Mikha 2:2 - ASII LAKDAP Bible (BSI)

² Tsangshiq raq aroro maiq wak nyeatlo Tsangshiq raq aroro maiqjam nyeahoto. Maiqta maiqwii tachong nyeahotlo, maiqta kiimaq tsanghup tsang sam, tiiwongchang ahü.

Hawa Naga Bible 2001

² Tsuingshiq rueq wuik vnax htenc roc ruiux, tsuingshiq rueq kvruex nyvlc wvnc tueq; tsuingshiq rueq yuimx roc ruiux, tsuingshiq rueq kvruex lvp wvnc tueq. Mruex yuimx taungx muinz, tsak vnyvmx muinz kvtuing guing tsic muq.

Mikha 2:2 Referencias Cruzadas

1 HOKHVMX 21:1

Hokhamwe Ahab hokham jam ka Jejreel na. Apaiq jam tho na maiq weshi amang min Naboth ngutliiwe spiqro bagan asi.

2 HOKHVMX 9:26

‘Ümji ranaiq na Naboth nai asetiim tsatbaiq laü kra Ngi raq achhiha. Krai mren, Ngi riimin ümniika ara hiq ba arjaq hali mitsat baiqha.’ Krai mren, ümchaü min Joram maa ka hitho laq,” nguta Jehu raq apaiq khiiq witiwe ma aming kuqto. “Laüta Naboth wak ram na hit baiq kikiq. Kriika Tatiwe kiqkham tiiku wan she miraq.”

YOBA 31:38

Kiimaq ngi raq wak shamsiq tiikang kra wakchongtiwe jaq wa nyeaho kang jiila-

DUNGWVNC 20:17

“Maiq jam chhi laüta naq süramkiq; achak ma, adise kong ma, anyamse kong ma, akumtoq kong ma, riimakla apaiq hupsam phan shi ra ma jiimin naq süramkiq.”

ISAIA 3:14

Tati raq asenginok nyungwere thun nai mungtubi thun ka rung na khapho miishe tiichap wantlo. Apaiq raq tsangshiq ma kha ka ara nyantlo: “Namshiq raq spiqro thun ka wiita hukphaqsiq wan lan. Lantea namshiq jam thun ka miitsan maiqse jaq wa nyea wan lan tsiiq anyam raq amashe sitlo.

ISAIA 5:8

Namshiq ka miqlan she! Namshiq jam thun nai wak thun sishatshat taü miimin, jam nai wak kli apapa tiitsuq rinong tlan. Jaqlo liipan niili nanok ahinti singa chang hiq ara ka ahüshe miraq. Armung niika namshiq lamlamlishe misihan.

JEREMIA 22:17

Shatmaq ümniiriika ümwokpo tiima kli saptlaü; ümniiraq maiq sepii pahea tsatbaiqlaü; kiimaq ümsengi mungmaiqse ka chongwai maq hot hot buk laü. Arka Tatiwe raq ngutlo.

EJEKIEL 18:12

Apaiq raq miitsan maiqse kra laoliiho. Kiimaq thiimeaq ma jasha, kiimaq apaiq jaq wa kampho namwati raq kongphiq kha hupsam kuqtlaq kra jaüthütlo. Kiimaq apaiq ka thatsang maiqse raq shomnoq tlaq phra thun shomjam na kiraüta maiqphai asi sumla thun kra shomnoq kitlo ngu i.

EJEKIEL 22:12

Ümsenginok wiijamti riika maiq raq raikao tat raüta maiq tiitsattlo. Maiq wiijamti riika maiqmii mungti Israilnok ma kampho tiinam kuqtlaq kriithaq na amet jaütlo. Tsangshiq kra nanshanshan raüta chiithe ma jatlo. Tsangshiq raq Ngi ka alaq riibaiqto.” Arka Tati Rakaü Hiqwe raq ngutlo.

EJEKIEL 22:13

“Ngi raq thiimeaq tekti thun nai maiq tseati thun kriika ijaq tham maq mitapha.

EJEKIEL 33:26

Namshiq ka nam nepja thun ma tlam tlan. Namshiq raq jamlai wa klotlan thun kriika Ngi ma maiqphai asi. Namshiq loweatek raq maiqchak rai sra tlan. Jamlai tiima lanto, kra mung ka namshiq riishe nguta tsütsit tlan?

EJEKIEL 45:9

Tati Rakaü Hiqwe raq nguto, “Israil mung pengti mungtubi lei, namshiq raq ngarai pahea tang wan lan! Namshiq mungmaiqse tsatta tlan kra kiimaq mungmaiqse ka ji maq nishishi haihü tlan kriika tsaq rongliishe. Jamlai wa tri na riikhaqli kiimaq tingting kra klo ronglaq. Namshiq raq isengi Israilnok ka maiqmii hiqshong rahai na kriiwa ahin na jojiibaiq maimak she. Arka, Ngi, Tati Rakaü Hiqwe raq chong tiikang.

EJEKIEL 46:18

Mung pengti mungtuwe riika mungmaiqse jaq wa, juwe tachong hupsam li jiimin lamho mai mak. Apaiq raq asetiim ma pheakuq tlaq hü ahiq phu thun kriika, apaiq rii achumkuq hiq sitlaq kriiwiili pheake chang. Arka apaiq raq isenginok phong wa juwe hiq phu li jiimin nyeaho raüta shiikeng leng wan maimak.”

EJEKIEL 8:17

Raütiishe Tatiwe raq ngi ma nguto, “Maiqse lei, kra chhitlaü sha? Ara Juda mungti ka arthun maiqphai asi jaqsham thun arka miinan asham lamlam miili nai armung hamli na riitsea riita raq nyam wantaq kra riika tsangshiq ma mit-si li chhaq ka riimak. Tsangshiq ka ana kai raa dongdii, raüta arthun arka Shomjam na klo raa dongdii she jakito. Raüta tsangshiq raq itsan ka tiikhiq raa dongdii. Raüta itsan ka apapa tiikhiq chang kata. Liimaüta, tsangshiq raq pinthum maklii jai na tiijangphat abi jaqsham raüta ngi ka shummiitlo ahata!

AMO LUIK DVP (AMOS) 2:7

Tsangshiq raq wepuq wese ümkoq ümphaq, ji maq nishishi nibaiq wanto. Kiimaq miitsan miijan maiqsetiim, lamkampii wa liiq baiq wanto. Kiimaq siwe sise anai jong raq, maiqmii dise jechakse rai adam hainga wanto. Raüta maiqse kra haihii wanto. Raüta imang asii tiisheshi wanto.

AMO LUIK DVP (AMOS) 4:1

Amos raq jechakre ma ngutlo, Bashan tan wa minsaükaütiim kumchipo ikha jongtlo, Kiikha jongti lüsi lüwa nyungre Samaria chelati lei, miitsan maiqse ka ji maq nishishi, nanshan wantibi lei, ‘Ngi ka asum akam che maq dunglaq,’ nguta namwesetiim shiichut chatti lei.

AMO LUIK DVP (AMOS) 8:4

Amos raq chongtlo, taironglaq, namshiq chiithe lüwanok lei, jehin nore mungmaiqse ji maq nishishi, nibaiq wan tlantitiim lei,

Mikha 3:9

Jakob jamti tuwebi nai, Israilnok aki shillangbi lei, tai ronglaq, ngi chongpha, tingting tri shisheti, ajiq ka alam ma tiijatibi, alam nang ka ajiq ngu.

Mikha 6:12

Nam mungti chiithe maiqse raq, miitsan maiqse ka, nanshanshan lao lü tlo. Namshiq tarü ajok aliiq siisaq.

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

Matthew 23:13

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq mangjong maiqse ka Shiikeawe sengi ma jawanti wachang lam kilü kra ashaq riibaiq tlan. Namshiq maiqmii kiimin wawan man. Kiimaq nanok juwa awa wan tiima tlaq, kriiti kiimin tiiwa man maq lam ka tangta tlan!

1 Timothy 6:10

Ara jamkhano chongtiikang ngukla, tsiiq nai nyam ma sükha tsii raq, maiqse ka phanrap abi lam phan nü na shea ho tlo. Phungmaiqse wa maiq wiijamti ka, tsiiq anyam ma sühea kha maq, kampho apapa lap hai jaq nguta, tsiiq anyam ritlai anguli she, Shiikeawe lamphan wa, lamjiq nü niishe kiho wito. Raüta, rokngoq riingoq chamchao chapa riihum raüta, tiishudaq tlo.