laitornatet, ak ineendet ne kitebee, ne kimwee togeennyi ng'wony ak kipsengwet; ama ki sikyi ole tebee.
Ee Kamuktaindet ne Toroor, ye ki imande eng' Seir, ye ki imande eng' kooretap Edom, kobotan ng'wony ak koroobon kipsengwet, ee, kosooi poolik peek.
Ki ng'alaalji `Daudi piik che kitonondos eng' ye mi ineendet koleenji, “Kiyachin nee chiito ne parei Philistindoni ak koisto teweernatani eng' Israel? Amu ng'oo Philistindoni ma kimuratan kot koreeny lugosyegap Kamuktaindet ne sabei?”
Ki par otwogindeng'ung' tyong'ichooto tuwai, ng'etundo ak magalaluut. Igeitu anyun Philistindoniito ma kimuratan age eng' icheek, amu kogoreeny lugosyegap Kamuktaindet ne sabei.