Mikha 2:1 - ASII LAKDAP Bible (BSI)

¹ Hiqbi kho hiqbi kho! Rawa konhü mat-sü tsasü ngati hiqbi kho! Ranap rawü ho raüla matniq tsaniq jaqshamtlo!

Hawa Naga Bible 2001

¹ Vrot vkaq jungc jix nuiyc layx vbac kvmungx jix tvkoc kvruex kuex mtanc kvhiz juing wuez! Tsuingshiq kuex vkhangx dung wvnc yaq rulc vdvmz, raungnvp raungwuix wvnc ruiux yuq tsuingshiq rueq kvmungx yaq layx vbac phvnx kuex shuimx wuez yaq.

Mikha 2:1 Referencias Cruzadas

RAPHA HIQWA LAK 31:29

Ngi raq ümdü na ijaq maq mimiiq lot ha. Shatmaq ümwa rawa ümwe Shiikeawe raq ngi ma ümniika shiikeng raa mak nguta atiiwin riito.

1 HOKHVMX 21:7

“Ahea kata. Riita ümniika hokhamwe riimak sha? Sha riimak wiita?” nguta Jejebel raq apaiq bom ka treto. “Changdü wa tiido laq. Laüta khoqriiq shishiiq ma silaq. Laüta tü adung kriishe phaqsiq laq. Naboth spiqro ka ngi raq ümniimiishe milap kuq kang!”

ESTHAR 3:8

Kiijiishe, Haman raq, Hokham Ahasueras ma, “Ümmungtan mong na maiq phan ümchuwa sitlaq kra mong na, phanshi ka junok thunglai rai min pongmak, pongtrai sitlo. Tsangshiq thunglai ka junok rai min mren mak. Kiimaq tsangshiq raq hokhamwe thungtri ka lang mak riitlo. Kra ningkhan, tsangshiq ka akhli thü raüla hokhamwe ma jam achu min ahü miraq.

ESTHAR 5:14

Kiijiishe tsangnyung Jeresh nai akongtitiim wiita raq, “Ikhiijiika, ümniiraq phaqsi khamchong ashi adiilu na mitar roqnairi ashi tiihai laq. Laüta anap ranaiq ümniiraq hokhamwe nang nga Mordekai ka kra phaqsi chong kiijaq tiishak paqchang nguta chong liina. Kra lot laütiishetiq, ümniika chochikhiq maq hokhamwe rai wela manto dung seawa dam she wa liina,” nguta tsangnyung nai akongtitiim raq chongto. Kra tai raüta Haman riimin, kra bom ka ahea dea chongtlo nguta tiima wanto. Krai mren, apaiq raq phaqsi khamchong kra shongkai miitu thaüto.

ESTHAR 9:25

Shatmaq Esthar raq hokhamwe ma chongto. Krai mren, hokhamwe raq Haman apaiq nai asetiim kra khoti phaqsi chong na tiishak baiq wan miito aming kuqto. Krai mren, Jehudinok tsai rii na, Haman nai asetiim she phaqsi na tsaito.

YOBA 15:35

Arkong ahata mungshukti kiimaq abi kiimungti; tsangshiq tsii ka wranaiqshe laopha laophi li.

YOBA 24:14

Ranap rawü wan raüla matsaü tsasebi ka akon maq tiido tlo raüta miitsan maiqsetiim ka tseabaiq kai kihotlo, kiimaq rawa niika ahuk jakai kihotlo.

Tvtsvmc 36:4

Apaiq ka chang na awe lam maq abi kiimung thun süriitlo; apaiq raq jamlai wa shamtlaq ka ahea riimak, kiimaq apaiq raq abi kiimung ka abi ngumak.

Tvtsvmc 36:5

Tatiwe lei, ümlungwii tiipitmaü phan ka ra mungtan thun na saütlo; ümnaq tsapkap lungwii ka ra tsan mong na saütlo.

Tvtsvmc 58:3

Abi kiimungti thun riika rilung wiilü ashut kloli; tsang rawii chhi wan li miiphat arot akiq chongseali.

TAKSU LAK 12:2

Tatiwe raq maiqheati ka lungwiitlo; Shatmaq abi kiimungti ka tiishuttlo.

TAKSU LAK 14:22

Nanok ma ahea jaqsham kuq haü la, shreng manto milaphaü. Kiimaq maiq raq ümniima mitlam. Shatmaq abi kiimung tlaü jiila, kriika ashut klo tlaü.

TAKSU LAK 3:27

Ümniiraq ahea jaqshamke nguttlaü khankhan, ju miiwa ratlaq kriiti ma sham kuqlaq.

TAKSU LAK 4:16

Abi ati maiqsetiim ka, ashut klokaihü wiiwii, rawa niimin konmak sitlo. Tsangshiq raq mat atsa niqkaihü miika, rawa konhü miili sitlo.

ISAIA 29:20

Kra akhing ka nanok tiichamchaotibi kiimaq Shiikeawe shummiitibi thun miitu ka rilung thum akhing she miraq. Ngarai maiqse loweatek ka atsea she mirbaiq wan.

ISAIA 3:14

Tati raq asenginok nyungwere thun nai mungtubi thun ka rung na khapho miishe tiichap wantlo. Apaiq raq tsangshiq ma kha ka ara nyantlo: “Namshiq raq spiqro thun ka wiita hukphaqsiq wan lan. Lantea namshiq jam thun ka miitsan maiqse jaq wa nyea wan lan tsiiq anyam raq amashe sitlo.

ISAIA 32:7

Maiqjiqti ka abi. Krai mren ashut li kiimungtlo. Apaiq raq arot chong raüta miitsan maiqse ka tiithenbaiq tantlo kiimaq tsangshiq raq lap phaqsea chang kriimin tangta baiqtlo.

ISAIA 5:8

Namshiq ka miqlan she! Namshiq jam thun nai wak thun sishatshat taü miimin, jam nai wak kli apapa tiitsuq rinong tlan. Jaqlo liipan niili nanok ahinti singa chang hiq ara ka ahüshe miraq. Armung niika namshiq lamlamlishe misihan.

ISAIA 59:3

Namshiq ka arot bom khana, jasam piqsii riitlan khana, kiimaq maiq tsattlan khana ashut kong.

JEREMIA 18:18

Kiijiishe nokmaiqse raq nguto, “Jeremia ara jamkhii riichangwa riichong rong i! Nashiq ma shrinketi ramwebi ka wranaiqshe siruq miraq. Kiimaq nashiq danhonti taksubi kiimin asi miraq. Kiimaq Shiikeawe bomtsi chiiriim raüta chongketi shammibi ri asi. Apaiq ma kha pahea nyan rong i. Laita apaiq traho ka taimai she shishe baiq rong i.”

EJEKIEL 11:2

Shiikeawe raq ngi ma nguto, “Maiqse lei, arwetiim raq chelati ma abi kiimung thun chongkuqtlo kiimaq ajiq lam phan tsii chongkuqtlo.

EJEKIEL 33:26

Namshiq ka nam nepja thun ma tlam tlan. Namshiq raq jamlai wa klotlan thun kriika Ngi ma maiqphai asi. Namshiq loweatek raq maiqchak rai sra tlan. Jamlai tiima lanto, kra mung ka namshiq riishe nguta tsütsit tlan?

EJEKIEL 38:10

Tati Rakaü Hiqwe raq Gog ma akha ngutlo: “Ümtiikiiwa kra akhing she saü wanjiiq, ümniiraq abi kiimung ashi she miphoq haü.

EJEKIEL 46:18

Mung pengti mungtuwe riika mungmaiqse jaq wa, juwe tachong hupsam li jiimin lamho mai mak. Apaiq raq asetiim ma pheakuq tlaq hü ahiq phu thun kriika, apaiq rii achumkuq hiq sitlaq kriiwiili pheake chang. Arka apaiq raq isenginok phong wa juwe hiq phu li jiimin nyeaho raüta shiikeng leng wan maimak.”

Mikha 6:12

Nam mungti chiithe maiqse raq, miitsan maiqse ka, nanshanshan lao lü tlo. Namshiq tarü ajok aliiq siisaq.

NAHUM 1:11

Ninewi lei, ümpha wa, Tatiwe ngeng ma, abi phaqchi toqti weshi dongto.

JEKERIA 7:10

Mantinyung re, jechi nomisetiim, kiimaq pongmungti namshiqnok rai sitlaq kra, kiimaq juwa alit akot sitlaqti ka nanshan raamak. Kiimaq weshi raq weshi haihii maimak,’

Mark 15:1

Ranap chu miili ramwe jongbi ka taülaükhiq maq welabi nai Thungtri shrinketibi, kiimaq Jehudinok Rung Jong phowebi thun kunli rai, ngongthun ngato. Raüta, tsangshiq raq kha ka tiihong phoje she thüto. Raütiishe, tsangshiq raq Jesuq ka jinraü kharü maq kha raüta, Pilat rung niishe hithoto. Raüta, Pilat jaq niishe kiinong kuq baiqto.

Luke 20:19

Kra tai raüta, Thungtri shrinketibi nai ramwe jongbi raq, Jesuq ka kriijiili lapholai nguta danto. Kra jamkhano tanta ngukla, kra manphan shiiton maq tsangshiq ka shiitanto nguta sapto. Shatmaq, tsangshiq ka mungmaiqse ma ahai kha maq, apaiq ka lap mak dea riito.

John 19:11

Kiijiishe, Jesuq raq Pilat bom ka treto, “Ümjaq na i tsitsü ara tiipit miitu arang ka Shiikeawe raq akuq tiina. Kriikha na, jurwa ngi ka ümjaq mong na shaphaq baiqtaq, kriiti riika, ümngarai thaq niimin ngarai jonghea she tang wanto.”

Acts 23:12

Kiimaq napjai ranaiq niishe ka, Jehudinok phong wa maiq wiijamti ka adam na hali ngato. Raüta tsangshiq raq Paul ka tsea baiq ma nguta bom ka kiqshi maq rito. Tsangshiq raq Paul ka tsatbaiq wan mak shaq wiiwii, ralang khamsang kokshi dongdii min nü na thü mai nguta tiitum tiita raüta kiqkhamto.

Acts 23:15

Riita, ümchaü min, namshiq ajong alabi nai Rung welabi raq, Paul mra ka samhea tiishangrii nong ma nguta tiimanhii lanta, Roman phentujong we kiima Paul ka Rung na tiisheaho nonglaq nguta bom ka tiichong wa nong rongkiq. Shatmaq, naishiq ka lam na tiipaü laita kheshat mirhai. Laita, Paul ka arjaq misaü ho shaq liipan wiili mitsat baiq kai,” nguta tsangshiq welabi ma bom ka tiitaito.

Romans 1:30

Kiimaq tsangshiq nai tsangshiq liipan na arshaphaq, tsangshiq ka Shiikeawe makki na, kai maiqsai asi sitlo. Kiimaq tsangshiq ka ji maq nishishi tsii rümti; Tsangshiq ka ashkong li, kiimaq tiishom mra li; tsangshiq riika, abi lam ka apa klo wan wan roli sitlo. Tsangshiq raq anyung awe bom ka tai mak.

TRI CHONGKE 28:32

Ümmak ki na ümsetiim maiqwe sere kong nai jechaksere kong ka pong mungti ma disetiim ma tiija ma mikuq baiq. Wranaiqtek ümniika makshü jaqshii ümsetiim ka ümtiiko jang wan jiiq nguta maklii khamthii misi haü.