Mikha 2:4 - Hawa Naga Bible 2001

⁴ Kvkhoc vkhing httuiuc wvnc tuex nuex, miq htenc rueq nuimshiq jamjaux kuilc daz kuex bomc tv-ngvlc maq jungx wuez shuex, tsuingshiq rueq nuimshiq rvhumc wvnc tuit kuex vkhoc yonzyex shic vngoyc maq shix wuez tuex: Naungshiq kuex tvsawc ric bac wvnc vtix ix! Yehowa rueq naungshiq ghaqphux kuex lvmz gay vtueq Naungshiq lvp wvnc jix hez muex kuq gay tueq.”

ASII LAKDAP Bible (BSI)

⁴ Kra ümningthoi akhing saü wan raüjaq. Nanok raq ümrilung chamchao kra chong raüta, ümnaq slailii shi akha mishi nge, Nashiq thumkai she! Tatiwe raq nahiq nara nyea wanto she. Raüta najaqtinok ma likuqbaiqto she Naishiq ka maiq shumwi lishe”

Mikha 2:4 Referencias Cruzadas

2 SAMUEL 1:17

Dawid rueq Sholu nuiyc vsaz Yonathan tvkoc vkhoc yonzyex shix tueq,

2 KAÜWA WERAÜ 35:25

Shvmmax Yeremia rueq Hokhvmx Josia tvkoc vkhoarc shic ruilx shiz kuex tvkuiux wuiyq tueq. Yalxjuik miqwaz vshic jix htenc rueq Josia thueyc kaz koq tueq yonzyex mvhttarc tvyaungc vruex shic kuex shix wuez tueq. Kvkhoc shic ngoyc kuex Israel miqsaz htungx muex yaungx wvnc tueq. Kvruex shic vngoyc kuex tvtsuingc taq tueq yonzyec luik nuex khiz vshix.

YOBA 27:1

Ngaz muex tvrac vlvmz kuq muq waq nuiyc ngvy rullungx kuex vkhuip vkhaq httax laz tvyaungc phuex vtvraungx httax yaq Tvphaungc Tvsuip Tishox nuex ngaz kvtuemc vtaungx,

ISAIA 14:4

Vpiq rueq vkhoc ruez ruiux yuq, tsuingshiq rueq Babelon hokhvmx muex shummarc vtueq vkhoc ngoz shuex: “Guirguenc jix hokhvmx waz kuex dvy kaz shex! Piq rueq ukhaq muex muinz mkaq muinz tuinghtuing gay shuex rvmuq shex!

ISAIA 24:3

Ghaq kuex rvthuip rvkhvt bac wvnc tuex. Kvruex kuex Yehowa rueq jungx tueq kvkhoc yaungx wvnc tuex.

ISAIA 6:11

Ngaz rueq, “Taungjix lex, mtanc nuex httuiuc laz vkhoc yaungx wvnc tvnx?” ngoz tueq wiz tauk. Vpiq rueq, “Ghaqyungx htenc bac wvnc vtueq sawc ric yaungx wvnc tuex nuex httuiuc laz, yuimx htenc kuex kuiyqshuik kuiyq shix yaungx wvnc vtueq, ghaq kuex sawc riric phaq tvwawc gay shec shuex vkhing nuex httuiuc laz rvtuex, ngoz tueq tvralc phuex.

JEREMIA 14:18

Ngaz tvnx vnax htenc nuex khuemx kaz koq tueq, ralx nuex vthueyc miq maungx htenc kuex ngaz rueq khiz tauk; ngaz miqghaq htenc nuex kaz koq tueq, khvmx vrvmc thuiuz rueq vthueyc miq maungx htenc khiz tauk. Shvmmax bix nuiyc shomc waz bix rueq tsuinghez yauk shuimc kuex tvhttoarc vtueq shuimx wuez yaq, yuq muinz tsuinghez rueq yvmx wuez shuimx yaq nguinx tuiuz wuez muq,” ngoz tueq.

JEREMIA 4:13

Lawc shuinz, ralx htenc kuex phuemx ikhoc kaz yaq. Tsuingshiq nolaungx renc htenc kuex raungguil tul ikhoc, tsuingshiq mvre htenc kuex lawx saz htauk nuex muinz vphaq lanc yuz yaq. Naungshiq sumx tiq shex! Naungshiq kuex vphoc rvhumc tix!

JEREMIA 6:12

Tsuingshiq yuimx htenc wuik vnax htenc tsuingc taungnyuiuz htenc kuex vganc jix kox nuex httuiuc wvnc tuex. Ngaz rueq vruex mungtan wawc miq htenc muex murx tvgurc shaungx.

JEREMIA 8:10

Kvkhoc rvtueq ngaz rueq tsuingshiq wuik vnax htenc kuex vtaungjix vnyalx yauk nuex kuq gay shaungx; tsuingshiq juik nyuiuz tamx kuex vganc miq muex kuq gay shaungx. Vyungx vruinx miq pumz tek vtueq tsuingmuq ruxmuq lvmx maq kuimphox thuiyc hung wuez yaq. Shvmmax bix nuiyc shomc waz bix rueq muinz miq laulawc wuez yaq.

JEREMIA 9:10

Ngaz rueq, “Kuz vkanx htenc tvkoc ngaz yonzyex taungx nyvmx saz remc juing tvkoc khoar taungx, yvmx khoc lac ngoz ruiux lec kvruex kuex httuiz rawk wvnc tueq, washiz muinz kvmaq lvy khuemx muq. Suiux vmanx kung tvruingc muinz tay muq shex; wushawx htenc nuiyc ngvmx saz svl vwvl htenc muinz yuz wvnc wuez vtuex,” ngoz tueq jungx tueq.

JEREMIA 9:16

Ngaz rueq tsuingshiq muinz tsuingshiq jix vwaz tamx rueq muinz tay muq shauk miqphvnx hvlwvl nuex tsuingshiq kuex tvrv-phvlc gay shaungx, kvmaq tsuingshiq kuex tvmaq suip tvbac gay tvkoc tsuingshiq yix nuex ralx daungx ngaz rueq tvkaz shaungx,” ngoz tueq tvralc tueq.

EJEKIEL 16:44

Yehowa rueq, “Yerusalem lex, miq htenc rueq mnoz nuex seng vtueq vruex bomc tvguip kuex: ‘Vnyuiuz ikhoc, yalxjuik saz ikhoc,’ ngoz tueq bomc tvguip shuex.

EJEKIEL 2:10

Vyauk wawc luik tul kuex lanx koq tueq, luik htvlx samx wvguip nuex vwuiyq shec, vyonz vyex vkhoarc vsez tvruingc bomc, vkhoarc vnyerc nuiyc kvbot nyvnx bomc maq vwuiyq shec kuex ngaz rueq khiz tauk.

Yoel 1:13

Shomrawx nuex shuimc lvmc jix shomc waz bix lex, ruiyhec khvy svmx vtueq khoar wuez kuinz! Shomc Yuimx mungx nuex kaz vtueq wvrx taungx yonzyex kuinz! Nuimshiq Tishox muex shomc kuy juing tuiz vtsvmz nuiyc svpiq tix vguez shex.

Yoel 1:8

Miq htenc lex, yalxrox pat nuex thueyc kaz tueq miqwaz saz tvkoc yonzyex yaq yalxjuik saz ikhoc guyc sez khoar kuinz.

AMO LUIK DVP (AMOS) 5:1

Israel miqsaz lex, nuimshiq tvkoc ngaz shix vtaungx maungx yec shic vruex tay shuinz:

AMO LUIK DVP (AMOS) 5:17

Svpiq sunc htenc nuex muinz vkhoarc vnyerc kuex httax tuex. Vkhoc phvnx lotlaz yaungx wvnc tuex yvmx khoc lac ngoz ruiux lec ngaz rueq nuimshiq muex murx tvgurc vkhing httuiuc wvnc tuex,” Yehowa rueq jungx tueq.

Mikha 1:15

Maresha miqsaz lex, Yehowa rueq nuimshiq ghaq kuex ralx yauk nuex lekuq gay shuex. Israel vyungx vlaungx bix kuex Adullam nuex httax yaq lungshaung nuex kaz wvnc wuez vtueq kvhttuiyq httax wuez tuex.

Mikha 1:8

Kvruex yimaq Mika rueq, “Vruex ningkhvnc nuex ngaz kuex yonzyex vtueq kvbot nyvnx tauk. Ngaz yonz vtaungx kuex tvkhic tvkoc yapaungc vguez nuiyc sawkumx maq khuemx taungx. Ngaz kuex shoalx ikhoc sauz vtueq wuz kula-uk ikhoc thuiz taungx.

Mikha 2:10

Kvtenc vtueq kaz kuiuz; vruex yuq kvwungx juing yvmx muinz vguez. Vruex baung bac wvnc tvkoc nuimshiq rueq shuimx vshuinx mvrax htenc kuex vphoc rvhumc vtuinx.

HABAKUK 2:6

Ralx sumx jix rueq ralx taungx jix muex nanxroc nanxsac maq tsuingshiq kuex ngoz ngax shummarc shuex. Tsuingshiq rueq, “Mnoz guimz muq kuex mnoz rueq lvmz toq, yuq muinz mnoz kuex vphoc rvhumc vtuiux! Nuimshiq rueq khac thoz tvhiz sungx ikhoc maq mtanc nuex httuiuc laz luiz waungx tix ngoz tueq lac tvmaung vshuinx?” ngoz tueq ngoz wuez yaq.

JEPHANIA 1:2

Yehowa rueq, “Ghaq htauk nuex httax yaq phvnx ruip saz rvtueq,

WEAWEA 23:18

kvkaq Balam rueq rawshvmx kvjaz kuex vkhoc jungx kuq tueq: “Zippor saz Balak, ngaz kox nuex kaz loq, Ngaz rueq jungx shaungx kuex tay shuiuz.

WEAWEA 23:7

Balam rueq vruex rawshvmx kvjaz kuex vkhoc jungx kuq tueq: “Moba hokhvmx waz Balak rueq Siria mungx nuex httax yaq Shaldungc kox kanx htenc wawc ngaz kuex gvl laq phuex. Piq rueq, ‘Kaz loq, Yaku suiuz vsaz htenc kuex httonx tvmx shuiuz,’ ‘Kaz vtueq Israel miqsaz htenc kuex yomnamc gay shuiuz,’ ngoz tueq jungx phuex.

WEAWEA 24:15

Kvruex yimaq piq rueq rawshvmx kvjaz kuex vkhoc tvlvy jungx tueq: “Beor saz Balam bomjungc kuex vkhoc rvtueq, Miq rueq jungx yaq kvjaz kuex uraq lac rvkhauk laz khiz lot shvnx,

WEAWEA 24:3

piq rueq rawshvmx kvjaz kuex vkhoc jungx kuq tueq: “Beor saz Balam bomjungc kuex vkhoc rvtueq, Miq rueq jungx yaq kvjaz kuex uraq lac rvkhauk laz khiz lot shvnx,

Mark 12:12

Yuda walaungx bix rueq Yesu kuex lvp tvkoc hung wuez tueq, yvmx khoc lac ngoz ruiux lec bomc tv-ngvlc vruex kuex tsuingshiq nuex tvhungx vtueq ngoz kuq tueq kuex tsuingshiq rueq tuiuz tueq. Yuq muinz tsuingshiq kuex mungx miqsaz muex hiz ningkhvnc nuex vpiq kuex gay shec ruiux dung kaz wvnc wuez tueq.

TRI CHONGKE 28:29

Raungnuiyq shalhtungx nuex doc muinz tsuik ruik mvlx rawx buinglez bawlez khuemx yaq muik mawz jix ikhoc nuimshiq rueq lvmz kuex thuiyx ruiux humc muit yaungx tuinx. Shuimx kaz shuinx htenc kuex lvp luz shuinx rvmuq. Nuimshiq kuex tuinghtuing gay rvhumc vtueq vguirc vguenc nuiyc yauk laungc yalawx dvyx rvhumc tuinx, nuimshiq kuex uraq muinz romc kuq kv-phuinx rvmuq.