ISAIAH 41:10 - BUKUIT NE TILIIL Sireet ne Dutero Kanon

¹⁰ ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

Bukuit Ne Tilil

¹⁰ ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

BUKUIT NE TILIL

¹⁰ ameiyweisie, amu ami koboten; amearogen, amu a Kamuktaindeng’ung’: agimitin; ee, atoretin; ee, anamin eng’ eunnyu ne bo tai ne bo imandanyu.

ISAIAH 41:10 Referencias Cruzadas

TAUNET 15:1

Ye kingo pata tuguuchu anyun koityi Abram `ng'olyootap Kamuktaindet ne Toroor eng' ng'ang'utyet koleenji, “Abram, ameiywei! Aa long'eng'ung' ak oo melektang'ung' miising'.”

TAUNET 26:24

Ak ki mong'ji Kamuktaindet ne Toroor kemounooto ak koleenji, “Aa Kamuktaindet ne po kwandang'ung' Abraham. Meiywei amu ami kobooten, aberuurin ak abaroi iyoteng'ung' amu otwogindennyu Abraham.”

TAUNET 31:5

ak ipkoleenji, “Ageere ale ma ko uu togeetap kwandang'wong' atkinye tai, ago kigotebi Kamuktaindet ne po abba kobooto.

TAUNET 49:24

Ago tebye kwangennyi eng' kimnateet, ak ki kimegitu eunekyik, eng' eunegap Ineendet ne Kiim ne po Jakobo, eng' kainetap Mestowot, Koita ne po Israel,

2 SAMUEL 22:19

Kichea eng' peetuutap nyalildanyu, ago ki ek Kamuktaindet ne Toroor ne atiegei.

1 ATEPTAP PEETUUSYEK 12:18

Konyonji anyun `Kabuuset ne Tiliil Amashai, ne ki ne oo eng' pichooto sosom, ak kole: “Ki cheguuk, Daudi! Ki mi komostang'ung', inyee weeriitap Jesse! Mi kaalyeet, ingotep kaalyeet kobooten, ak ingotep kaalyeet kobooto toretiguk, amu toretin Kamuktaindeng'ung'.” Kotaach anyun `Daudi icheek, ak koyai koek kiptainigap kweanet.

2 ATEPTAP PEETUUSYEK 20:17

Ma okweek che oyae lugoni. Otetkei, otononse, si ogeer yetunetap Kamuktaindet ne Toroor ne mi kobootok, ee Judah ak Jerusalem. Amoiyweisye, anan oaragense. Oba opookyi icheek mutai; amu mi Kamuktaindet ne Toroor kobootok.’ ”

2 ATEPTAP PEETUUSYEK 32:8

Mi kobooto ineendet kityo euut ne po poorto; ago mi kobootech Kamuktaindet ne Toroor Kamuktaindennyo, kotoretech ak koyai lugosyekyok.” Ak kinyoor piik nyiganateet eng' ng'aleegap Hezekiah laitoryatap Judah.

TIENWOGIKAL 144:11

Ityacha eng' rotweet ne koroom, ak isarwo eng' eunegap toek, che ng'alaali kutusweekwak lembecheek, ak eunekwak che po tai ko eunek che po lembech.

TIENWOGIKAL 144:8

che nyalili kutusweekwak tuguugap puch, ak eunekwak che po tai ko eunek che po lembech.

TIENWOGIKAL 145:14

Tiiei Kamuktaindet ne Toroor tugul che ibutos, ak ing'eeti icheeget tugul che ing'uruuksei.

TIENWOGIKAL 147:12

Ilasu Kamuktaindet ne Toroor, ee Jerusalem! Ilasu Kamuktaindeng'ung', ee Zion!

TIENWOGIKAL 18:36

Ki ibaraiywa kakwautikyuk, ama ichabaita keelyekyuk.

TIENWOGIKAL 27:1

Kamuktaindet ne Toroor ko lapkeiyennyu ak yetunennyu; tos aiywei ng'oo? Kamuktaindet ne Toroor ko kimnateetap saboondanyu; aiywei ng'oo?

TIENWOGIKAL 29:11

Igoochin `Kamuktaindet ne Toroor piikyik kimnateet! Ingoberuuri `Kamuktaindet ne Toroor piikyik eng' kaalyeet!

TIENWOGIKAL 33:12

Iberuurot pororyet ne Kamuktaindennywa Kamuktaindet ne Toroor; piik che ki kolewen koek porotennyi!

TIENWOGIKAL 37:17

Amu ildos eunegap kiptengeginik: ago tiyei Kamuktaindet ne Toroor che po imanda.

TIENWOGIKAL 37:24

Agot ngo terteryot, koma itei ng'wony, amu namoti Kamuktaindet ne Toroor eunnyi.

TIENWOGIKAL 41:12

Ak itia eng' kagesunatennyu pogei, ak igoono atonon eng' taing'ung' koigeny.

TIENWOGIKAL 46:11

Mi Kamuktaindet ne Toroor ne po lugoosyek kobootech; Kamuktaindetap Jakobo ko ole kimwechini.

TIENWOGIKAL 46:7

Mi kobootech Kamuktaindet ne Toroor ne po lugoosyek; Kamuktaindetap Jakobo ole kemwechini.

TIENWOGIKAL 63:8

Isubotin saboondanyu miising'; nama eung'ung' ne po tai.

TIENWOGIKAL 65:5

Ak iwolwech eng' imanda eng' tuguuk che imuisei, Ee Kamuktaindetap yetunennyo; Inyee ko ii kamang'unetap komoswek tugul che po ng'wony, Ak ne po icheek che mi nyanjet ne loo:

TIENWOGIKAL 99:4

Chamei kimnateetap laitoryat kirwooget; Igimiiti imanda, Iyae kirwooget ak imanda eng' Jakobo.

KOMONG'U 14:13

Ago ki wolji `Musa piik koleenji, “Amoiywei, ogany kityo si ogeer yetunetap Kamuktaindet ne Toroor ne yaiywok rani. Amu ma ogeere kogeny misirichu ogeere rani.

KOMONG'U 20:20

Koleenji `Musa piik, “Amoiywei, amu kanyo Kamuktaindennyo kotyemak si kotebee taing'wong' kaiyweisyennyi ne oiywei ineendet asi moyai tengek.”

ISAIAH 12:2

Ogeero, Kamuktaindet ko yetunennyu; amang'u, ama aiyweisyei, amu Kamuktaindet ko kimnateennyu ak ko tyendanyu; kagoek ineendet yetunennyu.”

ISAIAH 35:4

Oleenji icheek che aragendos, “Ogimegitu, amoiyweisye! Keero nyoonei anyun Kamuktaindeng'wong' ak yaaktaetap mugetuut, kobooto kageeretap Kamuktaindet; nyoonei kosarwok.”

ISAIAH 37:6

Ak ki leenji Isaiah icheek, Omwachini kiptaiyandeng'wong' ko uu ni, oleenjini, Kamwa Kamuktaindet ne Toroor kole, meiywei ng'aleek che kegas, che kachubena otwogigap laitoryatap Assyria.

ISAIAH 43:5

Meiywei; amu ami kobooten: amutu iyoteng'ung' eng' kong'asiis, ayumin inyoo eng' cherongo;

ISAIAH 44:2

Mwaei Kamuktaindet ne Toroor ne kiyain, ne kimimiin eng' moet, ne toretin, kole, meiywei, ee otwogindennyu Jakobo; ak inyee Jesurun, ne ki alewen.

ISAIAH 49:8

Mwaei Kamuktaindet ne Toroor kole, ki awolun eng' peetuut ne chamaksei, ak ki atoretiin eng' peetuutap yetunet: ak ariibin, ak agoonin iegu arorutyetap piik, si ilang'u emet, si igoochi kobore porotosyek che ki mi puch;

ISAIAH 50:9

Ogeero, toreto Kiptaiyat Kamuktaindet ne Toroor; ng'oo ne igiikyino? Ogeero, osegitu icheek tugul ko uu ngoryeet; amei kiptorotyot.

ISAIAH 52:7

Korooron ne tya eng' tuloonook, keelyegap ineendet ne ibu logoiywek che myach, ne mwaitoi kaalyeet, ne ibu logoiywek che myach che po myeeindo, ne mwaitoi yetunet; ne mwachin Zion koleenjin, Laitorani Kamuktaindeng'ung'!

ISAIAH 60:19

Ma koegu asiista lapkeiyeng'ung' peet: ama kogoonin lapkeiyet kaluunetap arawet: ago egu Kamuktaindet ne Toroor lapkeiyeng'ung' ne po koigeny; ak koek Kamuktaindeng'ung' toroornateng'ung'.

RIREKAB JEREMIA 3:57

Ki iriigu eng' peetuut ne ki aguurin: ki imwa ile, “Meiywei!”

HOSEA 1:9

Ak ki le Kamuktaindet ne Toroor, “Kuuree kainennyi Lo-ami amu ma oo piikyuk, ama aegu Kamuktaindeng'wong'.”

HAGGAI 1:13

Ki ng'alaal anyun Haggai, ne ki iyooktoi Kamuktaindet ne Toroor, komwachi piik ng'aleegap Kamuktaindet ne Toroor koleenji: Mwaei Kamuktaindet ne Toroor kole “Ami kobootok.”

HAGGAI 2:5

Niito ng'olyoot ne ki kiyomisyige ye ki obwane eng' Misiri, ak tebee kwenung'wong' Kabuusennyu ne Tiliil; amoiyweisye.

SEKARIA 10:12

Agimiiti icheek eng' Kamuktaindet ne Toroor; ak kobendatee kainennyi, mwaei Kamuktaindet ne Toroor.

SEKARIA 10:6

Ak agimiit kootap Judah, ak asaru kootap Joseph, ak amutu icheek kogeny, amu ariiree icheek; ak koigei ye ki ma amete icheek: amu aa Kamuktaindet ne Toroor kamuktaindennywa, ak agas icheek.

SEKARIA 13:9

Ak amut kebeberato po somok kobun maat, ak atiliil icheek ko uu ye kitiliili fedha ak atyem icheek ko uu ye kityemei thahabu: kuurei icheek kainennyu, ak agas icheek: amwae ale, Icheeget ko piikyuk; ak kole, Kamuktaindet ne Toroor ko Kamuktaindennyu.

LUKA 1:13

Ago ki leenji malaikaiyat ineendet, Mearagen Zekariah: amu kogegasun soomeng'ung', ak ta kosigun osotyondeng'ung' Elizabeth weeriit, ak iguure kainennyi Johana.

LUKA 1:30

Ak ki leenji malaikaiyat ineendet, “Meiywei, Maria: amu kainyooru chameet eng' Kamuktaindet.

ROMANIK 8:31

Kimwae nee anyun eng' tuguuchuuto? Ngo mi Kamuktaindet komostanyo, ko ng'oo ne kirindaech?

2 KORINTOEK 12:9

Ak ki leenjo, Yamin myeeindonyu: amu kiyaei kamugennyu koek ne ititaat eng' nyalulet. Alasuge anyun eng' poiboiyet miising' kosiir amu nyalulnatosyekyuk, si kobiit kotebena kamugetap Kristo.

EPESOEK 3:16

si kobiit kogoonok, ko uu mogornatosyegap toroornatennyi, ogimegitu eng' kamuktaet eng' Kabuusennyi eng' chiito ne po oriit;

NG'ATUTIK 20:1

“Ye iwe obargei ak puuniguk ak iroo kotinyei paraisisyek, kariisyek ak piik che chaang' kosiirok, ko mat iywei. Amu mi Kamuktaindet ne Toroor Kamuktaindeng'ung' ne ki imutun imong'u eng' emetap Misiri kobooten.

PILIPIK 4:13

Amuuchi ayai tuguuk tugul eng' ineendet ne igimita.

JOSHUA 1:9

Tos ma anee ne ki ang'atiin? Kimitu ak inyiganitu. Meiywei anan itoptoben amu mi Kamuktaindet ne Toroor Kamuktaindeng'ung' kobooten eng' ui tugul ole iwendi.”

KIRUOGIK 6:16

Ak ki leenji Kamuktaindet ne Toroor, “Ami kobooten iman ak ibare Midianik ko uu yo chiito agenge icheek.”