NEHEMIA 5:11 - Hawa Naga Bible 2001

¹¹ Tsuingshiq rueq nuimshiq muex kuy juing kuimphox, tuiuz vtsvmz, svpiq tix, olip puiz htenc htuimc kuy juing kuex tvmvy gay wuez shuinz. Tsuingshiq wuik vnax, svpiq sunc, olip roz nuiyc yuimx htenc kuex lvmx lvy yez kuq wuez shuinx!” ngoz tueq jungx tueq.

ASII LAKDAP Bible (BSI)

¹¹ Tsangshiq raq, namshiq ma athamke chang ümchuwa sitlaq, kampho anam lo, tü atsam anam lo, che anam lo, olip petsitai anam lo, krii thun raüpot akha ka wiita she diibaiq rong laq. Lanta, tsangshiq wak thun ka, spiqro thun ka, olip pero thun ka, kiimaq jam thun ka, wiita tsangshiq ma jangkuq rong laq!”

NEHEMIA 5:11 Referencias Cruzadas

2 SAMUEL 12:6

Kvkhoc layx vbac yauk shuimc kuex piq rueq shuimx tueq ningkhvnc nuex, piq rueq lvmz wvnc tueq kvruex tanc maq htvp bvlic tvhtuimc juing rvtueq,” ngoz tueq jungx tueq.

NEHEMIA 5:10

Ngaz rueq mungx miqsaz muex kuimphox nuiyc tuiuz vtsvmz kuex khic nvmc kuq vshaungx, kvkhoc rvtueq ngvy kungjix bix nuiyc ngvy yauk shuimc jix hez rueq muinz lvp luz wuez tueq. Majuiuc naungshiq rueq kvruex htawz htuimc kuex tvyez thoz wuez miq lawx.

NEHEMIA 5:12

Walaungx bix rueq, “Mnoz rueq jungx vshuiux kvkhoc nuiyshiq rueq shuimx lvmz shix. Tsuingshiq taungx vwawx htenc kuex yez kuq ruiux htawz htuimc muinz thoz miq shex,” ngoz tueq tvralc tueq. Tsuingshiq rueq taq tueq bomkhvmc kuex tvhungx muex shomc waz bix kuex ngaz rueq gvl vtueq tsuingshiq khaungkac nuex walaungx bix muex tvtuemc tauk.

ISAIA 58:6

“Ngaz rueq roc vshaungx phuiuz svy mamc lvmx kuex vkhoc rvtueq: vguirc vguenc ngoz yaq vkhvrc buinc ruiuz kuex jumz gay ruiux, tvrac rvmuq kuex lvmz gay vtueq vguirc vguenc rvhumc jix kuex tvdungc wvnc rax.

Luke 3:8

Kvkhoc rvtueq nuimshiq mvrax htenc kvwawc thuinz kvlayc yek wvnc tiq ngoz tueq jungx laz juing shuimx kaz wuez shuinz. Nuimshiq rueq Abraham kuex naungshiq jix vwaz rvtueq ngoz tueq nuimshiq vdvmz dvmz nauk jungx kaz. Nuimshiq muex ngaz rueq jungx kuq ix, Tishox rueq vruex lung htenc vwawc Abraham suiuz vsaz muex tvyaungc lot yaq!

TRI CHONGKE 6:11

Nuimshiq rueq tvjomx taq muit rvhvt maq vhvlx phvnx htenc nuiyc hunghtaungx yaq yuimx htenc muinz, nuimshiq rueq htuz muit yuix tumz htenc muinz, nuimshiq rueq khic yuingc muit svpiq sunc nuiyc olip sunc htenc muinz kuq kv-phuinx. Yehowa rueq nuimshiq kuex kvruex mungx kvyuq shvlx wvnc vtueq nuimshiq rueq vphuiuz svy roc phvnx lotlaz lvp wvnc shuinx nuex,

1 SAMUEL 12:3

Ngaz kuex vyuq httax vtaungx. Ngaz rueq phvnx shishiz vshuimc yaq ruiux yuq, majuiuc Yehowa khaungkac nuex muinz, vpiq rueq vthvl shec hokhvmx waz mvnz nuex muinz, ngaz muex mvrax tvgurc mvy yaq. Ukhaq mansuiux kuiux, rvmuq ngoz ruiux loze lac ngaz rueq lvmz tauk nguinx? Ngaz rueq ukhaq lac tuinghtuing phauk saq tauk nguinx? Ukhaq kox wawc lac khauz loayc lvmz tauk nguinx? Kvruex phvnx htenc wawc phvnx shishiz ngaz rueq shuimx tvyaq gay tauk ngoz ruiux yuq kuex, ngaz rueq lvmz itauk phvnx kvruex vhtuimc kuy rv-phaungx,” ngoz tueq jungx tueq.