1 TIMOTEO 1:17 - BUKUIT NE TILIIL Sireet ne Dutero Kanon

¹⁷ Ingobunji anyun nguno Laitoryat ne po koigeny, ne ma ng'emaksei, ne ma taagu, Kamuktaindet ne ineegei, teegisto ak toroornatet koigeny ak koigeny. Amen.

Bukuit Ne Tilil

¹⁷ Ingobunji anyun nguno Laitoryat ne po koigeny, ne ma ng'emaksei, ne ma taagu, Kamuktaindet ne ineegei, teegisto ak toroornatet koigeny ak koigeny. Amen.

BUKUIT NE TILIL

¹⁷ Ingobunji anyun nguno Laitoriat ne bo koigeny, ne ma ng’emaksei, ne ma toogu, Jehovah ne inegei, teegisto ak torornatet koigeny ak koigeny. Amen.

1 TIMOTEO 1:17 Referencias Cruzadas

1 ATEPTAP PEETUUSYEK 29:11

Ee Kamuktaindet ne Toroor, neng'ung' ooindo ak kamuktaet, ak toroornatet ak katerteeret ak etunateet, amu cheguuk tuguuk tugul che mi kipsengwet ak che mi ng'wony. Neng'ung' ee Kamuktaindet ne Toroor laitornatet, ii toroorot ak ii metitap tugul.

NEEMIA 9:5

Yeityo komwa Lawiik: Jeshua, Kadmiel, Bani, Hasabeneia, Serebia, Hodia, Sebania ak Petaia kole, “Otononie ak olasu Kamuktaindet ne Toroor, Kamuktaindeng'wong' kobooch koigeny agoi koigeny.” Ingoberuurok kaineng'ung' ne po toroornatet, ne itoroorot kosiir kaberuret tugul ak kalasunet.

TIENWOGIKAL 10:16

Kamuktaindet ne Toroor ko Laitoryat koigeny ak koigeny; ki ko petyo pororyosyek eng' emennyi.

TIENWOGIKAL 106:48

Iberuurot Kamuktaindet ne Toroor, Kamuktaindetap Israel, kobooch koigeny agoi koigeny. Ak ingomwa piik tugul kole, “Amen!” Olasu Kamuktaindet ne Toroor!

TIENWOGIKAL 145:13

Laitornateng'ung' ko laitornatet ne po koigeny; ak tebyei laitornateng'ung' eng' ibinwek tugul.

TIENWOGIKAL 41:13

Ingitoroor Kamuktaindet ne Toroor, Kamuktaindetap Israel, kobooch keny agoi koigeny. Amen, ak Amen.

TIENWOGIKAL 45:1

Ing'irtogei tuguuk che myach eng' muguleldanyu; amwaitoi eng' kaitosyegap tyendo agobo laitoryat; kergei ng'elyeptanyu ak kalametap siriindet ne ng'oom.

TIENWOGIKAL 45:6

Ee Kamuktaindet, tebyei koigeny ak koigeny ng'echereeng'ung' ne po laitornatet. Kirokto ne po pounateng'ung' ko kirokto ne po imanda.

TIENWOGIKAL 57:11

Tororitu, ee Kamuktaindet, isiir kipsengwet. Ingoeet teegistang'ung' eng' ng'wony komugul.

TIENWOGIKAL 90:2

Ye kitom kobiit tuloonook, Anan ye kitom iyai emet ak ng'wonyut, Ii Kamuktaindet, kobooch keny agoi koigeny.

JEREMIA 10:10

Ago Kamuktaindet ne Toroor ko Kamuktaindet ne Toroor ne po iman; ineendet ko Kamuktaindet ne Toroor ne sabei, ak ko laitoryat ne po koigeny. Bbotani ng'wony amu nereegekyik, amaimuuchi komuita pororyosyek eng' nereegekyik.

MIKAH 5:2

Ago inyee, Bethlehem Ephratah, ne ii ming'in eng' kwenutap eliphuusyek che po Judah, mong'unenen age ne nyoonjino ne tuun egu pounindetap Israel; ne ki cham komong'u kobooch keny, kobooch koigeny.

MALAKI 1:14

Ago chuboot kaberberindet, ne tinyei mengit eng' akweennyi, ak koarorto, yeityo koeng'ji Kiptaiyat kiit ne tinyei perutyet. Amu Aa Laitoryat ne oo, ak kiywei kainennyu eng' pororyosyek mwaei Kamuktaindet ne Toroor ne po lugoosyek.

MATAYO 25:34

“Yeityo komwachi `Laitoryat icheek che mi eunnyi ne po tai koleenji, ‘Obwa, okweek che oberuurotin che oo po Abba, onam laitornatet ne kigechobwok kobooch ko kagilumda ng'wony;

MATAYO 28:20

oneet icheek koosup tuguuk tugul che kaang'atak. Ak ogeero, ami kobootok eng' peetuusyek tugul, agoi kagesunetap ng'wony.”

MATAYO 6:13

Amemutech ole mi yoomseet, ago sarwech eng' ne ya.” [Amu neng'ung' laitornatet, ak kamuktaet, ak toroornatet, agoi koigeny. Amen.]

JOHANA 1:18

Ma mi chii ne ki keer Kamuktaindet ole kigoi; kigong'ang'wech Kamuktaindet Weeriit ne ki kisich ineegei, ne mi tegetap Kwanda.

JOHANA 5:44

Omuuchi eng' nee oyan, che otaagegei kalasunet, amocheeng'e kalasunet ne punu Kamuktaindet ne mi ineegei?

ROMANIK 1:20

Amu ki keerei komyee tuguukyik che ma taagu kobooch yaetap ng'wony che naoksei eng' tuguuk che yaotin, agot kimnateennyi ne po koigeny ak ineendet iman ko Kamuktaindet; si ma ek icheek che tinyei lotania; Kiguitos ak kotaagu komyee kimnateet ne po koigeny ak piteetap Kamuktaindet che nga ma taagu kobooch yaetap ng'wony, kiguitos ak kotaagu eng' tuguuk che ki yai Ineendet; si ma ek icheek che tinyei lotania;

ROMANIK 1:23

ak kowal toroornatetap Kamuktaindet ne ma ng'emaksei kogergeit ak itoondap chiito ne ng'emaksei, ak ne po toriitik, ak tyong'ik che po keelyek ang'wan, ak tuguuk che ichuutegei.

ROMANIK 11:36

Amu pou ineendet, ak kobunu ineendet ak koweekyingei ineendet, tuguuk tugul. Punjin ineendet toroornatet koigeny. Amen.

ROMANIK 16:27

po Kamuktaindet ne utaat ineegei toroornatet koigeny, eng' Jeso Kristo. Amen.

ROMANIK 2:10

ago toroornatet ak teegisto ak kaalyeet eng' chii age tugul ne yaei ne myee, po Yahudyot korook ak Yunanindet agine:

ROMANIK 2:7

igoochin saboondap koigeny icheek che cheeng'ei eng' muitaet ak eng' poisyonik che myach, toroornatet ak teegisto ak che ma ng'emaksei;

KOLOSAIK 1:15

Ineendet itoondap Kamuktaindet ne ma taagu, ineendet ne kisip kesich eng' kiit age tugul ne ki kitoi keyai;

HEBRANIK 11:27

Ki pagaakta Misiri eng' kayaneet, amaiywei nereegegap laitoryat: amu kimuita, ko uu ye keerei ineendet ne ma taagu.

HEBRANIK 2:7

Ki iyai ineendet koming'init kitigin eng' malaikaisyek; Ilaakyini ineendet kuutweetap toroornatet ak teegisto, Ak ki inde koboi poisyonigap euneguk:

1 PETERO 5:11

Nenyi kimnateet koigeny ak koigeny. Amen.

2 PETERO 3:18

Ago oneryee eng' myeeindo ak naet ne po Kiptaiyandennyo ak ko Yetindennyo Jeso Kristo. Nenyi toroornatet nguno agoi koigeny. Amen.

1 JOHANA 4:12

Ma mi chii ne ki kogeer Kamuktaindet ole kigoi; ngot kechamdosi, komenyech Kamuktaindet, ak keyaei chamyennyi koek ne ititaat eng' acheek:

JUDA 1:25

kobunji Kamuktaindet ne ineegei ne Yetindennyo, eng' Jeso Kristo Kiptaiyandennyo, toroornatet, etunateet, pounateet ak kimnateet, kobooch keny, nguno ak agoi koigeny. Amen.

NG'ANG'UTYET 15:3

Ak kotyeni icheek tyendap Musa otwogindetap Kamuktaindet, ak tyendap Aarwet, koleen, “Eechen poisyoniguk ak ko po kwong'eet, ee Kiptaiyat Kamuktaindet, Ne po Kamuktaet. Po imanda ak ko po iman ortinweguk, inyee Laitoryatap pororyosyek.

NG'ANG'UTYET 17:14

Paregei chuuto ak Aarwet ak koterteer Aarwet icheek, amu ineendet ko Kiptaiyatap kiptainik, ak ko Laitoryatap laitorinik; ak icheeget che mi kobooto ineendet, che ki kiguur ak che ki kilewen ak che kiyani.”

NG'ANG'UTYET 19:1

Kingo pata tuguuchu, agas kiit ne uu kutit ne oo ne po tuiyet ne oo eng' kipsengwet, kole, “Haleluya! Po Kamuktaindet nenyo yetunet, toroornatet, ak kamuktaet;

NG'ANG'UTYET 19:16

Ak kotinyei eng' ngoryennyi ak eng' kubestanyi kainet ne ki kisir kole, “Laitoryat ne po Laitorinik ak Kiptaiyat ne po Kiptainik.”

NG'ANG'UTYET 19:6

Ak ki agas kiit ne uu kutitap tuiyet ne oo, ak ko uu cheetap peek che chaang', ak ko uu cheetap tuloosyek che kiimeen, kole, “Haleluya! Amu laitorani Kiptaiyat Kamuktaindennyo Ne po Kamuktaet.

NG'ANG'UTYET 7:12

koleen, “Amen! Po Kamuktaindet nenyo kaberuret ak toroornatet, utaatyet ak kongoi ak teegisto, ak kamuktaet ak kimnateet, koigeny ak koigeny. Amen!”