NAHUM 1:5 - BUKUIT NE TILIIL Sireet ne Dutero Kanon

⁵ Potandos tuloonook eng' tainnyi, ak kochootyo tuloonook che mengeechen; potani ng'wony eng' tainnyi, ee ng'wony ak tugul che menyei olooto.

Bukuit Ne Tilil

⁵ Potandos tuloonook eng' tainnyi, ak kochootyo tuloonook che mengeechen; potani ng'wony eng' tainnyi, ee ng'wony ak tugul che menyei olooto.

BUKUIT NE TILIL

⁵ Botandos tulonok eng’ tainnyi, ak kochootyo tulonok che mengechen; sutoksei ng’ony eng’ tainnyi, ee, ng’ony, ak tugul che menyei oloto.

NAHUM 1:5 Referencias Cruzadas

2 SAMUEL 22:8

Ki kirgiren ng'wony anyun ak ki potan, ki twagei lumeiywegap kipsengwet, ak kotumdumgei amu kinereech.

Kitabuutap JOB 26:11

Potandos tolochigap kipsengwet ak ko kwong'dos eng' kerennyi po kong'.

Kitabuutap JOB 9:5

Ineendet ne iutoi tuloonook ama naei icheek, ye igabui icheek eng' nereegekyik;

TIENWOGIKAL 104:32

Potani ng'wony ye kageer ineendet; twaei tuloonook ak koiyenso.

TIENWOGIKAL 114:4

Ki toroombenso tuloonook ko uu mengichik, ak ki toroombenso tuloonook che mengeechen ko uu aaregap keechiir.

TIENWOGIKAL 114:6

Okweek tuloonook, kalya si otorombenote ko uu mengichik? Ak okweek tuloonook che mengeechen kot otorombenote ko uu aaregap keechiir?

TIENWOGIKAL 18:7

Ki kirgiren ng'wony anyun ak kobotan, kitwagei lumeiywegap tuloonook, ak kotumdumgei, amu kinereech.

TIENWOGIKAL 18:8

Ki togostae iyeto seruunekyik, ak kibeelso maat ne ki mang'une kutinnyi; kilalyo nesek eng' maata.

TIENWOGIKAL 46:6

Kibolyo pororyosyek, ak kiwaskei laitornatosyek; kitwek ineendet ak kichoot ng'wony.

TIENWOGIKAL 68:8

Kobotan ng'wony, Ak kororok kipsengwet eng' taitap Kamuktaindet: Kobotan Sinai nooto eng' taitap Kamuktaindet, Kamuktaindetap Israel.

TIENWOGIKAL 98:7

Ingomoror nyanjet, ak tuguuk che nyiitaat olooto; Ng'wony, ak icheeget che menyei olooto;

KOMONG'U 19:18

Ki iyeni tulweet komugul ne po Sinai amu kichoorchigei `Kamuktaindet ne Toroor tulwoonooto eng' maat. Ki togosta iyetanyi ne uu ne po maat ne oo kot ak ki potan tulweet miising'.

ISAIAH 24:1

Ogeero, yaei `Kamuktaindet ne Toroor ng'wony koek ole ma mi kiy ak koek surkwen, ak kogabui, ak koseer piik che menyei olooto.

ISAIAH 24:20

Terteryoti ng'wony ko uu chiito ne kabogit, ak keistoot kwo komosi ak komosi ko uu koot; ak konyigiisityi pistoennyi, ak kobut, ama kong'eetei kogeny.

ISAIAH 5:25

Ki nereekyi kot anyun `Kamuktaindet ne Toroor piikyik, ak ki iyogoito eunnyi kogirinda icheek, ak kobir, kibotanso tuloonook che mengeechen, ak ki ek muuswekwak pusagaryek eng' kwenutap ortinwek. Nganda uu nooto, koma istogei nereegekyik, ago ta kochuulat eunnyi kora.

JEREMIA 10:10

Ago Kamuktaindet ne Toroor ko Kamuktaindet ne Toroor ne po iman; ineendet ko Kamuktaindet ne Toroor ne sabei, ak ko laitoryat ne po koigeny. Bbotani ng'wony amu nereegekyik, amaimuuchi komuita pororyosyek eng' nereegekyik.

JEREMIA 4:24

Ki ageer tuloonook, kibotandos ak ki iyongoi tuloonook tugul che mengeechen.

EZEKIEL 38:20

kot kobotanso eng' tainnyi njireenigap nyanjet, ak toriitik che po parak, ak tyong'igap timiin, ak tuguuk tugul che ichuutegei ng'wony, kobooto piik tugul che miitei ng'wony, ak kiluul tuloonook, ak kong'isyogen ole keigei, ak koluul irimeet age tugul.

JOEL 2:10

Potani emet eng' tainnywa; potandos kipsengwet: imenitu asiista ak arawet, ama kooluu kecheik.

AMOS 9:5

Amu Kiptaiyat Kamuktaindet ne Toroor ne po lugoosyek, ko ineendet ne twaei emet si kochoot, ak koriiryo tugul che menyei olooto; ak ng'eetei emet komugul ko uu aineet; ak koteeny kogeny ko uu aineet ne po Misiri.

MIKAH 1:4

Ak kochootyo tuloonook eng' keelyekyik, ak kobetogis atebwosyek, ko uu ye chotei temeniet ko kauchi maat, ko uu peek che kirandoi eng' ole keigei.

HABAKUK 3:10

Ki iyweis tuloonook ye kigeerin; Kisiirto usoonetap nyanjet; Kitul rireet, ak konamji parak eunekyik.

SEKARIA 4:7

Ii ng'oo, ee tulwooni oo? Iegu warenget eng' taitap Zerubabel: ak inemu koita ne po parak kowaaktos koleen, Myeeindo, myeeindo, ingotebee paragunnyi.”

MALAKI 4:1

Mwaei Kamuktaindet ne Toroor ne po lugoosyek kole, “Ogeero, nyoonei peetuut ne lalei ko uu maat ne oo, ak igeitu mobeek menotik tugul, kobooto icheek tugul che yaei tengekto. Ak peelei icheek peetuut ne nyoonei kot ko ma ng'etyi tigityot anan ko mornet.

MATAYO 27:51

Ogeero, ki kereer angeet ne ki kioiye Hekaluut koek aeng' kobooch parak agoi ng'wony, ak kobetogis rwandosyek.

MATAYO 28:2

Keero, ki potan ng'wony miising'; amu ki choorgei malaikaiyatap Kiptaiyat eng' kipsengwet, konyo komilda koita ak kotebee koiata.

NG'ANG'UTYET 20:11

Ki ageer ng'echereet ne oo ak ko leel ne po laitornatet, ak ineendet ne kitebee, ne kimwee togeennyi ng'wony ak kipsengwet; ama ki sikyi ole tebee.

NG'ANG'UTYET 6:14

Ki kiisto kipsengwet ko uu kartasit ne kimamani, ak ki kiisto eng' komoswekwak tulweet age tugul ak emet age tugul ne ki ikween peek.

KIRUOGIK 5:5

Ki root tuloonook kotendeen eng' taitap Kamuktaindet ne Toroor, nooto po Tulweetap Sinai, eng' taitap Kamuktaindet ne Toroor, Kamuktaindetap Israel.