Biblia Todo Logo
La Biblia Online
- Anuncios -




Mikha 2:2 - Hawa Naga Bible 2001

2 Tsuingshiq rueq wuik vnax htenc roc ruiux, tsuingshiq rueq kvruex nyvlc wvnc tueq; tsuingshiq rueq yuimx roc ruiux, tsuingshiq rueq kvruex lvp wvnc tueq. Mruex yuimx taungx muinz, tsak vnyvmx muinz kvtuing guing tsic muq.

Ver Capítulo Copiar

ASII LAKDAP Bible (BSI)

2 Tsangshiq raq aroro maiq wak nyeatlo Tsangshiq raq aroro maiqjam nyeahoto. Maiqta maiqwii tachong nyeahotlo, maiqta kiimaq tsanghup tsang sam, tiiwongchang ahü.

Ver Capítulo Copiar




Mikha 2:2
28 Referencias Cruzadas  

Jezreel ghaq wawc Hokhvmx Ahab hoc hep nuex vmuingc Nabot ngoz yaq waz rueq guimz yaq svpiq sunc vshiz httax yaq.


‘Nabot nac sahez kuex m-yac raungnuiyq thvt gay tueq ngaz rueq khiz tauk. Vruex sunc vyuq dvyx ngaz rueq mnoz muex murx tvgurc kuq phaungx ngoz tueq ngaz rueq bomkhvmc taq tauk.’ Jehu rueq piq nolaungx yungx waz muex ngoc, Yehowa bomkhvmc kuq phuex rulc rv-ngvlc Yoram maungx kuex lvmz vtueq Nabot rueq guimz yaq sunc nuex tuip gay kaz kuinz,” ngoz tueq nvr tueq.


Ngaz rueq wuik vnax shuimx vshaungx ghaqphux kuex guiuq wvnc ruiux yuq, vtaungjix yauk wawc ngaz rueq lvmz wvnc ruiux yuq,


“Mhttoarc mphaungx jix yuimx muex nauk rvnphvnx kaz; vjuik, vdax, vsuiux vmanx, loze, rvmuq ngoz ruiux piq nuex httax yaq phvnx ruip saz kvmac rvnphvnx mvy muq,” ngoz tueq jungx tueq.


Yehowa rueq walaungx bix nuiyc vpiq miqsaz nyuiuz waz rulx kuex khac phoc juing nuex shvlx wvnc yaq. Vpiq rueq vkhoc mvrax tvgurc yaq: “Nuimshiq rueq svpiq sunc htenc kuex nyvlc wvnc tuit, nuimshiq yuimx htenc nuex htemc saz yauk wawc vlvp taq hup vsvmx dvyx mvrc yaq.


Nuimshiq kuex vphoc rvhumc tuit! Nuimshiq kuex nuimshiq rueq lvp wvnc tuit htauk nuex jvnc vtueq yuimx htenc nuiyc wuik vnax htenc kuex ruiyx vshuinx. Mtanc rvmuq nuex kvruex baung kvyuq miq washiz httaz juing doc muinz httax tuex rvmuq, mnoz dvyx shex kvruex ghaqphux kvyuq httax tuiux.


Yuq muinz mnoz kuex mlaung vlap vphawx dvyx lawc vtueq; mvrax vguez miq kuex thvt gay ruiux mmiqsaz htenc kuex vjvnc tuinghtuing vshuiux. Yehowa rueq jungx tueq.


Piq rueq htemc saz jix kuex laulawc vtueq nyvlc ruiux, vshap vnvmc nuex vtaung taq hup svmx kuex piq rueq lvmz taq gay yaq. Piq kuex kongmongx httax yaq kvyuq kaz vtueq miqsuirc vsac yac yuimx htenc kuex nawk palx ruiux,


Miq wvyvmc rueq kuimphox ningkhvnc nuex miq thvt yaq. Wvyvmc rueq tsuingshiq phuz vnox Israel miqsaz htenc maq kuimphox tvlap thuiyx vtueq, luiz waungx yaungc tvkoc tsuingshiq kuex mop jap wuez yaq. Tsuingshiq rueq ngaz kuex lauk gay phuex.” Johvlc Yehowa rueq jungx tueq.


“Ngaz kuex mnoz rueq nyvlc vshuiux nuiyc miq thvt vshuiux htenc htauk kvyuq ngvy yauk htuimx kuex tvtuimz shaungx.


Nuimshiq kuex miqmac yaung muex kvmx wuez vtuinx. Nuimshiq honc vyaungc muinz miqsuirc vsac rvtueq. Miq pumz tek vtueq miqjuik miqwaz rulc rvsenc vtuinx. Kvkhoc rvyruiux kvruex mungtan kuex nuimshiq rueq guimz shuinx ngoz tueq haz tvmaung vshuinx?


Johvlc Yehowa rueq, “Israel guimz lawc jix hez lex, nuimshiq rueq mvrax yaq vtuinx kuex loayc hvlc shex! Nuimshiq rueq yauk laungc yalawx nuiyc vtuing vhtuing ruez vshuinx kuex httvr shuinz. Vlvmz nuiyc tsuingrux kuex shuimx shuinz. Ngvy miqsaz htenc kuex tsuingshiq mungtan wawc mkaq muinz nauk yurc gay kaz. Ngaz, Johvlc Yehowa rueq vruex lvmz jungx vshaungx.


Mungx guimz lawc hokhvmx waz rueq mungx miqsaz ghaq tsak jungx kuex lvmc mvy muq. Piq saz miqwaz sahez muex piq rueq kuq tueq ghaqphux kuex piq muex vkuq wawc rvtueq, piq rueq ghaqphux kuex nyvlc vtueq ngvy miqsaz kuex tuinghtuing mvy muq.


Yehowa rueq ngaz muex, “Vthueyc rvyaq miq lex, kvkhoc ruez yaq kuex khiz toq haz? Kvruex Yuda miqsaz htenc kuex vruex yuq mnoz rueq khiz vshuiux tsuingshiq rueq shuimx yaq miqsuirc vsac yauk shuimc lotlaz nuiyc wvmungx tuimx nuex yauk laungc yalawx rvyaq kvmac doc muinz thuinz suing wuez yaq rvmuq. Tsuingshiq kuex vruex Shomc Yuimx mungx nuex kaz vtueq ngvy thuinz pinhtumc tvkhaq wuez yaq. Tsuingshiq rueq ngaz kuex rvlot yaq tanc khvnc maq wvlc guez waqguez mtanc lac yomnamc yaq nguinx kuex lawc shuiuz!


Tsuingshiq rueq hungc vlaungc nulx yaq jix htenc nuiyc romc kuy jix miq vguez jix kuex nut nuiuz gay ruiux htemc saz jix muex lvmx wawc lak gay tueq. Vwaz nuiyc vsaz kuex dax nyuiuz vshiz kvrulc dvyx htokpawx vtueq ngvy vsawc muingc kuex tvshuy shac yaq.


Hungc vlaungc vnulx jix guirguenz ruiux htemc saz jix htenc kuex tuinghtuing vtueq, miqmac taungwaz muex nuiyshiq rueq nuingc muex joal lvmz laq loq ngoz tueq nvr ruiux, phuiuz vsvy vhvlx phuiuz svy jix Bashan wawc manx kuiux htenc ikhoc puiz yaq Samaria shvlx rulx lex, vruex kvjaz kuex tay shuinz!


Khvmx vrvmc jix kuex htuing nuiuz gay ruiux mungtan wawc htemc saz jix htenc tvbac gay muex hunglaungx vtuinx nuimshiq rueq vruex tay shuinz.


Tvrac vlvmz kuex shuiuc pac vtueq vlvmz wawc vyaq nuex kvroz wvnc jix Israel nuimshiq guimz lawc bix lex, ngvy kvjaz kuex tay shuinz.


Nuimshiq luiz waungx tuinx kuex htemc saz jix mop jap dvyx rvtueq, nuimshiq lotlaz vrot vkaq jix jvnc rvtuit.


Tvphaungc Tvsuip Yehowa rueq, “Nuimshiq muex khac phoc tvkoc ngaz httuiuc kaz vtueq, luinglawc jix htenc, miqjuik miqwaz senc lvy jix htenc, vyaq vphaq hakhix khvmc jix htenc, yauk shuimc jix hez yauk mauk kuex laulawc phuiuz svy jix htenc, mvntix nyuiuz tamx, nojix sahez nuiyc pungnuk miqsaz htenc kuex yomnamc jix htenc maq phaungc vtueq, ngaz muex hiyaz tvtsanc nganc muq jix htenc muex lvmx lvy dvyx tvkhic tvtay shaungx.


“Kvyonc yuk jix Tvrac tvluingc waz hez nuiyc Pharise nuk lex, nuimshiq kvhiz juing httax yaq! Nuimshiq rueq miq htenc max wawc raungx Mungtan kaluix kuex shauk gay tuit, nuimshiq muinz nyuip muit, vnyuip tvkoc hunglaungx jix muex vnyuip vkhangx kuq muit.


Yvmx khoc lac ngoz ruiux lec kuimphox muex rvnphvnx thuinz kuex honc vbac lvmz phvnx ruip saz muex vjungx vbaung yaungx yaq. Wvyvmc jix kuex kuimphox lvp roc hvlc ningkhvnc nuex kvmluimx lvmx wawc rv-phvlc wvnc ruiux raz tueq thuinbac kuilc daz lvmx phvnx ruip saz maq tsuingshiq thuinz vmungx htenc tvbac gay wuez yaq.


Síguenos en:

Anuncios


Anuncios


¡Síguenos en WhatsApp! Síguenos