NAHUM 1:4 - BUKUIT NE TILIIL Sireet ne Dutero Kanon

⁴ Kere kong' nyanjet ak kogoochin koyaam, ak igoochin koteeny ainoosyek tugul; nyaluli Bashan ak Karmel, ak kores taapteetap Lebanon.

Bukuit Ne Tilil

⁴ Kere kong' nyanjet ak kogoochin koyaam, ak igoochin koteeny ainoosyek tugul; nyaluli Bashan ak Karmel, ak kores taapteetap Lebanon.

BUKUIT NE TILIL

⁴ Kere kong’ nyanjet, ak koyaami, ak kotenyi ainosiek tugul: nyaluli Basan, ak Karmel, ak kores taptetab Lebanon.

NAHUM 1:4 Referencias Cruzadas

TAUNET 8:1

Ki ibwaat anyun `Kamuktaindet Noah, tyong'ik che po timiin ak kiyagiik tugul che ki mi tugul eng' moinget. Ak ki iyookyi Kamuktaindet usoonet ne ki usyi ng'wony, ak ki toi koteenyo peek.

2 SAMUEL 22:16

Ki took anyun kereruusyegap nyanjet, king'ang'agis lumeiywegap ng'wony, eng' kereetap kong' ne po Kamuktaindet ne Toroor, ak eng' cheetap kabuusetap seruunekyik.

Kitabuutap JOB 38:11

ak ale, ‘Ibochitu yu, mesiire; ak kirang'e yu peeguk che mildogei eng' menoteet?’

TIENWOGIKAL 104:7

Ki mweiso icheek eng' kereng'ung' po kong', ki chaakta eng' cheetap tuleeng'ung'.

TIENWOGIKAL 106:9

Ki kergong' Araraita ne Piriir agine, ak ki yaam; ki indochi anyun kobun rirosyek, ko uu ye punei surkwen.

TIENWOGIKAL 114:3

Ki keer nyanjet ineendet ak ki mwei; ki kiweekta Jordan kwo let.

TIENWOGIKAL 114:5

Amin nee, ee nyanjani kot imwei? Amin nee, inyee Jordan kot iweeige let?

TIENWOGIKAL 18:16

Ki iyook eunnyi eng' parak, ak koganaba; ki ichuutwa among' eng' peek che chaang'.

TIENWOGIKAL 74:15

Ki igereer kong'igap peek ak ainoosyek: Ki iteenyi ainoosyek che kirootei agoi.

ISAIAH 33:9

Riirei emet ak konyaluli; ililani Lebanon ak koresei, uu Saron surkwen, ak poregei sok Bashan ak Karmel.

ISAIAH 42:15

Ang'eme tuloonook ak tuloonook che mengeechen, ak ayaam sogekwak tugul; ak awal ainoosyek koek ngeguusyek, ak ateeny tamboinik.

ISAIAH 44:27

ne mwachin rireet koleenjin, Yaam, ak ateenyi ainoosyeguk:

ISAIAH 51:10

Tos ma inyee ne ki iteeny nyanjet, peegap rireet ne oo; ne ki iyai rireetap nyanjet koek ooreet ne landoe icheek che ki kityaach?

EZEKIEL 30:12

Ak ateenyi ainoosyek, ak aaldochi emonooto piik che yaacheen; ak ayai emet koguber, kobooto tugul che mi olooto, eng' eunegap toek: kamwae anee Kamuktaindet ne Toroor ng'olyoondoniito.

EZEKIEL 38:20

kot kobotanso eng' tainnyi njireenigap nyanjet, ak toriitik che po parak, ak tyong'igap timiin, ak tuguuk tugul che ichuutegei ng'wony, kobooto piik tugul che miitei ng'wony, ak kiluul tuloonook, ak kong'isyogen ole keigei, ak koluul irimeet age tugul.

AMOS 1:2

Ki mwa kole, Pooriseni Kamuktaindet ne Toroor eng' Zion, ak kotwegu eng' Jerusalem; ak koriiryo ole iyagisye mestoweek, ak koyaam walitap Karmel.

AMOS 5:8

Ineendet ne yaei Koremerik ak Kapsomoguk, ak kowalei mesundeito ne nyigiis koek karonet, ak koyaei peetuut koek kemoi; ineendet ne kuurei peegap nyanjet, ak koroong'ji ng'wony; Kamuktaindet ne Toroor kainennyi;

MATAYO 8:26

Ak ki leenji, “Kalya si oiywei, okweek che otinye kayaneet ne ming'in?” Ki ng'eet anyun koger kong' usoonet eng' araraita; ak ki imung'do anyun kalunguletapkei.

JOSHUA 3:16

kotononso anyun peek che punu meto koba parak. Kitoten eng' ole loo eng' Adam, nganaseet ne neegitee Zarethan, ko peek che kichoortagei kobendi araraitap Arabah, nooto po Munyuk, ko ki igestagei. Ki ilanda anyun piik kolong'ji ole tokyingei Jeriko.