JEREMIA 23:36 - BUKUIT NE TILIIL Sireet ne Dutero Kanon

³⁶ Ama omwae mileetap Kamuktaindet ne Toroor kogeny: amu egu ng'olyootap chii age tugul lautyennyi; amu ki omaas ng'aleegap Kamuktaindet ne Toroor ne sabei, che po Kamuktaindet ne Toroor ne po lugoosyek, Kamuktaindennyo.

Bukuit Ne Tilil

³⁶ Ama omwae mileetap Kamuktaindet ne Toroor kogeny: amu egu ng'olyootap chii age tugul lautyennyi; amu ki omaas ng'aleegap Kamuktaindet ne Toroor ne sabei, che po Kamuktaindet ne Toroor ne po lugoosyek, Kamuktaindennyo.

BUKUIT NE TILIL

³⁶ Ama omwae lautietab Jehovah kogeny: amu egu ng’olyotab chi age tugul lautiennyi; amu kiomaas ng’alekab Kamuktaindet ne sobei, che bo Jehovah ne bo lugosiek, Kamuktaindennyo.

JEREMIA 23:36 Referencias Cruzadas

2 LAITORINIK 19:4

Abeere imuuchi kogas Kamuktaindet ne Toroor Kamuktaindeng'ung' ng'aleek tugul che po Rabsake, ne kagoyok `laitoryatap Assyria kiptaiyandennyi, konyo kochot Kamuktaindet ne sabei, ak koger kong' ng'aleek che kagas Kamuktaindet ne Toroor Kamuktaindeng'ung'. Ara anyun saa agobo piik che ng'etunotiin.”

TIENWOGIKAL 12:3

Ibeeti Kamuktaindet ne Toroor kutusweek tugul che ng'alaali chemwaigutnateet, ak ng'elyepta age tugul ne lasegei.

TIENWOGIKAL 120:3

Kigoonin nee, anan kitesun nee, inyee, ng'elyepta ne ng'aalsei?

TIENWOGIKAL 149:9

ak korwookyine kirwooget ne siraat. Tinyei teegisi chechiik tugul che tiliileen. Olasu Kamuktaindet ne Toroor!

TIENWOGIKAL 64:8

Amu ng'aleegap ng'elyebwekwak komaasi icheek; ak tugul che keerei icheek kolelechi metowek.

KALEWANAIK 17:20

Ma nyooru kiy ne myee ineendet ne imaasat muguleldo; ak ibutyin yaityet ne tinyei ng'elyepta ne imaasat.

ISAIAH 28:22

Nooto anyun, amat oegu saasiik, si ma kigiich ratuutikwok amu ki agas kagesunet ne kigeng'at, ne punu Kiptaiyat Kamuktaindet ne Toroor ne po lugoosyek eng' ng'wony komugul.

ISAIAH 3:8

Amu kogong'emak Jerusalem, ak kogobut Judah; amu ki ingelelji Kamuktaindet ne Toroor eng' ng'elyebwekwak ak eng' poisyonikwak, koesyoi kimni toroornatennyi.

JEREMIA 10:10

Ago Kamuktaindet ne Toroor ko Kamuktaindet ne Toroor ne po iman; ineendet ko Kamuktaindet ne Toroor ne sabei, ak ko laitoryat ne po koigeny. Bbotani ng'wony amu nereegekyik, amaimuuchi komuita pororyosyek eng' nereegekyik.

JEREMIA 23:37

Mwachi maotyot ko uu ni ileenji, “Tos kawolun nee Kamuktaindet ne Toroor? Ak kamwa nee Kamuktaindet ne Toroor?”

RIREKAB JEREMIA 2:14

Ki kogeer maotiguk ng'ang'utik agobo inyee che po tangoita ak perberyo; ak tomo kong'aany kotook tengektong'ung', si koweechin kogeny eng' ole ki kiluuljin, ago ki kogeer agobo inyee lautik che po puch ak ng'aleek che po kamaaset.

MATAYO 12:36

“Amwaiwok ale, ng'olyoo age tugul ne mwaei piich eng' tangoi, ko tuun tetu chooto tugul eng' peetuutap kirwooget.

LUKA 19:22

Koleenji anyun ineendet, Arwoogun agobo ne kemwa eng' kuting'ung', otwogindoni ya. Ki ingen ile aa chii ne kolgol, anemu ne ki ma ande ng'wony, ak agese che ki ma agool;

POISYONIGAP CHE KIYOKTOI 14:15

“Choronochu, kalya si oyai tuguuchu? Ki piik agacheek che kergei ak okweek, ak kagiibwok logoiywek che myach, si kobiit oweeige omete tuguuchu ma tilei kiy ak obwonji Kamuktaindet ne sabei, ne kiyaei kipsengwet ak ng'wony ak araraita ak tugul che mi olooto.

GALATYEK 6:5

Amu laei chii tugul milennyi ineegei.

NG'ATUTIK 5:26

Chii ng'oo eng' piik tugul ne ki kas kutitap Kamuktaindet ne sabei kong'alaali eng' maat ko uu ye ki kigas ak kosap?

1 THESSALONIKEK 1:9

Amu icheeget che iboortoi agobo acheek ole ki kibwanunde oldang'wong'; ak ko uu ye ki oweekyigei Kamuktaindet olakte kanamonik, si kobiit oot Kamuktaindet ne sabei ak ko ne po iman,

2 PETERO 3:16

ko uu eng' paronokyik tugul ak icheek, kong'alaal agobo tuguuchuuto eng' paronochooto; ole mi tuguuk alak che uueen kiguiyo, che igunuuri che ma ingen kiy, ak che ma tononiotiin, ko uu ye itoi siruutik chuun alak, kot koit ng'emisyennywa.

1 SAMUEL 17:26

Ki ng'alaalji `Daudi piik che kitonondos eng' ye mi ineendet koleenji, “Kiyachin nee chiito ne parei Philistindoni ak koisto teweernatani eng' Israel? Amu ng'oo Philistindoni ma kimuratan kot koreeny lugosyegap Kamuktaindet ne sabei?”

1 SAMUEL 17:36

Ki par otwogindeng'ung' tyong'ichooto tuwai, ng'etundo ak magalaluut. Igeitu anyun Philistindoniito ma kimuratan age eng' icheek, amu kogoreeny lugosyegap Kamuktaindet ne sabei.