Mikha 2:1 - Hawa Naga Bible 2001

¹ Vrot vkaq jungc jix nuiyc layx vbac kvmungx jix tvkoc kvruex kuex mtanc kvhiz juing wuez! Tsuingshiq kuex vkhangx dung wvnc yaq rulc vdvmz, raungnvp raungwuix wvnc ruiux yuq tsuingshiq rueq kvmungx yaq layx vbac phvnx kuex shuimx wuez yaq.

ASII LAKDAP Bible (BSI)

¹ Hiqbi kho hiqbi kho! Rawa konhü mat-sü tsasü ngati hiqbi kho! Ranap rawü ho raüla matniq tsaniq jaqshamtlo!

Mikha 2:1 Referencias Cruzadas

RAPHA HIQWA LAK 31:29

Ngvy luimc vkawc maq mnoz kuex tvkuilc daz mvy yaq, yuq muinz m-yac raungwvrx m-waz Tishox rueq mnoz muex yvmx muinz tvhiz sungx mvy muq ngoz tueq ngaz muex tuingshaung kuq phuex.

1 HOKHVMX 21:7

Jezebel rueq, “Vhvlx, mnoz kuex hokhvmx rvmuq haz? Chuing wawc kvtenc kuiuz, thuinhvlx maq phuiuz vsvy kuex phauk saq shuiuz. Nabot svpiq sunc kuex lvp laz juing ngaz rueq tvhungx kuq phaungx!” ngoz tueq jungx tueq.

ESTHAR 3:8

Kvkhoc rvtueq Haman rueq hokhvmx waz muex, “Mnoz honoc mungtan wawc mungx hong ruip nuex miqphvnx phvnx shiz httax naungx yaq kuex khiz vshaungx. Tsuingshiq htungx vlayx kuex vganc miqsaz rulc rv-ngvlc muq. Kvruex htauk nuex jvnc vtueq tsuingshiq rueq honoc mungtan tvrac htenc muinz phvnx muq, kvkhoc rvtueq tsuingshiq muex nanx kuq ruiux muinz mnoz tvkoc vjux vguez.

ESTHAR 5:14

Kvkhoc rvtueq vtaungx nyuiuz nuiyc vkungjix hez lotlaz rueq, “Mnoz rueq meter 22 joz yaq miq tvshuirc pauk juing kuex tvhungx muq rvtonx? Invp raungnvp Mordekai kuex buq shuirx htung kvyuq tvshuirc pauk gay tvkoc hokhvmx waz muex tvtay jungx shuiuz, kvruex yix maq mnoz kuex raungyac dungc svy moalx nuex vkoz vkez maq kaz lvp tuiux,” ngoz tueq kvmungx kuq tueq. Haman rueq vruex kvmungx kuex vhvlx rvkoq tueq piq rueq miq tvshuirc pauk juing kuex tvhungx tueq.

ESTHAR 9:25

Yuq muinz Esther kuex hokhvmx waz kox nuex kaz vtueq hokhvmx waz rueq bomc tvdvy luik wuiyq tvtay ningkhvnc nuex Yuda miqsaz htenc tvkoc piq rueq dvnc tueq vkuilc vdaz kuex Haman rvhumc wvnc tueq, piq nuiyc vsaz hez kuex buq shuirc htung nuex pauk gay rvhumc tueq.

YOBA 15:35

Kvruex hez kuex kuilc daz jamjaux kvmungx vtueq layx bac yauk shuimc jix hez rvtueq; tsuingshiq thuinz vmungx nuex vrot vkaq kvjaz htenc dvyx mkaq muinz mvrc yaq.

YOBA 24:14

Miq thvy jix waz kuex raungwuix wvnc yaq nuex kvtenc vtueq htemsuiuz rvmsaz jix kuex thvy gay kay kaz yaq, piq rueq raungwvrx nuex guiuq yaq.

Tvtsvmc 36:4

Tsuingshiq kuex woalchuing htauk nuex woalc vtueq honc bac lvmx kuex kvmungx wuez yaq; piq rueq shuimx yaq phvnx htenc kuex vbac phvnx jvnc rvtueq, piq rueq honc vbac phvnx kuex mkaq muinz tvdux gay muq.

Tvtsvmc 36:5

O Yehowa lex, mnoz phaungx ngaungx yaq lungwawc thuinz kuex raungmungx nuex httuiuc laz htanc yaq; mnoz tvmtuing muinz raungx htenc nuex httuiuc laz kvshunc yaq.

Tvtsvmc 58:3

Honc bac jix miqsaz htenc kuex tsuingshiq rullungx wvlex nuex vyaq maq khuemx wuez yaq; tsuingshiq kuex jawx raungnuiyq maq phuex vrot vkaq kvjaz htenc jungx yaq.

TAKSU LAK 12:2

Yehowa rueq miq hvlx jix htenc kuex raungc raq yaq, yuq muinz honc vbac yauk shuimc tvnkhvnz jix miq htenc kuex vpiq rueq phox yaq.

TAKSU LAK 14:22

Vhvlx yauk shuimc kuex mnoz rueq shuimx ruiux yuq, vganc jix miq rueq tvluimc nuiyc tvtsanc nganc lvmx kuex mnoz rueq lvp wvnc shuiux; honc vbac kvmungx jix waz kuex lvmx tvyaq jix waz rvtueq.

TAKSU LAK 3:27

Vhvlx yauk shuimc tvkoc raungc yaq jix muex mkaq yuq muinz mnoz rueq shuimx lot shuiux nuex shuimx kuq shuiuz.

TAKSU LAK 4:16

Layx bac jix miqsaz htenc rueq vyaq yauk shuimc kuex shuimx lvp muq ngoz ruiux yuq, tsuingshiq kvtsoalx lvp muq. Miq washiz shiz kuex tvthuiuz sac lvp muq ngoz ruiux tsuingshiq kvtsoalx piauc muq.

ISAIA 29:20

Kvruex kuex vganc jix muex tuinghtuing vtueq Tishox muex wvlc guez waqguez tvyaungc jix htenc vtvsuip shex rvtuex. Mvrax yaq jix lotlaz tvbac gay rvhumc tuex.

ISAIA 3:14

Yehowa rueq walaungx bix nuiyc vpiq miqsaz nyuiuz waz rulx kuex khac phoc juing nuex shvlx wvnc yaq. Vpiq rueq vkhoc mvrax tvgurc yaq: “Nuimshiq rueq svpiq sunc htenc kuex nyvlc wvnc tuit, nuimshiq yuimx htenc nuex htemc saz yauk wawc vlvp taq hup vsvmx dvyx mvrc yaq.

ISAIA 32:7

Miqyaq jix waz kuex layx vbac rvtueq layx bac yauk shuimc shuimx yaq; piq rueq htemc saz jix htenc kuex vrot vkaq kvjaz maq tvbac gay nuiyc tsuingshiq rueq lvp aungx yaq vlvmz tuingshaung kuy tvkoc kvmungx yaq.

ISAIA 5:8

Nuimshiq kuex vphoc rvhumc tuit! Nuimshiq kuex nuimshiq rueq lvp wvnc tuit htauk nuex jvnc vtueq yuimx htenc nuiyc wuik vnax htenc kuex ruiyx vshuinx. Mtanc rvmuq nuex kvruex baung kvyuq miq washiz httaz juing doc muinz httax tuex rvmuq, mnoz dvyx shex kvruex ghaqphux kvyuq httax tuiux.

ISAIA 59:3

Nuimshiq rueq vrot vkaq jungx vshuinx lvmx, nuimshiq yauk nuiyc yaukshix htenc nuex tvguiy rv-nyvt yaq lvmx, nuiyc miq thvy gay ningkhvnc nuex mvrax httax wuez vtuinx.

JEREMIA 18:18

Kvruex yimaq miq htenc rueq, “Yeremia muex phvnx shishiz ruez thalx ix! Naungshiq muex tvhonc tvtharc tvkoc shomc waz bix, naungshiq muex tharc jungc kuy jix wvtharc miqsaz htenc nuiyc Tishox bomjungc kuy jix shvmmax bix kuex mkaq muinz vhttax rvtuex. Piq rueq jungx yaq kvjaz kuex tay miq maq, piq mvrax dvyx thuiyx wuez ix,” ngoz tueq jungx wuez tueq.

EJEKIEL 11:2

Tishox rueq ngaz muex, “Vthueyc rvyaq miq waz lex, vruex ghaqyungx vyuq vbac kvmungx kuy jix layx bac jix hez kuex vruex hez vruex rvtueq.

EJEKIEL 33:26

Nuimshiq kuex miqmac yaung muex kvmx wuez vtuinx. Nuimshiq honc vyaungc muinz miqsuirc vsac rvtueq. Miq pumz tek vtueq miqjuik miqwaz rulc rvsenc vtuinx. Kvkhoc rvyruiux kvruex mungtan kuex nuimshiq rueq guimz shuinx ngoz tueq haz tvmaung vshuinx?

EJEKIEL 38:10

Vruex kuex Johvlc Yehowa rueq Gog muex jungc rvtueq: “Kvkhoc httuiuc wvnc tuex kvkaq, mnoz kuex layx vbac kvmungx thuinz httax tuiux.

EJEKIEL 46:18

Mungx guimz lawc hokhvmx waz rueq mungx miqsaz ghaq tsak jungx kuex lvmc mvy muq. Piq saz miqwaz sahez muex piq rueq kuq tueq ghaqphux kuex piq muex vkuq wawc rvtueq, piq rueq ghaqphux kuex nyvlc vtueq ngvy miqsaz kuex tuinghtuing mvy muq.

Mikha 6:12

Nuimshiq luiz waungx tuinx kuex htemc saz jix mop jap dvyx rvtueq, nuimshiq lotlaz vrot vkaq jix jvnc rvtuit.

NAHUM 1:11

Ninewe lex, mnoz kox wawc Yehowa kuex khawc lvlc muex kvmungx jix layx vbac miq washiz mnoz kox wawc yaungx wvnc yaq.

JEKERIA 7:10

Mvntix nyuiuz tamx, nojix sahez, nuimshiq rulc httaz jix pungnuk miqsaz muex nuiyc htemsuiuz rvmsaz jix muex nauk tuinghtuing wuez kaz. Vshiz maq vshiz vdvmz dvmz tvthuiuz sac lvmz nauk kvmungx kaz.’

Mark 15:1

Raungnvp jauz maq shomc walaungx bix, walaungx bix, Tvrac tvluingc waz hez nuiyc Suingdaungx Muingdaungx jix lotlaz kuex htat htat rvjungc phvnc tueq. Tsuingshiq rueq Yesu kuex khvrc ruiux, het shvlx wvnc vtueq, Pilat yauk nuex tvshuk lekuq tueq.

Luke 20:19

Kvruex bomc tv-ngvlc kuex Tvrac tvluingc waz hez nuiyc shomc walaungx bix htenc duix nuex tvhungx vtueq vjungx lvmx kuex tsuingshiq rueq tuiuz lvp vtueq, kvkaq dvyx Yesu kuex lvp gay dvnc tueq; yuq muinz tsuingshiq kuex miq htenc muex hiz wuez tueq.

John 19:11

Yesu rueq, “Mnoz muex Tishox rueq vkuq vrangx vpangx maq dvyx mnoz rueq vkhoc shuimx vshuiux. Kvkhoc rvtueq m-yauk nuex ngvy tvshuk lekuy gay jix waz kuex mvrax yunghvlc pinhtumc httax yaq,” ngoz tueq tvralc tueq.

Acts 23:12

Nvp yix raungnvp nuex Yuda miqsaz wvyvmc rvtuimx vtueq, Polu kuex thvt lvp miq wawwawx yvmx muinz phauk saq miq ngoz tueq kvtuemc wuez tueq.

Acts 23:15

Kvkhoc rvtueq, nuimhez nuiyc phoc waz bix rueq Polu muex kvjaz vhvlx waq wisoz tvkoc ikhoc tvyaungc vtueq, Roma nolaungx yungx waz muex piq kuex nuimshiq kox nuex shvlc lvy tvkoc thoz waung kuinz, nuimshiq kox nuex max httuiuc kaz nuex dvyx piq kuex thvy gay tvkoc nuiyshiq rueq bvmc tvyoalc laz shix,” ngoz tueq jungx tueq.

Romans 1:30

Tsuingshiq kuex kvjaz thet hvlc jix, vganc jix muingc tvbac kvjaz, Tishox muex shuiuc jix, shummarc jix, ngamc ngax kvsomc parc jix htenc rvtueq, vbac phvnx phvnx ruip saz kuex tvdung yaq, miqmac nyuiuz vwaz kvjaz tay muq jix;

TRI CHONGKE 28:32

Mmuik lawc nuex msaz hez kuex pungnuk miqsaz rueq dax tvyaungc muex lvp laq wuez shuex. Wvraungx nuiyq msuiuz msaz hez httuiuc woz yaq ikhoc tvluimc lawc thvt ruiux muinz muik htvlc juing dvyx rvtueq.