ISAIAH 44:2 - BUKUIT NE TILIIL Sireet ne Dutero Kanon

Mwaei Kamuktaindet ne Toroor ne kiyain, ne kimimiin eng' moet, ne toretin, kole, meiywei, ee otwogindennyu Jakobo; ak inyee Jesurun, ne ki alewen.

Bukuit Ne Tilil

Mwaei Kamuktaindet ne Toroor ne kiyain, ne kimimiin eng' moet, ne toretin, kole, meiywei, ee otwogindennyu Jakobo; ak inyee Jesurun, ne ki alewen.

BUKUIT NE TILIL

Mwaei Jehovah ne kiyain, ne kimimiin eng’ moet, ne toretin, ko u ni kole, Ameiywei, ee otwogindennyu Jakobo; ak inye Jesurun, ne kialewen.

ISAIAH 44:2 Referencias Cruzadas

TIENWOGIKAL 46:5

Mi Kamuktaindet kwenutap nganaseet, ama ki istoi; toreti Kamuktaindet yooto ye kaeech.

TIENWOGIKAL 71:6

Ki atienengei kong'etee ko kagisicho; Inyee ne ki imoong'wa eng' moetap iyoonyu ne kisicho. Neng'ung' kalasunennyu kotugul.

TIENWOGIKAL 95:6

Obwa kilasu, ak king'uruukyi; Ongegutung'se eng' taitap Kamuktaindet ne Toroor Yaindennyo:

ISAIAH 27:11

Ye kagoresyo mooriikyik, koilyo; pwoonei kwonyiik ak kobeel. Amu pororyot ne ma tinyei kaguiyet; nooto anyun ma riiree icheek `ineendet ne kiyai, ama tiytiy icheek `ineendet ne kimimii.

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

ISAIAH 41:14

Meiywei, inyee Jakobo, ne ii kutyet, ak okweek piigap Israel; atoretiin, mwaei Kamuktaindet ne Toroor, ak katyagindeng'ung' ko Ineendet ne Tiliil ne po Israel.

ISAIAH 41:8

Ago inyee Israel, otwogindennyu, Jakobo ne ki alewen, iyoteetap chorwennyu Abraham;

ISAIAH 43:1

Ago mwaei anyun Kamuktaindet ne Toroor ne kiyain kole ee Jakobo, ak ineendet ne kimimiin, ee Israel: kole, meiywei, amu ki atyachin; ki aguurin eng' kaineng'ung', ii nenyu.

ISAIAH 43:21

piik che ki ayachigei, si kobiit kobarta kalasunennyu.

ISAIAH 43:5

Meiywei; amu ami kobooten: amutu iyoteng'ung' eng' kong'asiis, ayumin inyoo eng' cherongo;

ISAIAH 43:7

age tugul ne kimwaitoe kainennyu, ineendet ne ki atau ayai agobo toroornatennyu; ki amimii; ee, ki ayai.

ISAIAH 44:21

Ibwaat tuguuchuuto, ee Jakobo, ak Israel; amu ii otwogindennyu: ki ayain; ii otwogindennyu: ee Israel, mautyenen.

ISAIAH 44:24

Mwaei Kamuktaindet ne Toroor, katyagindeng'ung', ineendet ne kimimiin eng' moet, kole, aa Kamuktaindet ne Toroor, ne yaei tuguuk tugul; aneege ne aiitoi kipsengwet; ne aiitoi ng'wony; ng'oo ne mi kobooto?

ISAIAH 45:11

Mwaei Kamuktaindet ne Toroor, Ineendet ne Tiliil ne po Israel, ak ko Yaindennyi, kole, teebena agobo tuguuk che pwoonei; ong'ata agobo weeriikyuk, ak agobo poisyetap eunekyuk.

ISAIAH 49:1

Ogasa, ee ngeguusyek; ak oep iit, okweek pororyosyek che omi ole loo; kiguura Kamuktaindet ne Toroor kobooch ami moo; ki mwa kainennyu kobooch ami moetap kamennyu:

ISAIAH 49:5

Mwaei anyun Kamuktaindet ne Toroor ne kimimia kobooch ami moo aek otwogindennyi, si kobiit amutyi ineendet Jakobo kogeny, ak kiyumji Israel ineendet: (amu aa konyitot eng' taitap Kamuktaindet ne Toroor, ak kagoek Kamuktaindennyu kimnateennyu:)

JEREMIA 1:5

“Ye kitom amimiin eng' moet, ko ki angenin, kotom kesichin, ko ki atabaanin, ki andein iegu maotyot eng' pororyosyek.”

JEREMIA 30:10

Meiywei anyun, ee Jakobo otwogindennyu, mwaei Kamuktaindet ne Toroor; ametoptoben, ee Israel: amu asaruun eng' ole loo, kobooto iyoteng'ung', komong' eng' emet ne kiga kiluulji; ak koweek Jakobo, ak kosiis, ak komuuny, ama komi chii ne imui ineendet.

LUKA 12:32

Amoiywei, okweek akweet ne ming'in; amu paibai Kwandang'wong' kogoonok laitornatet.

ROMANIK 8:30

ak icheeget che kisip kolewen, koguur chooto; ak chooto che kiguur, ko ki ityi imanda: ak chooto che kiityi imanda, ko ki itoroor.

EPESOEK 1:4

ko uu ye kilewenech eng' ineendet ye kitom kelumda, si keegu che tiliileen che ma tinyei leluut eng' tainnyi eng' chamyet:

NG'ATUTIK 32:15

Ago kiner Jesurun, ak kotyaris, kiner, kinyigiisitu ak koakwait eng' amitwogik. Yeityo kobagaakta anyun Kamuktaindet ne ki yai icheeget, ak kosas Rwandetap ne yetunennyi.

NG'ATUTIK 33:26

“Ee Jesurun, ma mi ne uu Kamuktaindet, ne laanyei kipsengwet si kotoretin, ak laanyei parak eng' telunatennyi.

NG'ATUTIK 33:5

Ki ek Kamuktaindet ne Toroor laitoryat eng' Jesurun, Ye kingo yumjigei pounigap piik, ak ye kingo yumjigei ortinwek tugul che po Israel.”

1 THESSALONIKEK 1:4

Amu kingen, che kitupche, che chamanik eng' Kamuktaindet, keele ki kolewenok ineendet,

HEBRANIK 4:16

Ongeriikyi anyun ng'echereet ne po myeeindo eng' nyiganateet, si kenyooru rireenetapkei, ak kesich myeeindo ne toretech eng' peetuut ne kinyalili.