NEHEMIA 5:9 - Hawa Naga Bible 2001

⁹ Kvruex yimaq ngaz rueq, “Nuimhez yauk shuimc kuex vyaq! Nuimshiq rueq Tishox kvjaz kuex tay phvnx vtueq vlvmz yauk shuimc shuimc aungx yaq. Naungshiq kuex shummarc lauk kaz ruec tvkoc naungshiq ralx hez nuiyc Pungnuk miqsaz htenc yauk nuex lekuy mvy muq.

ASII LAKDAP Bible (BSI)

⁹ Kiijiishe, ngi raq akha ngukang, “Namshiq raq jamlai wa klo tlan ka ashut! Namshiq raq Shiikeawe aming ka lang chang. Lanta ating arai kra sham chang. Kiikha riihan jiitiq, Pongnok phan maiqse raq, nashiq shummii chang lamlu hummak miraq.

NEHEMIA 5:9 Referencias Cruzadas

RAPHA HIQWA LAK 20:11

Abraham rueq, “Vruex hong wawc miq htenc kuex Tishox muex hiyaz wuez muq, itaungx nyuiuz kuex nyvlc wvnc tvkoc ngaz kuex thvt gay phuex, ngoz tueq tvmaung tauk.

RAPHA HIQWA LAK 42:18

Raungnuiyq thuimx vngoz nuex Yosep rueq tsuinghez muex ngoc, “Ngaz kuex Tishox muex hiyaz tvtsanc nganc jix waz rvtauk, nuimhez rullungx tvraungx lvp tvkoc vkhoc rvshuinz.

2 SAMUEL 12:14

Yuq muinz mnoz rueq vkhoc shuimx kaz vtueq Yehowa muex wvlc guez waqguez yauk shuimc tvkhic kuq toq ningkhvnc nuex msaz kuex vthueyc rvtuex,” ngoz tueq jungx tvralc tueq.

NEHEMIA 4:4

Ngaz rueq vjux thoz tauk, “O Tishox lex, nuiyshiq muex shummarc ngoz ngax yaq kvjaz kuex tay shuiuz! Tsuingshiq rueq ngoz ngax yaq kvjaz kuex tsuingshiq khux htauk nuex tvdvy kuq shuiuz. Tsuingshiq nuex httax yaq phvnx ruip saz kuex vnyvlc wvnc rvhumc vtueq, pungmungx nuex thuq wvnc mrvhumc kueq.

NEHEMIA 5:10

Ngaz rueq mungx miqsaz muex kuimphox nuiyc tuiuz vtsvmz kuex khic nvmc kuq vshaungx, kvkhoc rvtueq ngvy kungjix bix nuiyc ngvy yauk shuimc jix hez rueq muinz lvp luz wuez tueq. Majuiuc naungshiq rueq kvruex htawz htuimc kuex tvyez thoz wuez miq lawx.

NEHEMIA 5:15

Ngaz rueq max shuimx shauk kungkhux nuex mungx walaungx yaungc jix bix rueq kuex mungx miqsaz muex gurc liq tvgurc wvnc tueq, mungx miqsaz kox wawc lvmx svy nuiyc svpiq tix laung nuex nuiyq shiz nuex kuimphox sawx rok bvlic thoz tueq. Tsuingshiq nvrc waz hez rueq doc muinz mungx miqsaz kuex tuinghtuing wuez tueq. Yuq muinz ngaz kuex Tishox muex tvtsanc nganc jix ningkhvnc nuex kvkhoc kuex ruez rvmauk.

Tvtsvmc 90:11

Mnoz luimc vkawc mvrc yaq thuinkhvy kuex ukhaq lac rvhumc wvnc tvnx? Mnoz tsanc hvlc thuinkhvy kuex mtanc lac tvhiz yaz yaq nguinx kuex uraq lac tuiuz yaq nguinx?

TAKSU LAK 16:29

Yauk laungc yalawx thuinz httax yaq miq htenc rueq tsuingshiq kungjix htenc kuex laulawc vtueq, vjamz vjaux lvmx nuex shvlx wvnc yaq.

TAKSU LAK 17:26

Mvrax kop muq miqsaz tsaungc kuex vlvmz aungx muq; miq hvlx jix muex murx tvgurc kuy kuex tvrac vlvmz wawc tvyaq wvnc yaq.

TAKSU LAK 18:5

Mvrax vhttax waz htvlx phawc kuex lawc mvy muq, mvrax kop muq waz muex phox kuq ruiux yuq tvsumx kuex mvy muq.

TAKSU LAK 19:2

Thuinz tv-phez yaq nuex phaqjic lomx muq ngoz ruiux yvmx vjux muinz kuq muq, nanx lot muq rueq vkuilc vdaz juing nuex shvlx laq shuex.

TAKSU LAK 24:23

Wvtharc jix miq htenc rueq vruex lvmz htenc kuex jungx wvnc tueq shex shvmx: Phoc waz rueq htvlx phawc thvl httauk kuex vyaq rvtueq.

EJEKIEL 36:20

Tsuingshiq kuex baung ruip saz nuex rv-nyanc kaz wvnc koq tueq, ‘Vruex hez kuex Yehowa miq rvtueq, yuq muinz tsuingshiq kuex vpiq mungtan wawc kaz wvnc wuez vtuex,’ ngoz tueq miq htenc rueq ngoc ngac ningkhvnc nuex, tsuingshiq rueq ngvy vsawc muingc kuex tvyvlc sac wuez yaq.

LEWI 25:36

Piq muex khic nvmc kuq ruiux yuq vlap nauk lvmz kaz, piq kuex mhep nuex httaz tvkoc Tishox muex hiyaz tvtsanc nganc shuiuz.

Acts 9:31

Kvkhoc rvtueq kvruex baunglaung Yuda mungx, Galile mungx, Samaria mungx baung ruip saz nuex phungc miqsaz kuex nomic maq httax wuez tueq, phungc kuex Taungjix muex hiyaz tvtsanc nganc thuinz maq rullungx tvraungx httax vtueq, Vsawc Siyac rueq romc kuy ningkhvnc nuex phaungx ngaungx wvnc ruiux phungc miqsaz htenc paung wvnc tueq.

Romans 2:24

Rumvrc luik nuex, “Yuda miqsaz ningkhvnc nuex Pungnuk miqsaz htenc rueq Tishox muingc jungc kuex shummarc wuez yaq,” ngoz tueq httax yaq.

1 Timothy 5:14

Kvkhoc rvtueq ralx rueq naungshiq lvmz vbac rvjungc muq tvkoc rullungx nosaz mvntix nyuiuz tamx kuex miq muex woz vtueq vsuiuz vsaz humc wvnc ruiux, miqmac yuimx taungx kuex vhvlx waq lawc mawc yaq kvdvyx ngaz rueq raungc raq vshaungx.

Titus 2:5

kenx ririx httaz lvmz, vsawc maq yuimx jungx jix nyuiuz vhvlx yaungx vtueq miqmac taungwaz kvjaz tay phvnc jix yaungc tvkoc tvluingc kuy lot rax, kvkhoc ngoz ruiux jix Tishox bomjungc kuex vbac ngoc ngac jix httax tuex rvmuq.

1 Peter 2:12

Kvmluimx muq miqsaz rueq nuimshiq ngoc honc vbac lvmz shuimc kay jix htenc ngoz tueq tvmaung ruiux yuq, nuimshiq vhvlx shuimc vkay khiz lvp vtueq Taungjix httuiuc kaz yek tuex Raungnuiyq nuex Tishox muex mtvtsvmc kvmc shueq, nuimshiq kuex tsuingshiq htumc nuex nuimshiq honc vyaungc lvmz svp rvp hunghtaungx wuez kuinz.

1 SAMUEL 2:24

Isaz hez lex, kvruex httvr shuinz shex! Vruex Yehowa miqsaz htenc rvjungc phvnc yaq lvmz vkvhiz juing yauk shuimc shex rvtueq!