NEHEMIA 5:9 - ASII LAKDAP Bible (BSI)

⁹ Kiijiishe, ngi raq akha ngukang, “Namshiq raq jamlai wa klo tlan ka ashut! Namshiq raq Shiikeawe aming ka lang chang. Lanta ating arai kra sham chang. Kiikha riihan jiitiq, Pongnok phan maiqse raq, nashiq shummii chang lamlu hummak miraq.

Hawa Naga Bible 2001

⁹ Kvruex yimaq ngaz rueq, “Nuimhez yauk shuimc kuex vyaq! Nuimshiq rueq Tishox kvjaz kuex tay phvnx vtueq vlvmz yauk shuimc shuimc aungx yaq. Naungshiq kuex shummarc lauk kaz ruec tvkoc naungshiq ralx hez nuiyc Pungnuk miqsaz htenc yauk nuex lekuy mvy muq.

NEHEMIA 5:9 Referencias Cruzadas

RAPHA HIQWA LAK 20:11

Kiijiishe Abraham raq treto, “Ngi riika arjiika Shiikeawe shrengti maiq ka ahü sham nguta tiima kang. Kra ningkhan tsangshiq raq ichak kra nyeaho kham ma ngi ka atsea mirbaiq sham nguta tiimakang.

RAPHA HIQWA LAK 42:18

Ranaiq tsam jai miishe, Joseph raq tsangshiq ma chongto, “Ngi ka Shiikeawe ma haiti. Kra ningkhan ngi raq namshiq ka bom poshi khu thaq na seng lata mitiidongha.

2 SAMUEL 12:14

Shatmaq, ümniiraq ara ashut klo laüta Tatiwe ka pinthum shummii laü, kriikha na ümse ka atsai miraq.”

NEHEMIA 4:4

Ara tailata ngi raq akha achu jaükang. “O, Shiikeawe lei, tsangshiq raq naishiq shummii tlaq kra tai liilii! Tsangshiq raq maiq slailii tlaq kra, tsangshiq maiqmii khuthaq niitiq mitiinikhi wan laq. Tsangshiq jaq na jamlai phan wa sitlaq kra maiq raq minyea wan laq, kiimaq chiqse rewe raq ka, pongmung na, munglu shumwi ma mitsuq wan laq.

NEHEMIA 5:10

Ngi raq nanok ma kampho kiimaq rai awong thun tiinam kuq wan kang. Kiimaq ikongtitiim riimin kiikhiisii tiinam kuq wanto. Kiimaq isengi, ijaqsham kewanti riimin, akhiisii tiinam kuqto. Riita, ümchaü min, nashiq tarü raq thiitham thun ka atham jaümaili she thaq baiq rong i.

NEHEMIA 5:15

Ngi ma sinkhu na wanghuptibi siwantaqti thun dunghea wan ka, mungmaiqse ma hekii laihea ashi riito. Tsangshiq raq phaq nai sea miitu kiimaq che miitu, mungmaiqse jaq wa kampho ka ranaiqtek kamsii roqblailai jaü wanto. Kiimaq tsangshiq lukhapbi riimin, mungmaiqse ka shiiteplep raüta jaüphaqsiq wanto. Shatmaq ngi riikaq jaüphaq siq wan mang. Jamkhano ngukla, ngi raq Shiikeawe shreng tiikang.

Tvtsvmc 90:11

Ümtsankhiq walü heng ka juro wiita sapta? Ümtsankhiq moktlaq kriiraq ümtinkhan wa mitiiphiip kra juro saptla?

TAKSU LAK 16:29

Matsaü tsase raq, akongti lamjiq na sheahotlo; raüta tsailam thiikho na tiidea baiqtlo.

TAKSU LAK 17:26

Sepiiti tsasha kriika ajiq pinthum, Maiqshaqti ma mo tiiho tlaq ka, kha ajiq photlo.

TAKSU LAK 18:5

Ajiqwe ka alam ma tiija, alamwe ka ajiq ma tiija, kriika ashut khapho daja.

TAKSU LAK 19:2

Nyan phaqchi ahü maq, hongla rai ka thiihü. Taülaükhiq phephiiq raiti ka, thiikho na dea watlo.

TAKSU LAK 24:23

Taksmabi raq, arthun bomtsi armin chongto: phowe raq maiq ka, tsea tsiiq maimak, kriika ajiq.

EJEKIEL 36:20

Tsangshiq ka ümra mung niiwa wa wantaq kiijaq tsangshiq raq i mang asii khushü ka tiijam wanto. Jamkhano ngukla, nanok raq akha ngutlo, ‘Arnok arka Tatiwe sengi. Shatmaq tsangshiq raq tsang mung ka miimthü chang jakito.’

LEWI 25:36

Apaiq jaq wa amet ka naq jaükiq. Shatmaq Shiikeawe aming kra lang laq. Kiimaq ümkongtiwe Israil phan ka ümjamtho na tiisilaq.

Acts 9:31

Riita, ara chong tiikai arai mren, Judia wang na, Gelili hong na, kiimaq Samaria wang na siti phungtuti thun ka, ahai asong jam min ahü miishe, hansang miishe shongngato. Kiimaq Asii Wenyi jaqkhong maq, tsangshiq raq ningkun lap wanto, kiimaq Tatiwe ka kai shreng raütiishe shongnga wanto. Krai mren, phung na shang wanti maiq ka pawan ruq li she pawanto.

Romans 2:24

Asii bomtsi na, “Namshiq Jehudinok lümaq Pongnok phan raq Shiikeawe ma abi bom tlo,” nguta chongtlo.

1 Timothy 5:14

Arkha maq, ngi raq akha manti-nyungre ka, maiq ma wanong haü jaq riiwe ka ahea miraq nguta tsii chongkuq tiikang. Raüta, maiqmii jamkun mong na, asaü ase hum wan raüta, kiimaq atapkun na kaiq shakshak maq, shonga wan raüjaq riiwe ka, nashiq jaqtibi raq nashiq ma, abi ati shummii bom chang lam ahü miraq.

Titus 2:5

Tsangshiq ka phanrap na maiqmii tiima tsantsii ka, anin raüta thüti riichang. Kiimaq siirairai nyungre riichang. Kiimaq riikhaqli maiqmii jamkun na, shongnyung chaq nyungre riichang. Kiimaq awesere bom taiti riichang. Akha sihaütiq, Shiikeawe tsütsa Ahea chongkuq tlaq kra, maiq raq abi nguta chongsiq mak miraq.

1 Peter 2:12

Namshiq rong arai ka thatsang maiqse maklii na ahea awa, athuk atsom, jam shut ahü maq siraa tlo. Krai mren, tsangshiq raq namshiq ka phanrap abi ati kiimungti nguta shra raü min, tsangshiq raq namshiq jaqsham, asap ada sham tlan kra, shamto dea nguta tsangshiq kiq khii chang ahü miraq. Kiimaq krai mren, Tatiwe saükai akhing Ranaiq na, namshiq dea riikhaqli nguta tsangshiq raq Shiikeawe ka mitiishom raa wan.

1 SAMUEL 2:24

Thaq ronglaq, isenai loi! Arka riikhiq phiiptsi chang ashut kiimung, Tatiwe sengi nokmaiqse raq riichong raitlo!