JOHANA 17:3 - BUKUIT NE TILIIL Sireet ne Dutero Kanon

³ Ak ni saboondap koigeny, ale konain Kamuktaindet ne inyeendet inyegei ne po iman, ak Jeso Kristo, ne ki iyoogu.

Bukuit Ne Tilil

³ Ak ni saboondap koigeny, ale konain Kamuktaindet ne inyeendet inyegei ne po iman, ak Jeso Kristo, ne ki iyoogu.

BUKUIT NE TILIL

³ Ak ni sobondab koigeny, ale konain Jehovah ne inyendet inyege ne bo iman, ak Jesu Kristo, ne kiiyogu.

JOHANA 17:3 Referencias Cruzadas

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

2 ATEPTAP PEETUUSYEK 15:3

Kiga kotebee Israel egosyek che chaang' ama tinyei Kamuktaindet ne po iman, ama tinyei tisiindet ne ineetisyei, ama tinyei ng'atuutik.

TIENWOGIKAL 9:10

Ak imang'un icheek che ingen kaineng'ung', amu inyee, Kamuktaindet ne Toroor, koma imete che cheeng'in.

KALEWANAIK 8:35

Amu ineendet ne nyoorwo ko kanyoor saboondo, ak konyoor chameet eng' Kamuktaindet ne Toroor.

ISAIAH 48:16

Oriikyo, ogas ni; tomo amwa kiy eng' ung'oot kobooch keny; ki ami kobooch agoi; kagoyookta anyun Kiptaiyat Kamuktaindet ne Toroor, ak Kabuusennyi.

ISAIAH 53:11

Tuun keerei che pitunee ng'wanindap saboondanyi, ak koyam; tuun iityin otwogindennyu ne po iman, imanda, piik che chaang', eng' naennyi: ak tuun ibei tengekwogikwak.

ISAIAH 61:1

Mi kobooto Kabuuset ne Tiliil ne po Kiptaiyat Kamuktaindet ne Toroor; amu ki ila Kamuktaindet ne Toroor si kobiit aamji logoiywek che myach che nyerootiin; ki koyookta anyaa che ilyotiin mugulelwek, si kobiit aamji luulenik katyaget, ak kityaach che ratotiin.

JEREMIA 10:10

Ago Kamuktaindet ne Toroor ko Kamuktaindet ne Toroor ne po iman; ineendet ko Kamuktaindet ne Toroor ne sabei, ak ko laitoryat ne po koigeny. Bbotani ng'wony amu nereegekyik, amaimuuchi komuita pororyosyek eng' nereegekyik.

HOSEA 6:3

Ongenai anyun, ongetestai kenai Kamuktaindet ne Toroor; mong'u iman ko uu ye eechei: ak nyoonjinech ko uu ropta, ko uu ropta ne po let ne ibisi ng'wony.”

MARIKO 9:37

“Age tugul ne taachei age eng' lagochu mengech eng' kainennyu, ko kataacha; ak age tugul ne taacha ko mataacha anee, ago ineendet ne ki iyookwo.”

LUKA 9:48

ak ki leenji icheek, Chii age tugul ne taachei lakwani ming'in eng' kainennyu ko kataacha: ak chii age tugul ne taacha ko kataach ineendet ne ki iyookwo: amu ineendet ne ming'in eng' okweek tugul, ko nooto ne oo.

JOHANA 10:36

tos omwae agobo ineendet, ne kiitabaan Kwanda ak koyookto kwo ng'wony, oleenjini, ichotisyei; amu ki ale, ‘Aa Weeriitap Kamuktaindet?’

JOHANA 11:42

Ak kaanai ale igasa eng' ui tugul, ago kaamwa ni amu tuiyoni tononi eng' yuto, si kobiit koyan kole ki iyookwo.”

JOHANA 14:26

Ago ineetook tuguuk tugul Kagaigaindet, Kabuuset ne Tiliil, ne iyoogu Kwanda eng' kainennyu, ak kobwaatwok tugul che kaamwaiwok.

JOHANA 17:18

Ko uu ye ki iyookwo anyo ng'wony, ko uu nooto kaayookte icheek koba ng'wony.

JOHANA 17:21

si kobiit koek icheek tugul agenge; ko uu ye imi inyee Abba, eng' anee, ak anee eng' inyee, si kobiit kotep icheek eng' acheek: si kobiit koyan ng'wony kole ki iyookwo.

JOHANA 17:23

anee eng' icheek, ak inyee eng' anee, si kobiit koek icheek che ititaatiin eng' agenge; si kobiit konai ng'wony kole ki iyookwo, ak ichame icheek, ko uu ye ichama.”

JOHANA 17:25

“Ee Abba ne po imanda, ki ma kongenin ng'wony, ago ki angenin; ak ki konai chu kole, ki iyookwo.

JOHANA 17:8

amu ki agoochi icheek ng'aleek che ki igoono ak ki kotaach, ak ki konai iman kole ki abunu ole imi, ak ki koyan kole ki iyookwo.

JOHANA 3:17

Amu ki ma iyookyi `Kamuktaindet Weeriit ng'wony korwookyi ng'wony; ago si kesar ng'wony eng' ineendet.”

JOHANA 3:34

Amu ng'alaali ng'aleegap Kamuktaindet ineendet ne ki iyoogu Kamuktaindet; amu ma koonu ineendet Kabuuset ne Tiliil eng' karagendoet.

JOHANA 5:44

Omuuchi eng' nee oyan, che otaagegei kalasunet, amocheeng'e kalasunet ne punu Kamuktaindet ne mi ineegei?

JOHANA 6:57

Ko uu ye ki iyookwo Kwanda ne sabei, ak asabe amu Kwanda; uu nooto ineendet ne ama, sabei agine amu anee.

JOHANA 7:29

Angen ineendet; amu abunu ineendet ak ki iyookwo ineendet.

JOHANA 8:19

Koleenji anyun icheek ineendet, “Mi ano Kwandang'ung'?” Kowol Jeso kole, “Mongeno, anan Abba. Nda ki konaa, ta ki ongen Abba agine.”

1 KORINTOEK 15:34

Ogosu eng' imanda, amat oyai tengek; amu ma ingen alak Kamuktaindet: amwae ni si agoonok olilan.

1 KORINTOEK 8:4

Nooto anyun eng' ameet ne po tuguuk che kieng'jin kanamonik, kingen keele ma mi kanamwet ne kiy eng' ng'wony, ama mi Kamuktaindet age kobatee agenge.

2 KORINTOEK 4:6

Amu Kamuktaindet ne ki mwa kole, “Tuun iluu lapkeiyet eng' mesundeito,” ineendet ne ki iluuchi mugulelwekyok, si kogoon lapkeiyet ne po naetap toroornatetap Kamuktaindet eng' togeetap Jeso Kristo.

PILIPIK 3:10

si kobiit anai ineendet ak kamuktaet ne po ng'eetyeennyi, ak yamdaet ne po nyalilwogikyik, kirogendoena meennyi;

PILIPIK 3:8

Ee iman, ak aiiti tuguuk tugul koek tugun che ki kobetyo amu telunateet ne po naetap Kristo Jeso, Kiptaiyandennyu: ki kobetwo tuguuk tugul amu ineendet ak aiiti ale pusagaryek, si kobiit anyoor Kristo,

1 THESSALONIKEK 1:9

Amu icheeget che iboortoi agobo acheek ole ki kibwanunde oldang'wong'; ak ko uu ye ki oweekyigei Kamuktaindet olakte kanamonik, si kobiit oot Kamuktaindet ne sabei ak ko ne po iman,

2 THESSALONIKEK 1:8

eng' maat ne lalei, koyaakyi mugetuut icheeget che ma nai Kamuktaindet, ak icheek che ma kase iit logoiywek che myach che po Kiptaiyandennyo Jeso:

HEBRANIK 3:1

Nooto anyun, che kitupche che tiliileen, yamdoigap kuurseetap kipsengwet, obwaat miising' Kayooktoindet ak Tisiindet ne oo ne po ng'ang'ennyo, ineendet Jeso;

2 PETERO 1:2

Ingotesak myeeindo ak kaalyeet eng' okweek eng' naet ne ongen Kamuktaindet ak Jeso Kiptaiyandennyo.

2 PETERO 1:3

Amu ki koonech `kamuktaetap Kamuktaindet tuguuk tugul che nyoljin saboondo ak kayweet ne kiywei Kamuktaindet, eng' naet ne kinae ineendet ne ki kuurech eng' toroornatennyi ak myeeindonyi.

2 PETERO 1:8

Amu ngot ko miitei eng' okweek tuguuchuuto ak ko tesatin, koyaak si mochorirense anan ko che ma iyei logoek eng' naetap Kiptaiyandennyo Jeso Kristo.

1 JOHANA 1:2

(ak king'ang'ak saboonooto, ak ki kegeer, ak kebaoryani, ak kiboorwok saboonooto po koigeny, ne ki mi kobooto Kwanda, ak ki king'ang'wech;)

1 JOHANA 1:3

nooto ki kegeer ak kegas ko nooto ne keamwok ak okweek, si kobiit osich ak okweek yamdaet kobootech; ee, miitei yamdaennyo kobooto Kwanda, ak kobooto Weeriinnyi Jeso Kristo.

1 JOHANA 2:23

Age tugul ne eesyoi Weeriit, koma tinyei nooto Kwanda: ineendet ne ng'aanyei Weeriit kotinyei Kwanda agine.

1 JOHANA 4:6

Kiboo Kamuktaindet `acheek. Ineendet ne ingen Kamuktaindet kogaseech; ineendet ne ma po Kamuktaindet koma kaseech. Kingen eng' niito muguleldap imanit, ak muguleldap keniisyet.

1 JOHANA 5:20

Ak kingen keele kigonyo Weeriitap Kamuktaindet, ak ki kogoonech kaguiyet, si kobiit kenai ineendet ne po iman, ak kemi eng' ineendet ne po iman, eng' Weeriinnyi Jeso Kristo. Niito ko Kamuktaindet ne po iman, ak saboondap koigeny.