NAHUM 1:3 - BUKUIT NE TILIIL Sireet ne Dutero Kanon

³ Ma sip konereechi Kamuktaindet ne Toroor, tinyei kimnateet ne oo ama pagaktoi kiptengekyot age tugul. Tinyei Kamuktaindet ne Toroor ooreennyi eng' kipchurchuryet ak eng' usoonet ne oo, ak poolik ko temburyegap keelyekyik.

Bukuit Ne Tilil

³ Ma sip konereechi Kamuktaindet ne Toroor, tinyei kimnateet ne oo ama pagaktoi kiptengekyot age tugul. Tinyei Kamuktaindet ne Toroor ooreennyi eng' kipchurchuryet ak eng' usoonet ne oo, ak poolik ko temburyegap keelyekyik.

BUKUIT NE TILIL

³ Ma sib konerechi Jehovah, tinyei kamuget ne o, ama bagaktoi kiptengekyot age tugul: tinyei Jehovah orennyi eng’ kipchujuriet ak eng’ usonet ne o, ak bolik ko temburiekab kelyekyik.

NAHUM 1:3 Referencias Cruzadas

2 SAMUEL 22:10

Ki im kipsengwet ak kochoorgei ineendet. Ki mi mesundeito ne oo kurereetap keelyekyik.

NEEMIA 9:17

Ki eesyo icheek kogas iit, amata kobwaat kwang'utiguk che ki iyai eng' kwenunnywa, ago ki iuiit kaatinnywa. Eng' ngelelnatennywa kogilewen kiptaiyannywa komut icheek koweekyigei otwoknateet eng' Misiri. Ago ii Kamuktaindet ne ichoboot inyochi kaat, ii myee ak itinye riirge, ii Kamuktaindet ne ma sip konereechi, ak itinye rireenet ne oo, ama imete icheek.

Kitabuutap JOB 10:14

Ngot ayai tengek, igeera, amenyoiywa kaat agobo tengektonyu.

Kitabuutap JOB 38:1

Ki wolji anyun `Kamuktaindet ne Toroor Job eng' kipchurchuryet, koleenji,

Kitabuutap JOB 9:4

Utaat ineendet eng' muguleldo, ak kotinyei kimnateet ne oo. Ng'oo ne ki kouitkei eng' tainnyi, ak koboor?

TIENWOGIKAL 103:8

Nyiitaat Kamuktaindet ne Toroor rireenet ak ko po myeeindo, ma sip konereechi ak tinyei rireenet ne oo.

TIENWOGIKAL 104:3

Ineendet ne indoi kimurtoinigap kooriikyik peek parak, ineendet ne yaei poolik koek chepkichutinnyi, ne wendote kebebaigap usoonet:

TIENWOGIKAL 145:8

Kamuktaindet ne Toroor ko ne po myeeindo ak ko nyiitaat rireenet; ma sip konereechi ak tinyei rireenet ne oo.

TIENWOGIKAL 147:5

Oo Kiptaiyandennyo, ak tinyei kimnateet ne oo kosiir; ma kimuuchi ketet ng'omnatennyi.

TIENWOGIKAL 50:3

Nyoonei Kamuktaindennyo, ama siisei: mi tainnyi maat ne peelei kowong'u, ak komuut ineendet usoonet ne oo.

TIENWOGIKAL 62:11

Kitwek Kamuktaindet konyil agenge, ki agas nooto konyil aeng': ale po kimnateet Kamuktaindet;

TIENWOGIKAL 66:3

Oleenji Kamuktaindet, Po kamuiset ne tya poisyoniguk! Iming'injiningei puuniguk amu etunatetap kimnateng'ung'.

ISAIAH 19:1

Maotenet agobo Misiri. Ogeero, laanyei Kamuktaindet ne Toroor pooldet ne chepchep, ak nyoonei agoi Misiri. Ak kiitumdumgei kanamonigap Misiri eng' tainnyi, ak kochoot muguleldap Misiri eng' kwenunnyi.

ISAIAH 29:6

nyoonjin Kamuktaindet ne Toroor ne po lugoosyek ineendet eng' tuleet, eng' potaneetap ng'wony ak polateet ne oo ak kipchurchuryet, kobooto usoonet ne oo, ak liplibenetap maat ne peelsei.

ISAIAH 66:15

Amu ogeero, nyoonei Kamuktaindet ne Toroor eng' maat, ak koigei kariisyekyik che po lugeet kipchurchuryet; koyaakta nereegekyik eng' koroomnateet, ak koyaakta kerennyi po kong' eng' liplibenetap maat.

JEREMIA 4:13

Ogeero, togosu ineendet ko uu poolik, ak uu kipchurchuryet kariisyekyik che po lugeet. Chepchep paraisisyekyik kosiir kipsichinik. Pwo eng' acheek, amu kageng'emech!

HOSEA 8:7

Amu koolei usoonet, ak kesei kipchurchuryet: ma tinyei peek che tonondos; ma iitos itigap peek; ngot koiiyo, koamei kipsagarek kotarei.

JOEL 2:13

ak ogereer mugulelwekwok, amogereer ngoroikwok, ak oweekyigei Kamuktaindet ne Toroor Kamuktaindeng'wong': amu tinyei myeeindo ineendet ak ko nyiitaat rireenet, ma sip konereechi, ak tinyei rireenet ne oo, ak kowalei kabwaatutikyik eng' yaityet.

JONAH 4:2

Ki sa Kamuktaindet ne Toroor kole, “Asaain, ee Kamuktaindet ne Toroor, tos ma ng'olyoondoniito ne ki kamwa ye kingo ta ami emennyu? Ki amwei anyun achakte awe Tarsis amu niito. Ki angen ale ii Kamuktaindet ne po myeeindo ak ne nyiitaat rireenet, ne ma sip konereechi ak kotinyei rireenet ne oo, ak iwale kabwaatutiguk agobo yaityet.

SEKARIA 9:14

Ak kotook Kamuktaindet ne Toroor eng' paragunnywa, ak kwo ne kipchabennyi ko uu kalyeleet; ak koguut Kiptaiyat Kamuktaindet ne Toroor iryageet, ak kwo kobooto kipchurchurinik che po murot tai.

KAITOSYEK 14:18

‘Ma sip konereechi Kamuktaindet ne Toroor ak ko nyiitaat rireenet, ne nyochin kaat tengekto ak pistoet ama nyochin kaat puch kiptengekyot; ago iityin lagok agobo tengektap kwanisyekwak agoi ibinda ne po somok ak ne po ang'wan.’

MATAYO 26:64

Koleenji Jeso, “Kaimwa. Ago amwaiwok ale, Kobooch nguno kotun ogeere Weeriitap chii kotebyei eng' eutap tai ne po kamuktaet, ak konyonei eng' pooligap kipsengwet.”

JAKOBO 1:19

Ongen ng'olyoondoni, chamanikyuk che kitupche. Ago ingochepchebit chii age tugul kogas, amaek ne sip kong'alaali, ama sip konereechi:

NG'ANG'UTYET 1:7

Ogeero! Nyoonei kobooto poolik; ak tuun keerei ineendet konda age tugul, kobooto icheek che kiga toor ineendet; ak koteiyo pororyosyek tugul che po ng'wony amu ineendet. Ee, uu nooto! Amen.