ISAIAH 27:11 - BUKUIT NE TILIIL Sireet ne Dutero Kanon

¹¹ Ye kagoresyo mooriikyik, koilyo; pwoonei kwonyiik ak kobeel. Amu pororyot ne ma tinyei kaguiyet; nooto anyun ma riiree icheek `ineendet ne kiyai, ama tiytiy icheek `ineendet ne kimimii.

Bukuit Ne Tilil

¹¹ Ye kagoresyo mooriikyik, koilyo; pwoonei kwonyiik ak kobeel. Amu pororyot ne ma tinyei kaguiyet; nooto anyun ma riiree icheek `ineendet ne kiyai, ama tiytiy icheek `ineendet ne kimimii.

BUKUIT NE TILIL

¹¹ Ye kagoresyo temenikyik, koilyo; bwanei kwonyik ak kobeel: amu bororiot ne matinyei naet; noto anyun marire ichek inendet ne kiyai, ama tiytii ichek inendet ne kimimii.

ISAIAH 27:11 Referencias Cruzadas

TIENWOGIKAL 106:40

Ki nereekyi kot anyun `Kamuktaindet ne Toroor piikyik. ak ki wech porotennyi.

ISAIAH 1:3

Ingen eito chiitap ko po, ak kongen sigiryet piutap kiptaiyandennyi; ago ma naei Israel, ama ibwaati piikyuk.

ISAIAH 18:5

Amu ye tomo kobiit kesisyet, ye kagobutyo taaptook, ak koek taaptook logoek che rurtos, kotile chepkeswet ole ing'atos, ak koep koisto mooriik che iwaktoi.

ISAIAH 43:1

Ago mwaei anyun Kamuktaindet ne Toroor ne kiyain kole ee Jakobo, ak ineendet ne kimimiin, ee Israel: kole, meiywei, amu ki atyachin; ki aguurin eng' kaineng'ung', ii nenyu.

ISAIAH 43:7

age tugul ne kimwaitoe kainennyu, ineendet ne ki atau ayai agobo toroornatennyu; ki amimii; ee, ki ayai.

ISAIAH 44:2

Mwaei Kamuktaindet ne Toroor ne kiyain, ne kimimiin eng' moet, ne toretin, kole, meiywei, ee otwogindennyu Jakobo; ak inyee Jesurun, ne ki alewen.

ISAIAH 44:24

Mwaei Kamuktaindet ne Toroor, katyagindeng'ung', ineendet ne kimimiin eng' moet, kole, aa Kamuktaindet ne Toroor, ne yaei tuguuk tugul; aneege ne aiitoi kipsengwet; ne aiitoi ng'wony; ng'oo ne mi kobooto?

ISAIAH 5:13

Kigeluul anyun piikyuk, amu kibetyi naet. Piikwak che konyitotiin ko parei rubeet, ak tuiyennywa ko parei melelda.

ISAIAH 9:17

Maboiboitu Kamuktaindet ne Toroor eng' murenikwak, ama riiree chechwaak che ma tinyei sigiik ak mosoogikwak; amu ya age tugul ak ko yaindetap yaityet, ak komwaei kutit age tugul abusnateet. Nganda uu nooto, koma istogei nereegekyik, ago ta ko chuulaat eunnyi kora.

JEREMIA 11:16

Kiguure Kamuktaindet ne Toroor kaineng'ung', Emdit ne tuon, ne karaaran ak kotinyei logoek che myach. Ki ilaal maat eng' yooto eng' polatetap wasetapkei ne oo ak kagoilyo mooriikyik.

JEREMIA 13:14

Ak atue chii age age, kwanisyek ak weeriik, mwaei Kamuktaindet ne Toroor. Ma riiree anan abagaakte anan koriira moo, kot ko magesu icheek.

JEREMIA 16:5

Amu mwaei Kamuktaindet ne Toroor kole amewe koot ne kiriirye, amewe itee, anan iriirchi icheek: amu ki aiste kalyennyu eng' pichu, mwaei Kamuktaindet ne Toroor, nooto ko chamyennyu ne tala ak rireenennyu ne po chamyet.

JEREMIA 25:37

Ak kosiisyo piusyek che po kaalyeet amu nereegek che koroomen che po Kamuktaindet ne Toroor.

JEREMIA 4:22

Amu perber piikyuk, ak koma ingeno; lagok che uueen metowek icheek, che ma iguitos kiy. Chepchep koyai yaityet, ama ingen koyai ne myee.

JEREMIA 8:7

Ee, ingen kong'wonyot eng' soet peetuusyekyik; ak riibei cheptuget ak kibiswet ak cheptalamyat peetuusyekwak che pwonune, ago ma ingen piikyuk ng'atuutyetap Kamuktaindet ne Toroor.’ ”

EZEKIEL 19:12

Ago ki kitut eng' nereegek che ng'woneen, ki kiwiirta kwo ng'wony, ki yaamyo logoekyik eng' usoonetap kong'asiis: ki kiiri keetiikyik che kiimeen ak koresyo; kilalyo kogeskei eng' ma.

EZEKIEL 20:47

ak imwachi timdap murot tai, ileenji, kas ng'olyootap Kamuktaindet ne Toroor; Mwaei Kiptaiyat Kamuktaindet ne Toroor kole: Keero, anaami maat eng' kwenung'ung', ak kobeel keetit age tugul ne tuon, ak keetit age tugul ne yaamaat: ma kimisi liplibenetap maata, ak komel togoochik tugul kobooch murot tai agoi murot kaataam.

EZEKIEL 9:10

Ago ne uu anee, ko marire kondanyu, ama riira moo, ago aipchini ooreenywa metowekwak.

HOSEA 4:14

Ma pirei tiibiikwok ye yaei kugoinatet, anan murerenikwok ye yaei ibeetapkei; amu mastoi icheeget kobooto che yaei kugoinatet, ak koenyei tiseiywek kobooto chepkugonik; ak kobutyo piik che ma iguitos.

HOSEA 4:6

Ki keng'em piikyuk amu ma tinyei naet; amu ki ieesye naet, aesyoin agane si ma iegu tisiindet eng' anee. Ak amu ki iutye ng'atuutigap Kamuktaindeng'ung', autye agane lagoguk.

MATAYO 13:15

Amu kwalilenotin mugulelwegap pichu, ak ma kastoi komyee iitiikwak, ak ki kogeer konyekwak, si ma keer eng' konyekwak, anan kogas eng' iitiikwak, anan koguiyo eng' mugulelwekwak, si koweek kogeny ak asoop icheek.’

MATAYO 13:19

Ye kasei chii age tugul ng'olyootap laitornatet ama iguiyo, ko nyoonei anyun ineendet ne ya ak korebee ne kagagelechi muguleldanyi. Niito ne ki kilechi tabandap ooreet.

MATAYO 3:10

Agot nguno ko kagiting'e aiywet tigitigap keetiik; kiebei keetit age tugul ne ma iyei logoek che myach ak kewiirchi ma.

JOHANA 15:6

Ngo ma menya chii, kewiirtoi ineendet ko uu temetap keetit, si koyaam; ak koyum piik, ak kowiirchi ma, ak kolalyo.

ROMANIK 1:28

Ak ko uu ye ki eesyo kotebee Kamuktaindet naennywa, kobagakyi Kamuktaindet icheek kabwaatutik che ki kong'emogis, si koyai tuguuchooto che ma nyolu;

ROMANIK 1:31

che ma tinyei kaguiyet, putigap kayomisutik, che ma tinyei chamyet, che ma tinyei rireenetapkei:

NG'ATUTIK 4:6

Oriip anyun ak oyai, amu ng'omnateng'wong' niito ak naeng'wong' eng' taitap pororyosyek che tuun kasei ng'atuutichu tugul ak kole, “Tinyei utaatyet iman pororyoni oo ak kotinyei naet ne nin!”

1 THESSALONIKEK 2:16

etenech keng'alaalji Pororyosyek si kobiit kesar; inyiiti kotugul tengekwogikwak: ago nyoonjin icheek nereeknateet agoi let.

JAKOBO 2:13

Amu ma tinyei kirwooget rireenetapkei eng' ineendet ne ma iboor rireenetapkei: itorooregei rireenetapkei kogirindoi kirwooget.