ISAIAH 43:1 - BUKUIT NE TILIIL Sireet ne Dutero Kanon

¹ Ago mwaei anyun Kamuktaindet ne Toroor ne kiyain kole ee Jakobo, ak ineendet ne kimimiin, ee Israel: kole, meiywei, amu ki atyachin; ki aguurin eng' kaineng'ung', ii nenyu.

Bukuit Ne Tilil

¹ Ago mwaei anyun Kamuktaindet ne Toroor ne kiyain kole ee Jakobo, ak ineendet ne kimimiin, ee Israel: kole, meiywei, amu ki atyachin; ki aguurin eng' kaineng'ung', ii nenyu.

BUKUIT NE TILIL

¹ Ago mwaei anyun Jehovah ne kiyain ko u ni kole, Ee Jakobo, ak inendet ne kimimiin, ee Israel: kole, Ameiywei, amu kiatiachin; kiaguurin eng’ kaineng’ung’, i nenyu.

ISAIAH 43:1 Referencias Cruzadas

TAUNET 32:28

Kowolji koleenji, “Ma keguurenen Jakobo agoi, ago ka kiguurenen Israel, amu kaobelgei ak Kamuktaindet ak piik ak icheek, ak kaiterteer.”

TIENWOGIKAL 100:3

Onai ole Kamuktaindet ne Toroor ko Kamuktaindet. Ineendet ne kiyaech, ak ki chechiik; ki piikyik, ak ki keechiiregap akweennyi.

TIENWOGIKAL 102:18

Ngesir niito agobo ibinda ne tuun piitu; si kolas Kamuktaindet ne Toroor `piik che tuun ki sichei.

KOMONG'U 15:13

Ki indochi inyee eng' rireeneng'ung' piik che ki ityaach komanda; ki indochi icheek eng' kimnateng'ung' koba oldang'ung' ne tiliil.

KOMONG'U 15:16

Kanam icheek kamuiset ak kaiyweisyet; eng' etunatetap eung'ung', ko siisyo ko uu koita; agoi kolanda piiguk, ee Kamuktaindet ne Toroor, agoi kolanda piik che ki ial.

KOMONG'U 33:17

Ki leenji `Kamuktaindet ne Toroor Musa, “Ayae anee ng'olyoondoni kesoom. Amu kenyooru chameet eng' tainnyu ak angen kaineng'ung'.”

ISAIAH 27:11

Ye kagoresyo mooriikyik, koilyo; pwoonei kwonyiik ak kobeel. Amu pororyot ne ma tinyei kaguiyet; nooto anyun ma riiree icheek `ineendet ne kiyai, ama tiytiy icheek `ineendet ne kimimii.

ISAIAH 41:14

Meiywei, inyee Jakobo, ne ii kutyet, ak okweek piigap Israel; atoretiin, mwaei Kamuktaindet ne Toroor, ak katyagindeng'ung' ko Ineendet ne Tiliil ne po Israel.

ISAIAH 42:6

Ki aguurin, anee Kamuktaindet ne Toroor eng' imanda, ak anam eung'ung' ak ariibin, ak agoonin iegu arorutyetap piik, iegu lapkeiyetap Pororyosyek;

ISAIAH 43:21

piik che ki ayachigei, si kobiit kobarta kalasunennyu.

ISAIAH 43:5

Meiywei; amu ami kobooten: amutu iyoteng'ung' eng' kong'asiis, ayumin inyoo eng' cherongo;

ISAIAH 43:7

age tugul ne kimwaitoe kainennyu, ineendet ne ki atau ayai agobo toroornatennyu; ki amimii; ee, ki ayai.

ISAIAH 44:2

Mwaei Kamuktaindet ne Toroor ne kiyain, ne kimimiin eng' moet, ne toretin, kole, meiywei, ee otwogindennyu Jakobo; ak inyee Jesurun, ne ki alewen.

ISAIAH 45:11

Mwaei Kamuktaindet ne Toroor, Ineendet ne Tiliil ne po Israel, ak ko Yaindennyi, kole, teebena agobo tuguuk che pwoonei; ong'ata agobo weeriikyuk, ak agobo poisyetap eunekyuk.

ISAIAH 48:17

Mwaei ko uu ni Kamuktaindet ne Toroor, katyagindeng'ung', Ineendet ne Tiliil ne po Israel: Aa Kamuktaindet ne Toroor Kamuktaindeng'ung', ne ineetin iboor, ne indoun eng' ooreet ne kanyool ibun.

ISAIAH 48:20

Omande eng' Babilon, omwei eng' Kaldea; obarte eng' cheetap tyendo, omwaite niito, omwa kogasak agoi ole pooch ng'wony: omwa ole, Kigotyach Kamuktaindet ne Toroor Jakobo otwogindennyi.

ISAIAH 49:1

Ogasa, ee ngeguusyek; ak oep iit, okweek pororyosyek che omi ole loo; kiguura Kamuktaindet ne Toroor kobooch ami moo; ki mwa kainennyu kobooch ami moetap kamennyu:

ISAIAH 49:26

Ak abae icheek che usin poorwekwak; ak kobogityo eng' korotiikwak, ko uu ye pogiti chii eng' divaik che leelachen: si konai piik tugul kole, aa Kamuktaindet ne Toroor yetindeng'ung', ak ko katyagindeng'ung', Ineendet Ne po Kamuktaet ne po Jakobo.

ISAIAH 51:13

ak ki iutye Kamuktaindet ne Toroor Yaindeng'ung', ne kiito kipsengwet, ak kolumda lumeiywegap ng'wony; ak iyweisyei kotugul, peetuut komugul, amu koroomnatetap usiindet ye chobegei si kong'emis? Mi ano koroomnatetap usiindet?

ISAIAH 52:9

Oboiboitu, otyense tugul, okweek komoswek che kigemeto che po Jerusalem; amu kigogaigai `Kamuktaindet ne Toroor piikyik, ki kotyach Jerusalem.

ISAIAH 62:12

Ak koguure icheek, Piik che tiliileen, Che ki kotyach Kamuktaindet ne Toroor: ak keguurenen, Ne Ki kicheeng', Nganaseet ne ma kimeto.

ISAIAH 63:16

Amu ii kwandanyo, agot ngo ma ingenech Abraham, ama naech Israel; ee, Kamuktaindet ne Toroor, inyee ko ii kwandanyo; kaineng'ung' ko katyagindennyo kobooch keny.

ISAIAH 63:9

Ki kinyalil ineendet eng' nyalilwogikwak tugul, ak ki sar icheek malaikaiyandennyi ne ki mi tainnyi: ki ityaach eng' chamyennyi ak rireenennyi; ak kigesen ak koganap peetuusyek tugul che po keny.

JEREMIA 31:3

Kimong'jo Kamuktaindet ne Toroor koloo, koleenjo, Ee, ki achamin eng' chamyet ne po koigeny; ak ki atestai achamin eng' konyit.

JEREMIA 33:24

tos mebwaati kiit ne kagomwa pichu kole ki gotimda `Kamuktaindet ne Toroor koorchooto aeng' che ki kolewen? Sasei icheek ko uu nooto piikyuk, si ma koegu kogeny pororyet eng' tainnywa.

JEREMIA 33:26

atimdoi anyun agine iyoteetap Jakobo, ak ne po Daudi otwogindennyu, kot koma lewen iyotennyi koek pounik che pou iyoteetap Abraham, Isak, ak Jakobo: amu agoochini koweek eng' ole ki kiluulji, ak ariiree icheek.

JEREMIA 50:34

Kiim katyagindennywa; kainennyi ko Kamuktaindet ne Toroor ne po lugoosyek: ng'alaaldochin ineendet icheek komyee, si kobiit kogoochi kamuung'et ng'wony, ak koim piik che menyei Babilon.

RIREKAB JEREMIA 3:57

Ki iriigu eng' peetuut ne ki aguurin: ki imwa ile, “Meiywei!”

EZEKIEL 16:8

Ak kinga pun ye imi, ageerin, keero, peetuusyeguk ko ki po peetuusyegap chamyet; ak ki atugunen ngoryennyu ak atuch aach ngoryeeng'ung': ee, ki ayosyeun, ak ki koyomiske ak inyee, mwaei Kiptaiyat Kamuktaindet ne Toroor, ak ki ibunjo.

SEKARIA 13:9

Ak amut kebeberato po somok kobun maat, ak atiliil icheek ko uu ye kitiliili fedha ak atyem icheek ko uu ye kityemei thahabu: kuurei icheek kainennyu, ak agas icheek: amwae ale, Icheeget ko piikyuk; ak kole, Kamuktaindet ne Toroor ko Kamuktaindennyu.

MALAKI 3:17

Ak mwaei Kamuktaindet ne Toroor ne po lugoosyek kole, “Punjino icheek, eng' peetuut ne ayae icheek koek kinnyu ne nenyu aneege; ak ariiree icheek ko uu ye riiree chii weeriinnyi ne poisyechin.

POISYONIGAP CHE KIYOKTOI 27:20

Ak ye ki mata koluuchech asiista anan kecheik eng' peetuusyek che chaang', ak kogiichech usoonet ne oo, kogeskei anyun kamang'unet ne ki kileen, tos kisarwech.

POISYONIGAP CHE KIYOKTOI 27:25

Ara anyun, murenju, onyiganitu, amu ayani Kamuktaindet, ale yaaksei ko uu ye kogomwaiwo.

EPESOEK 2:10

Amu kiboisyennyi acheek, ne ki kiyaech eng' Kristo Jeso agobo poisyonik che myachen, che kisip kochop Kamuktaindet si kebendatee chooto.

NG'ATUTIK 32:15

Ago kiner Jesurun, ak kotyaris, kiner, kinyigiisitu ak koakwait eng' amitwogik. Yeityo kobagaakta anyun Kamuktaindet ne ki yai icheeget, ak kosas Rwandetap ne yetunennyi.

NG'ATUTIK 32:6

Tos kongoi ne ogoochini Kamuktaindet ne Toroor ni, okweek piik che oo abusotiin che ma oo ng'oomen? Tos ma kwandang'ung' ne ki koonin sabeet? Tos ma ineendet ne ki yain ak kogimitin?

NG'ATUTIK 32:9

Amu piikyik kebebertap Kamuktaindet ne Toroor; porotennyi Jakobo.

2 TIMOTEO 2:19

Ago tononi lumeiywot ne kiim ne po Kamuktaindet, kotinyei ng'ooksoni keele, Ingen Kiptaiyat icheek che chechiik; ak, Ingoistoegei yaityet age tugul ne mwaei kainetap Kiptaiyat.

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.