Mikha 2:3 - Hawa Naga Bible 2001

³ Kvkhoc rvtueq Yehowa rueq, “Ngaz rueq nuimshiq htauk nuex jamjaux kuilc daz tvyaungc tvkoc kvmungx vshaungx rvtueq, kvruex wawc nuimshiq dung wvnc lot tuinx rvmuq. Nuimshiq kuex nuimshiq shauk pumz maq kuilc daz juing kuex thuiyx wuez vshuinx, kvkaq nuimshiq kuex ngamc ngax wuez lot tuinx rvmuq.

ASII LAKDAP Bible (BSI)

³ Arningkhan Tatiwe raq ngutlo, “Ümchaü ngi raq ümnaq dea wa chang, thü kho thü tiikang, kra mongwa ümniika, lun lot maü she! üm thiikho na ümniili midea haü. Krai mren shiikong kumrong maq, khumlot maüchang.

Mikha 2:3 Referencias Cruzadas

ISAIA 29:20

Kvruex kuex vganc jix muex tuinghtuing vtueq Tishox muex wvlc guez waqguez tvyaungc jix htenc vtvsuip shex rvtuex. Mvrax yaq jix lotlaz tvbac gay rvhumc tuex.

ISAIA 3:16

Yehowa rueq, “Lawc shuinz, Yerusalem shvlx rulx kuex mtanc lac ngamc boq wuez yaq nguinx! Tsuingshiq kuex tsuingshiq tuk tenz vtueq khuemx wuez yaq. Tsuingshiq rueq mkaq muinz yoalx rek dvyx lauc lawc yaq. Tsuingshiq khamtenc tvsvp ruiux, tsuingshiq yaz nuex jepaungc tvruingx yaq.

ISAIA 5:19

Mnoz rueq, “Yehowa kuex khiqkhvmz muq maq vpiq rueq jungx, vpiq rueq tvmaung shuex kvkhoc mshuimx shueq, kvkaq jix kvruex yauk shuimc kuex naungshiq rueq khiz shix. Israel vsawc Tishox vpiq rueq kvmungx yaq lvmz kuex mtvdung shueq; vpiq thuinz nuex yvmx lac httax yaq nguinx naungshiq rueq mkhiz lvp shix,” ngoz tueq jungx tueq.

JEREMIA 18:11

Kvkhoc ningkhvnc nuex, ngaz rueq Yuda mungx miqsaz nuiyc Yerusalem ghaq jix htenc kuex khawc lvlc tvkoc kvmungx vshaungx nuiyc tsuingshiq muex murx tvgurc tvkoc tvyoalc yoalx kuex tsuingshiq muex jungx shuiuz. Mvrax lvmx phvnc nuex tvraungx yaq rullungx htenc kuex gay shec ruiux tsuingshiq honc vyaungc nuiyc tsuingshiq rueq shuimx yaq layx vbac yauk shuimc htenc kvwawc kvroz wvnc tvkoc tsuingshiq muex jungx shuiuz.

JEREMIA 27:12

Ngaz rueq kvrulc rv-ngvlc Yuda Hokhvmx Zedekia muex, “Babelon hokhvmx waz kvjaz kuex tay phvnx shuiuz. Piq nuiyc piq miqsaz muex shuimx kaz kuq shuiuz, ngoz ruiux mnoz kuex tvraungx httax lvp tuiux.

JEREMIA 34:17

Kvkhoc rvtueq, mnoz rueq ngvy kvjaz tay phvnx muq; mnoz rueq Israel miqsaz vdvmz dvmz muex muinz dungc wvnc vkhangx kuq muq ngoz tueq ngaz, Yehowa rueq jungx vshaungx. Pinhtumc vhvlx, kvkhoc ningkhvnc nuex ralx rvlungc maq muinz, vmac vtsac maq muinz, khvmx vrvmc maq muinz vthueyc vsuimz rvwvnc yaq dungc wvnc vkhangx kuex ngaz rueq mnoz muex kuq phaungx. Ngaz rueq mnoz muex tvdung kuq phaungx kuilc daz jamjaux maq mungkawx wawc mungtan ruip rawx muex ngaz rueq tvhiz sungx shaungx rvtueq.

JEREMIA 36:23

Jehudi rueq luik htvlx vthuimx bvlic khvnc tanc dvyx wvl lot tueq nuex, hokhvmx waz rueq yaung siz saz maq luik tul kvruex gvnz vtueq wvrkez mungx kvyuq tuip gay tueq. Piq rueq luik wvtul tuimx tvkhamc jauk gay tueq.

JEREMIA 43:2

Kvruex yimaq Hoshaia saz Azaria, Karea saz Yohanan nuiyc vganc thuinz vyungx jix hez rueq ngaz muex ngoc, “Mnoz vrot ruez vtuiux. Yehowa naungshiq Tishox rueq Ejip mungx nuex httax kaz muq mruez kueq ngoz tueq nuiyshiq muex jungc kuy tvkoc mnoz kuex tvkaz kv-phux rvmuq.

JEREMIA 8:3

Ngaz rueq tv-phvlc nyvnc gay tauk hong htenc wawc thueyc muq kvjungx yaq jix, vruex layx bac miqsaz htenc kuex tsuingshiq vtvraungx httaz ngoc mvnx vthueyc kay kuex jvnc vtueq roc wuez shuex. Ngaz, Tvphaungc Tvsuip Yehowa rueq jungx vshaungx,” ngoz tueq jungx tueq.

AJONJÜ 1:14

“Vpiq rueq ngvy mvrax htenc lotlaz kuex tvtsuingc taq ruiux kvruex lotlaz kuex vdvmz nuex khvrc taq gay tueq; Vpiq rueq kvruex htenc kuex ngvy duingx tvroz nuex pauk kuy ningkhvnc nuex, ngaz kuex mvrax gurc liq rueq hungc vlaungc nulx wvnc vtaungx. Taungjix rueq ngaz kuex ralx yauk nuex lekuq gay phuex ningkhvnc nuex, ngaz rueq tsuinghez kuex tvgawx lot juing vguez shex.

AJONJÜ 2:17

Tvsuip nuex Yehowa rueq vshuimc tvkoc dvnc tueq yauk shuimc kuex shuimx tueq: Mvnnuex maq phuex naungshiq muex honc jungx kuq phuex rulc rv-ngvlc naungshiq muex menjenc muq maq, tvbac gay tueq. Vpiq rueq naungshiq ralx htenc muex tvtaungx gay lvmz kuq tueq, naungshiq dvy wvnc tiq kvraq tsuingshiq muex kokez juing kuq tueq.

AJONJÜ 5:5

Loze rvmuq ngoz ruiux kamel htenc ikhoc tvyuz tvbaz yurc gay rvhumc vtix, nuiyshiq hunnyex vtix, yuq muinz nyec tvkuiyq lvp miq.

DANIEL 4:37

“Majuiuc kuex, ngaz, Nebukhadnezar rueq, raungmungx Hokhvmx waz ngauz vngax kuex tvtsanc nganc, tvtsvmc kvmc vshaungx. Vpiq rueq shuimx wvnc tueq phvnx ruip saz kuex vlvmx nuiyc tsuingrux yaq ningkhvnc nuex vpiq rueq ngamc vngax maq shuimc vkay jix ukhaq muinz tvruinc rvgay yaq,” ngoz tueq.

AMO LUIK DVP (AMOS) 2:14

Vyuz lvwvnz hvlc jix doc muinz yuz lvp tuex rvmuq; hungc vlaungc httaz hvlc miq htenc tsuingshiq hungc vlaungc htumx wvnc tuex, nolaungx bix muinz tsuingshiq thuiuzthuic kvpalc wvnc lot tuex rvmuq.

AMO LUIK DVP (AMOS) 3:1

Israel miqsaz lex, nuimshiq nuex seng vtueq Yehowa rueq jungx tueq vruex bomjungc vmuinz, vpiq rueq wvphvnx tuimx Ejip mungx wawc shvlx wvnc tueq kvmuinz tay wuez shuinz:

AMO LUIK DVP (AMOS) 3:2

“Ghaq htauk nuex httax yaq miqphvnx lotlaz wawc, nuimshiq phvnx shiz dvyx ngaz rueq tuiuz vtueq tuimz guimz wvnc phaungx. Kvruex kuex nuimshiq mvrax htenc kvmac pinhtumc kvhiz juing httax yaq, kvkhoc rvtueq ngaz rueq kvruex tvkoc nuex nuimshiq muex murx tvgurc phaungx.”

AMO LUIK DVP (AMOS) 5:13

Kvkhoc rvtueq, vkhoc honc vbac vkhing nuex kuiyqshuik dvyx httaz kuex miqjat lat yauk shuimc muex yaungx yaq nyix!

Mikha 2:1

Vrot vkaq jungc jix nuiyc layx vbac kvmungx jix tvkoc kvruex kuex mtanc kvhiz juing wuez! Tsuingshiq kuex vkhangx dung wvnc yaq rulc vdvmz, raungnvp raungwuix wvnc ruiux yuq tsuingshiq rueq kvmungx yaq layx vbac phvnx kuex shuimx wuez yaq.

Romans 16:4

Tsuingshiq kuex ngvy tvkoc nuex miqmac khux maq khvmc vtueq shuimc kay jix rvtueq. Tsuingshiq muex ngaz rueq dvyx rvmuq Pungnuk phvnx wawc phungc miqsaz htenc rueq muinz kejux vyungx ngoz yaq.

Ephesians 5:16

Majuiuc pat kuex vbac pat ningkhvnc nuex nuimshiq rueq lvp taq tuit vkhangx kuex vhvlx waq vjux httax laz juing shuimx kaz wuez shuinz.

TRI CHONGKE 28:48

Kvkhoc rvtueq nuimshiq khvt tvkoc Yehowa rueq vtvkaz ralx hez muex shuimx kaz kuq shuinx; kvkhoc rax wvnc tuex phvnx ruip saz nuex phuiuz laung, svy laung, svmc laung maq phaungc vtueq kuilc daz wvnc tuinx. Yehowa rueq nuimshiq tvbac gay nuex httuiuc laz nuimshiq kuex tuinghtuing gay kv-phuinx.

James 2:13

Yvmx khoc lac ngoz ruiux lec Tishox rueq menjenc thuinz vguez jix waz muex menjenc thuinz vguez maq phox kuq shuex: yuq muinz menjenc kuy lvmx rueq vphoc rvyaq kuex taungx gay lot yaq.