La Biblia Online

Anuncios


Toda la Biblia A.T. N.T.




NEHEMIA 5:10 - Hawa Naga Bible 2001

Ngaz rueq mungx miqsaz muex kuimphox nuiyc tuiuz vtsvmz kuex khic nvmc kuq vshaungx, kvkhoc rvtueq ngvy kungjix bix nuiyc ngvy yauk shuimc jix hez rueq muinz lvp luz wuez tueq. Majuiuc naungshiq rueq kvruex htawz htuimc kuex tvyez thoz wuez miq lawx.

Ver Capítulo

ASII LAKDAP Bible (BSI)

Ngi raq nanok ma kampho kiimaq rai awong thun tiinam kuq wan kang. Kiimaq ikongtitiim riimin kiikhiisii tiinam kuq wanto. Kiimaq isengi, ijaqsham kewanti riimin, akhiisii tiinam kuqto. Riita, ümchaü min, nashiq tarü raq thiitham thun ka atham jaümaili she thaq baiq rong i.

Ver Capítulo



NEHEMIA 5:10
18 Referencias Cruzadas  

Naungshiq rueq wawc tek vtueq Shomc Yuimx nuex shuimc lvmc tvkoc kuimphox sawx gram 5 kuex mvnz tvjvt wawc mvnz shiz htawc wuez vshix.


Tsuingshiq rueq nuimshiq muex kuy juing kuimphox, tuiuz vtsvmz, svpiq tix, olip puiz htenc htuimc kuy juing kuex tvmvy gay wuez shuinz. Tsuingshiq wuik vnax, svpiq sunc, olip roz nuiyc yuimx htenc kuex lvmx lvy yez kuq wuez shuinx!” ngoz tueq jungx tueq.


kvruex shuimc tvkoc thuinz maq htvp htaz gay tauk. Ngaz rueq walaungx bix nuiyc mungx miqsaz vyungx vlaungx bix muex, “Nuimshiq rueq miqmac phuz vnox htenc kuex tuinghtuing wuez vshuinx!” ngoz tueq ngoz tauk. Ngaz rueq kvruex tvrungx raz tvkoc mungx miqsaz lotlaz gvl vtueq


Kvruex yimaq ngaz rueq, “Nuimhez yauk shuimc kuex vyaq! Nuimshiq rueq Tishox kvjaz kuex tay phvnx vtueq vlvmz yauk shuimc shuimc aungx yaq. Naungshiq kuex shummarc lauk kaz ruec tvkoc naungshiq ralx hez nuiyc Pungnuk miqsaz htenc yauk nuex lekuy mvy muq.


Piq rueq vlap lvmz muq maq tvnvmc kuq yaq nuiyc mvrax kop muq waz muex vrot hakhix yaungc tvkoc khau-loayc yauk noalc kuq ruiux thoz muq waz rvtueq. Vruex phvnx htenc kuex shuimc kay tvhungx jix ukhaq muinz mkaq muinz kvguing kvwungx httax lvp tuex.


“Ngaz rueq roc vshaungx phuiuz svy mamc lvmx kuex vkhoc rvtueq: vguirc vguenc ngoz yaq vkhvrc buinc ruiuz kuex jumz gay ruiux, tvrac rvmuq kuex lvmz gay vtueq vguirc vguenc rvhumc jix kuex tvdungc wvnc rax.


kuimphox kuex vlap phaungx nuex tvnvmc yaq. Piq kuex tvraungx httax tuex haz? Rvmuq, piq kuex tvraungx httax luc muq. Piq rueq miqsuirc vsac phvnx lotlaz shuimx kaz tueq ningkhvnc nuex, piq kuex vsuing vthueyc rvtuex. Piq kuex piq thueyc vmvy tvkoc piq pumz maq doc muinz mvrax tvgurc rvhumc tuex.


Piq rueq ukhaq muinz laulawc muq, miq hup svmx kuex yauk laungc maq nyvlc muq. Vshap vnvmc jix waz rueq vtaung shec hup svmx kuex tvyez kuy rvyaq; khvmx vrvmc jix waz muex kuq phauk saq ruiux, sawkumx jix muex khoz vkhvy kuq yaq.


Piq rueq vlap lvp tvkoc kuimphox tvnvmc muq. Piq rueq layx bac yauk shuimc kuex tvdux gay ruiux, rvkhawc rvlvlc yaq kuex tsuingrux lvmx maq htvp htaz kuq yaq.


Vrot vkaq jungc jix nuiyc layx vbac kvmungx jix tvkoc kvruex kuex mtanc kvhiz juing wuez! Tsuingshiq kuex vkhangx dung wvnc yaq rulc vdvmz, raungnvp raungwuix wvnc ruiux yuq tsuingshiq rueq kvmungx yaq layx vbac phvnx kuex shuimx wuez yaq.


Naungshiq kuex Taungjix muex hiyaz ngoz yaq kuex yvmx ngoc lac vtuiuz vshix ningkhvnc nuex, vganc jix muex jungphvnx kuq vshix. Tishox rueq naungshiq lvmz lotlaz tuiuz yaq, nuimshiq rueq muinz nuimshiq thuinz vmungx maq ngvy lvmz kuex vhvlx waq tuiuz vshuinx shvmx ngoz tueq ngaz rueq thuinz tvluimc vshaungx.


Kvkhoc rvtueq nuiyshiq kuex Christu kamx waz hez ikhoc maq nuimshiq muex jungx vphix; Tishox vpiq rueq doc muinz nuiyshiq maq raz tueq nuimshiq muex jungx yaq kvkhoc nuiyshiq rueq jungx vphix. Nuimshiq kuex Tishox ralx yaungx tuit kvwawc kungjix muex kvlayc wvnc kuinz ngoz tueq Christu laung nuex nuiyshiq rueq jungx vphix!


Nuiyshiq kuex Tishox kejux lvp wvnc jix hez rvtuit rulc rv-ngvlc kvruex kejux kuex khuec guez nauk tvyaungc kaz, nuiyshiq Tishox yauk shuimc jix htenc kox maq nuimshiq muex tvtay jungx vphix.


Htawhtuimc htenc tvmvy tvmauk gay yaq lvmz kuex vkhoc rvtueq. Israel miqsaz vdvmz dvmz kuimphox tvnvmc kuy jix waz rueq htawhtuimc kvruex tvmvy tvmauk gay rax. Yehowa vpiq rueq muinz kuimphox htawhtuimc tvmvy tvmauk gay tvkoc jungx tueq ningkhvnc nuex htawhtuimc kuex thoz yek mvy muq.