NEHEMIA 5:7 - Hawa Naga Bible 2001

⁷ kvruex shuimc tvkoc thuinz maq htvp htaz gay tauk. Ngaz rueq walaungx bix nuiyc mungx miqsaz vyungx vlaungx bix muex, “Nuimshiq rueq miqmac phuz vnox htenc kuex tuinghtuing wuez vshuinx!” ngoz tueq ngoz tauk. Ngaz rueq kvruex tvrungx raz tvkoc mungx miqsaz lotlaz gvl vtueq

ASII LAKDAP Bible (BSI)

⁷ Kiimaq arthun khü akha arka, atritsi photsiimke chang nguta, thapthi wan kang. Krai mren, ngi raq welabi nai mung shiilangbi ka tiishut wan kang. Lata, “Namshiq raq maiqmiinok ata jehin nore ka jaram wa nanshan tlan!” nguta tsangshiq ka son kang. Latiishe, ara mungkha ara phoke miitu, ngongthung wan miitu mungmaiqse ka tiihea kang.

NEHEMIA 5:7 Referencias Cruzadas

Tvtsvmc 109:11

Htawhtuimc jungx jix rueq piq hup svmx httax yaq lotlaz mlvmz wvnc shueq, wuinz waz htenc rueq muinz piq rueq shuimx wvnc tueq phvnx ruip saz wawc vjux kuex mlvp wvnc shueq.

Tvtsvmc 15:1

Yehowa lex, ukhaq lac Mshomc Yuimx nuex nyuip lot tvnx? Mnoz vsawc Zion kanx htauk nuex uraq lac nawk palx mvy yaq nguinx?

Tvtsvmc 15:5

Piq rueq vlap lvmz muq maq tvnvmc kuq yaq nuiyc mvrax kop muq waz muex vrot hakhix yaungc tvkoc khau-loayc yauk noalc kuq ruiux thoz muq waz rvtueq. Vruex phvnx htenc kuex shuimc kay tvhungx jix ukhaq muinz mkaq muinz kvguing kvwungx httax lvp tuex.

Tvtsvmc 27:8

“Ngaz muex nawk palx tvkoc kaz luit” ngoz tueq mnoz rueq jungx toq nuex, “Yehowa lex, ngaz kaz vraungx,” ngoz tueq tvralc phaungx.

Tvtsvmc 4:4

Hisungx vtueq mvrax shuimx vshuinx kuex httvr gay shuinz; nuimshiq woalchuing htenc htauk nuex kuiyqshuik woalc tuinx nuex, kvruex lvmz kuex vthuiuz vsungx tvmaung wuez shuinz.

Tvtsvmc 94:16

Ukhaq rueq lac ngaz rulc jvp naungx vtueq layx bac jix htenc kuex khawx yaq nguinx? Ukhaq rueq lac ngvy kox nuex jvp naungx vtueq honc bac yauk shuimc jix htenc kuex khawx gay yaq nguinx?

DUNGWVNC 22:24

Ngvy thuinkhaq vtueq nuimshiq kuex ralx nuex tvthueyc gay phaungx. Kvkaq nuimshiq taungnyuiuz hez kuex mvntix nyuiuz tamx yaungx vtueq, nuimshiq suiuz vsaz hez muinz nox jix sahez muex yaungx tuex.

DUNGWVNC 22:25

“Mnoz rueq htemc saz jix ngvy miqsaz muex kuimphox tvnvmc kuq ruiux yuq, kuimphox tvnvmc svy jix rueq ikhoc vlap thoz mvy muq.

TAKSU LAK 27:5

Miq washiz muex raungshuex raung tvhonc tvtharc shix kuex, vruex waz kuex ngvy htauk nuex thuinz vhvlx yvmx muinz vguez ngoz tueq tvmaung shuex htauk nuex muinz vhvlx rvtueq.

TAKSU LAK 28:4

Tvrac kuex mnoz rueq tvtsanc muq ngoz ruiux yuq, mnoz kuex layx bac jix miqsaz kox nuex httax vtuiux; yuq muinz tvrac kuex mnoz rueq phvnx vshuiux ngoz ruiux yuq tsuingshiq kuex mnoz rueq khawx vshuiux.

EJEKIEL 22:12

Miq wvyvmc rueq kuimphox ningkhvnc nuex miq thvt yaq. Wvyvmc rueq tsuingshiq phuz vnox Israel miqsaz htenc maq kuimphox tvlap thuiyx vtueq, luiz waungx yaungc tvkoc tsuingshiq kuex mop jap wuez yaq. Tsuingshiq rueq ngaz kuex lauk gay phuex.” Johvlc Yehowa rueq jungx tueq.

EJEKIEL 45:9

Johvlc Yehowa rueq, “Israel guimz lawc jix hez lex, nuimshiq rueq mvrax yaq vtuinx kuex loayc hvlc shex! Nuimshiq rueq yauk laungc yalawx nuiyc vtuing vhtuing ruez vshuinx kuex httvr shuinz. Vlvmz nuiyc tsuingrux kuex shuimx shuinz. Ngvy miqsaz htenc kuex tsuingshiq mungtan wawc mkaq muinz nauk yurc gay kaz. Ngaz, Johvlc Yehowa rueq vruex lvmz jungx vshaungx.

LEWI 19:15

“Khuec vkhac kuex raraz tsatsaz phoc kuy rax, htemc saz rvmuq ngoz ruiux luiz waungx ngoz tueq htvlx phawc nauk thvl htauk kaz.

LEWI 25:36

Piq muex khic nvmc kuq ruiux yuq vlap nauk lvmz kaz, piq kuex mhep nuex httaz tvkoc Tishox muex hiyaz tvtsanc nganc shuiuz.

Matthew 18:17

Tsuingshiq kvjaz kvmuinz tay muq ngoz ruiux lec, kvruex lvmx lotlaz kuex phungc nuex tvtay shuiuz. Tvsuip nuex phungc miqsaz kvjaz muinz tay muq ngoz ruiux lec tvrac vguez miq nuiyc muinghic jix waz ikhoc lawx tvyaungc shuiuz.

2 Corinthians 5:16

Kvkhoc rvtueq naungshiq rueq ukhaq muex yuq muinz miqsaz tanc khvnc maq rvjungc miq shex. Mvnnuex Christu kuex miq saz tanc khvnc maq tv-ngvlc wvnc tiq ngoz ruiux muinz majuiuc kuex kvkhoc shuimx miq shex.

Galatians 2:11

Yuq muinz Antiok ghaq nuex Peter httuiuc kaz tueq nuex, piq rueq shuimx kaz yaq honc vyaungc kuex vyaq kvkhic kay ningkhvnc nuex, ngaz rueq piq kuex miq htumc nuex svl tauk.

1 Timothy 5:20

Vganc jix mhiz sungx kueq mvrax shuimc jix miq lotlaz mungx htumc nuex tvhonc tvtharc shuinz.

Titus 2:15

Mnoz rueq vruex lvmx htenc kuex jungphvnx tvluing kuq shuiuz, mnoz rueq hungc vlaungc kuy jungphvnx shuiux nuex mnoz nuex httax yaq vrangx vpangx kuex shuimx shuiuz. Uraq muinz mnoz htauk nuex wvlc guez waqguez lawc tvruinc muq mruez shueq.