Mikha 2:4 - ASII LAKDAP Bible (BSI)

⁴ Kra ümningthoi akhing saü wan raüjaq. Nanok raq ümrilung chamchao kra chong raüta, ümnaq slailii shi akha mishi nge, Nashiq thumkai she! Tatiwe raq nahiq nara nyea wanto she. Raüta najaqtinok ma likuqbaiqto she Naishiq ka maiq shumwi lishe”

Hawa Naga Bible 2001

⁴ Kvkhoc vkhing httuiuc wvnc tuex nuex, miq htenc rueq nuimshiq jamjaux kuilc daz kuex bomc tv-ngvlc maq jungx wuez shuex, tsuingshiq rueq nuimshiq rvhumc wvnc tuit kuex vkhoc yonzyex shic vngoyc maq shix wuez tuex: Naungshiq kuex tvsawc ric bac wvnc vtix ix! Yehowa rueq naungshiq ghaqphux kuex lvmz gay vtueq Naungshiq lvp wvnc jix hez muex kuq gay tueq.”

Mikha 2:4 Referencias Cruzadas

2 SAMUEL 1:17

Dawit raq Saul nai ase Jonathan majo jümiishi ka ara shingeto.

2 KAÜWA WERAÜ 35:25

Shammiwe Jeremia raq Hokhamwe Josia maaho ajonjü bom waiqto. Israil mungti ashi angeti ma, jechakre lo kiimaq maiqwere lo ma ümtiikiiwa tsangshiq raq apaiq majoke shinge tlaq, kra akhing na ara shinge ka thunglai miishe jakito. Ara shinge arka ajonjü lakdap na riichom waiqthü damto.

YOBA 27:1

Ngi raq Ningkun Ajong Shiikeawe ma ikha riikhaqli phokuq mak kha maq irilung ka akhapwiq ma tiijabaiqtiwe mang chong liita tiitum tiikang—

ISAIA 14:4

Ümtiikiiwa apaiq raq arshe klojiiq, raüla tsangshiq raq Bebilon hokhamwe ka akhiishe mislailii wan: “Abi pinthum hokhamwe ka deawato she! Apaiq raq maiq ka ji maq nishishi jumin jamsha wan lot mak she miraq!

ISAIA 24:3

Hiq ka wiita bunlak buncha mitiithenbaiq. Raüta miqchup mitiithenbaiq. Tatiwe raq ngutlo. Arka mihong wan dongdii.

ISAIA 6:11

Ngi raq waikang, “Tati lei, riita akhiika ümtincho na saüli wa misi?” Apaiq raq treto, “Chela thun ka tiithenbaiq raüta shaqmii she miraq. Maiqjam phong na maiq ka asiti jumin ahü she miraq. Armung ka hiqmiq changkhü ma tiijali she mitiithenbaiq.

JEREMIA 14:18

Ngi ka wakram kiina kikang jiila, re raq ajiipbaiq maiq maa phong kra chhitiikang, ngi chela thun kiina kikang jiila, maiq thun ka ramtsi raq atsai wan miiqmiiq kli chhitiikang. Shammibi nai ramwebi ka tsangshiq maiqmii jaqsham na motlo, shatmaq tsangshiq riika jamlaiwa shamtlaq kriimin sap mak.”

JEREMIA 4:13

Liironglaq, rewe ka phum pong wan tlaq ikha saü wantlo. Apaiq rekhat chang kumrang leng phong ka atro rathaiq ikha saü wantlo. Kiimaq apaiq kumrang kong thun ka liihawe kaütiim bitlaq nam miimin aphiq lin. Nashiq ha miqkai she! Nashiq ha michup thumkai she!

JEREMIA 6:12

Tsangshiq jam awak thun ka maiq ahinti miishe mili kuq baiq wan. Krai mren tsangshiq wak ajam thun nai tsangnyungtiim kiimin wiita mikuq baiq wan. Ngi raq armungti ka ninta she mitsat ha.

JEREMIA 8:10

Kra ningkhan Ngi raq tsangshiq wak ajam thun ka maiq anyeti miishe mikuqha. Kiimaq tsangnyungre ka maiq ahinti miishe miromkuqha. Maiq angu tarü, ajong aran wiita lotli raq, piikii lam na kampho ka arot akiq lam maq lap wan kriili rittlo. Shammibi nai ramwebi raq dongdii min mungmaiqse ka arot chong raüta laoliitlo.

JEREMIA 9:10

Ngi raq ngukang, “Ngi raq pum thun miitu majo mihoqha kiimaq nyamse rümchang nyiimlung rii miitu mihoqha, jamkhano ngukla kriithun ka wiitashe shinkito, kiimaq kriithun lam maq maiq jumin khummak she. Nyamse kong trang ka ahü she; wushi thun nai rumnyamse thun wiitashe pinwanto.”

JEREMIA 9:16

Ngi raq tsangshiq ka maiq pong mungti thun mung luhea na, tsangshiq riimin sapmak kiimaq tsangtitiim riimin sap mak, mangtang ramangnok mung niishe munglu shumwikong ma mitiitsuq wanha. Lata ngi raq tsangshiq ka tiithumpak mitiithen baiqha shaq wiiwii, chiqse rewe pahea tiiki lata tsangshiq ka mitiikhat wanha.”

EJEKIEL 16:44

Tatiwe raq nguto, “Maiq raq ara bom tiihap hong armaq, Jerusalem lei ümrilung ka mithapthi, ‘Anyung jamkhiiwa ase min kiikha.’

EJEKIEL 2:10

Kra maiq jaq raq lakdam komse kra linto. Kiimaq kra lakdam komse niika siimko nai wiita na waiq reaje siisaq chhikang. Kiijiika tsanbi hosi bomtsi waiqto kiimaq ajü amii agi asii hotrang kiimaq agam agu trang bomtsi riito.

Yoel 1:13

Ramwebi lei, wunthaü riinaü khea sam lanta hoqtrang ronglaq, namshiq berongwacha na jaqshamti ramwebi lei, hoqtrang ronglaq! Warong ra Shomjam mong na Shiikeawe kolibi lei rawa minru! makphai khüshang hoq lanta, mra tiidii wan achujaü ronglaq! Ümchaü sanha, namshiq Shiikeawe jam na, wongrai honglu nai spiq tai honglu ke chang min ahüshe.

Yoel 1:8

Hoqtrang ronglaq junrii wahüse, awese apaiq waitiwe kra tsaiki raüjaq hoqtlaq ikha, wunthaü riinaü khea samlanta, majo hoqsiq rong laq.

AMO LUIK DVP (AMOS) 5:1

Riita, ija, Israilnok lei, ümchaü san ngi raq namshiq ma mahoshi ashi shikuq pha. Namshiq raq ara samhea tiitsang tairong laq:

AMO LUIK DVP (AMOS) 5:17

Spiqtsiro tiikham raüta mahowa tranglishe miraq, jaro akha miraq, ngi ka namshiq tiichamchao kai she kitiikang,” nguta Tatiwe raq ngutlo.

Mikha 1:15

Maresha chelati lei, Tatiwe raq namshiq ka, rewe jaq mong niishe mikuq baiq. Re raq namshiq chela kriishe mikhat wan. Raüta mijii wan, Israilnok ajong alabi thun ka, tsangshiq chiim jin, Adullam longsha mong niishe mitiipaü wan.

Mikha 1:8

Mika raq nguto, “Arningkhan maaho maanyi hoqsii tiikang, Tsanbi hosi tsiq ma, khu akhea nai hokpa chhut lata, kheahü chiiheawea na mikhumha, Miikakoikaü ikha agilülü mihoqsiqha. Wuthon kaü ikha, agam agu mihoq siqha.

Mikha 2:10

Tiido ronglaq! lanta namchiim jintlo ronglaq. Namshiq chapngachang ka ajaq ahüshe. Namshiq maiqmii thiikho thülan, kiijiishe midea wan han. Lanta laimiq ümwa wan han.

HABAKUK 2:6

Munglu rewa wanshanok raq, tsangshiq tijongnok ka akha mislai wan, “Namshiq raq maiqjaq wa, anyea wan han tsiiq nai nyam tum, namshiq raq phaqsiq lap man mithen han! Namshiq thiitham ka maiq ma tiitham wan lanta, ümloq na saüli wa chiithe ma mija han?”

JEPHANIA 1:2

Tatiwe raq nguto, “Ngi raq mangjong hiq wa, phanrap tlotli mitiithen baiqha.

WEAWEA 23:18

Kiimaq Balaam raq riisham bom ka akha chongto: “Wara, Jippor se Balak lei, Laüta ngi raq jamlai wa chongtiikang ara tailaq.

WEAWEA 23:7

Balaam raq akha riisham bom chongto: “Balak Mob mung hokhamwe raq ngi shea wato Siria mung wa, shedong mung pum tonglong hiq wa. ‘Kira laüta ngi miitu chonglaq,’ nguta apaiq raq nguto. ‘Laüta Israilnok mung thaq na mansonlaq’

WEAWEA 24:15

Raüta apaiq raq ara riisham bom chongto: “Beor se Balaam raq achong riisham bom, khangriri hea chhitiwe bomtsi,

WEAWEA 24:3

Kiimaq apaiq raq ara riisham bom ara chongto: “Beor se Balaam raq achong riisham bomtsi, Maiqwe ashi raq raq khangriri hea chhitlo,

Mark 12:12

Kra manphan kra tairaütiishe, Jehudinok welabi raq, Jesuq raq tsangshiq kra shiitonto ngutiishe takto. Krai mren, tsangshiq raq apaiq ka alap chang nguta tanto. Shatmaq, tsangshiq ka mungmaiqse ma ahai riito. Kriikha maq tsangshiq ka apaiq tho wa ahin niishe tiido wanto.

TRI CHONGKE 28:29

Ümniika ranaiq shethungpii niimin, makchukwe ikhli mangli miili mirhaü. Kiimaq ümniiraq maiqmii khum chang lam kriimin humphaq maü mirhaü. Ümniiraq ümchuwa minshiiqtlaü ka achu shiiman ahü miraq. Ümniika wranaiqshe maiq raq nan shan shan li mijam sha. Raüta thiimeaq daku raq mitek phaq. Kriiwa ümnaq khrumketi ka jumin ahü miraq.