Mikha 1:16 - ASII LAKDAP Bible (BSI)

¹⁶ Juda mungti lei, Namkhu siikeakea silanta, liitii khupo ikha kealoklok tiisibaiq laq, lanta namsetiim miitu hoqsiq ronglaq. Jamkhano ngukla namsetiim ka shumwi miishe mitsuq wan.

Hawa Naga Bible 2001

¹⁶ Yuda miqsaz lex, nuimshiq rueq lungwawx vshuinx sahez tvkoc khux sulx vtueq yonzyex wuez kuinz. Nuimshiq suiuz vsaz htenc lvmx luz mungx nuex thuq laq wuez vshuex ningkhvnc nuex nuimshiq khux kuex lawx tawx khux ikhoc tvsawc gay shuinz.

Mikha 1:16 Referencias Cruzadas

2 HOKHVMX 17:6

kra rawii ka Hoshea raq mung lang wan li maq wiitiikaü she angu na, Asiria mung ajong hokhamwe raq Samaria chela ka khat raüta jiito. Raüta apaiq raq Israilnok ka munglu shumwi kong ma Asiria mung na tsuq wanto. Raüta tsangshiq ka wiijam ka Hala chela niishe tiishongto. Kiimaq maiq wiijam ka Gojan wang na Habor Rai kii tan na tiisito. Kiimaq wiijam ka Media mung na chela thun na tiisito.

YOBA 1:20

Kiijiishe Job ka tiidopot chapto kiimaq atsanbitsi ma adü wa akhea ka chaibaiqto. Raüta akhu ka loktam sibaiqto. Raüta hiq na kusaq bumkito.

ISAIA 15:2

Dibon chelati ka hiq lam thaq kiina sumla noqchang asi hiqba kiijaq maaho wa wawanto. Mob mungti ka Nebo chela nai Medeba chela thentaq kra miitu majo agi lülü hoqsiq trangtlo. Tsangshiq tsanbi hositsi ma maajo tsang khu thun ka loktam sibaiqto. Kiimaq tsang nübin kiimin maajo tsanbi tsi ma sibaiqto.

ISAIA 22:12

Ajong Thaq Na Ajong Pinthum Tatiwe raq kiitiikaq maaho manyi hoqsii ronglaq kiimaq namkhu ka loktam sibaiq lantea, wunthaü riinaü khea samlanta hoq ronglaq nguta hea wanto.

JEREMIA 16:6

Armung wa chiithe maiqse nai miitsan maiqse thun ka wiita mitsai. Shatmaq tsangshiq maaphong lapti maiq ka ahü miraq. Kiimaq tsang maa joti maiq ahü miraq. Maajo tsanbi tiichhi tsangshiq dü na tiimi hanti riimakla tsangkhu kra loktam maq si raüta maahoketi maiq jumin ahü she miraq.

JEREMIA 4:8

Arningkhan wunthaü riinaü samtong samlanta agiliilii hoq ronglaq, jamkhano ngukla Tatiwe tsankhiq ka Juda mung khuthaq wa jang wan mak dea.

JEREMIA 47:5

Gaja chela na siti ma aho ajü jonghea saüto, kiimaq Ashkelon chelati ka kaiqshak shak she. Philistain mungti chela ahinti raq ümtincho na saüli wa mihoqsiq?

JEREMIA 6:26

Tatiwe raq asenginok ma akha ngutlo, “Namshiq ka wunthaü riinaü khea sam ronglaq. Lanta tapkhu ka namkhum na nyat lantea maaho manyi sironglaq. Namse seshilaq laq se maiqwe se tsaiki raüjaq jamkho hoqtlan ikha hoqsiq ronglaq. Jamkhano ngukla namshiq khatkaiti re saüho tlaq kriika tiihanghiiq miilishe misaüki. Raüta namshiq ka mikhat wan.

JEREMIA 7:29

“Maaho maanyi hotrang ronglaq, Jerusalem lei; namkhudap ka tap lantea baiq ronglaq. Hiqlam thaq thun na majo shinge ronglaq, jamkhano ngukla, Ngi namshiq Tatiwe ka tsankhiq, krai mren isenginok ka tiishaübaiq kang she.

AJONJÜ 2:19

Waruru tiidokiki laüta, Tatiwe man na hoqsii wan laq. Laüta ümsetiim miitu, ümtsan tsii ka bunki namnam, Tatiwe jaq wa tiikhup wongkuq liidea, nguta achu jaü laq. Nosere ram raq chiiheawea lam jong na, küram liira jiim wanto!

AMO LUIK DVP (AMOS) 7:11

Amos raq akha tiithai maitlo, ‘Jeroboam ka re na mitsai. Israil mung ka tsang mung wa munglu shumwi ma, pongmung na re raq mitsuq wan,’”

AMO LUIK DVP (AMOS) 7:17

Riita ara ngutlaü arkha na, Tatiwe bomtsi ara tailaq. Tatiwe raq akha ngutlo: ‘Ümjamti nyung ka chela na mephe-nyung miishe mija wan. Ümsetiim maiqwesere nai jechaksere ka, re raq mitsat baiq wan. Ümhiq thung ümram bin ka, nammung jiiwantinok riishe mirchum wan, raüta tsangshiq riishe mishamsiq wan. Kiimaq ümniika pongmung niishe mitsai haü. Kiimaq Israil mung ka pongmung na, rewa munglu shumwi miishe, mitsuq wan,’” nguta Tatiwe raq ngutlo.

AMO LUIK DVP (AMOS) 8:10

Kra akhing na namshiq peo poi shinge ka, maalap maaho majü ma miklai baiq ha. Maaho jümii namkhu loktam silanta, wunthaü riinaü samhong samlanta, ase sekhuq laqlaqse tsaiki raüjaq, anyungwe hoqsii tlaq ikha, mitiihoq pha. Kra thum wan ka jamlai ranaiq maq thichang min riimak she.

TRI CHONGKE 28:41

Ümsetiim maiqwe sere nai jechaksere ka asi miraq. Shatmaq tsangshiq ka ümjam kun wa amo mirki. Jamkhano ngukla tsangshiq ka munglu shumwi kong ma pong mung na mitsuq wan.