NEHEMIA 1:4 - Hawa Naga Bible 2001 Kvruex kvjaz kuex tay vtueq, ngaz kuex ngaungc vtueq khoar tauk. Ngaz kuex raungnuiyq loayc hvlc yonzyex vtueq dungc muinz saq mauk. Ngaz rueq Tishox kox wawc vjux thoz tauk kuex, ASII LAKDAP Bible (BSI) Ngi ka ara tsütsa tai lata ngaki kang. Latiishe hoqsiq kang. Ngi ka ranaiq naitsam dung min siq mang maq, makphai trok lata hoq wan kang. Lata Shiikeawe jaq wa akha achu jaü wan kang. |
Dawid rueq nox kvruex hvlc kay tvkoc Tishox kox wawc vjux thoz tueq. Phuiuz vsvy phvnx shishiz phuiuz svy tvkoc muinz piq rueq tvlvlc gay ruiux, wvraungx yayac piq khok nuex nyuip waung vtueq wawx phawc htauk nuex woalc vtueq raungwvrx tvlvy ruiux shuex.
mnoz mthuinz kvlayc vtueq ngvy khaungkac nuex mshauk pumz kuex tvyomx vtueq mkhoz mkhvy htenc kuex juir gay ruiux khoarsez vtuiux ningkhvnc nuex Yerusalem ghaq nuiyc kvyuq httax yaq miq htenc muex murx tvgurc kuy tvkoc ngaz rueq yvmx khoc lac tvhiz sungx tauk nguinx kuex mnoz rueq tay toq. Ngaz rueq kvruex baung kuex vkawc yawc juing muex tvyaungc vtueq, kvruex baung kuex kvtuemc kvtaungc juing bomc pauk muex tvyaungc shaungx. Yuq muinz mnoz vjux thoz bomc kuex ngaz rueq tay ningkhvnc nuex,
(Solomon rueq nvyrvyx rawx ranc vshiz kuex tvhungx vtueq kvruex kuex wangx mungx baung nuex taq tueq. Kvruex kuex samx bvlic rv-ngvlc raz tueq vloayc meter 2.2, vjoz kox nuex meter 1.3 rvtueq. Kvruex rawx ranc htauk kvyuq piq kuex duiz woz vtueq, miq lotlaz rueq khiz yaq baung nuex kuix tsvrung nuex ngaungc ruiux raungmungx kox nuex vyauk kuex tenz tueq.)
“Vruex kuex Persia Honoc waz Kiru rueq vnvr bomc rvtueq. Yehowa Raungmungx Tishox rueq mungkawx lotlaz kuex ngaz muex tvguimz lawc vtueq, Yuda mungx Yerusalem nuex shomc yuimx vshiz guirc tvkoc ngaz muex kuq phuex.
Ezra kuex Shomc Yuimx kvlc nuex bumx ruiux khoar vtueq, mvrax htenc kuex kvjungc ruiux vjux thoz yaq nuex, Israel miqsaz vkung vdaungx maq yalxjuik miqwaz htenc nuiyc nosaz rulx htenc kuex rvtuimx kaz wuez vtueq khuip khaq laz khoar tvruingx wuez tueq.
Kvruex kvjaz kuex ngaz rueq tay vtueq, khoz vkhvy htenc juir gay ruiux, khumul nuiyc kaqbanx htenc kuex phiz gay vtueq thuinbac hvlc maq ngaungc kaz tueq.
Raungyac shomc nawk kuy jauz httuiuc tueq nuex, ngaz kuex yonzyex vtaungx baung kvmaq kvtenc vtueq, puinz juir gay tauk khoz vkhvy htenc kuex svmx hvt maq dvyx kuix tsvrung maq Yehowa ngvy Tishox kox nuex yauk phac tv-phup vtueq vjux thoz tauk.
Ngaz rueq tvralc tauk kuex, “Raungmungx Tishox rueq lotlaungc wvnc lvmz kuq phuex. Naungshiq kuex piq nvrc waz hez rvtiq ningkhvnc nuex guirx phaungc wvnc ix. Yuq muinz nuimshiq rueq Yerusalem ghaq kuex guimz muit, vruex ghaq vyuq nuimshiq nuex seng vtueq tvtsuingc juing yvmx muinz vguez,” ngoz tueq ngoz kuq tauk.
Honoc waz rueq, “Mnoz rueq yvmx lac roc shuiux?” ngoz tueq wiz phuex. Ngaz rueq Raungmungx Tishox kox wawc vjux thoz ruiux,
Miq phvnx htenc rueq Yehowa muex tvtsanc nganc wuez shuex; mungkawx wawc hokhvmx lotlaz kuex vpiq luimc vkawc muex hiyaz wuez tuex.
Raungmungx wawc Tishox muex kejux vyungx ngoz shuinz; vpiq lungwawc kuex pattup httax yaq.
Zion ghaq kuex naungshiq rueq rvwvl lvp tiq nuex, naungshiq kuex Babelon wawc yuix ruilx htenc hep nuex ngaungc vtueq khoarx tiq.
Piq rueq naunghez kuex Babelon mungx wawc vganc rvjungc rv-phvnc walaungx bix rulc vdvmz thvy gay rvhumc miq mruez kueq, menjenc kuy tvkoc nuiyc vhttuiyq vpuiuc vruez kuex jalc jungc kuy lot muex raungmungx Tishox kox wawc vjux thoz tvkoc jungx tueq.
Ngaz kuex phuiuz svy mamc ruiux ruiyhec khvy svmx vtueq, tvp nuex ngaungc ruiux Taungjix Tishox kox wawc kvmenc jenc thoz tauk.
Yona rueq, “Ngaz kuex Hebre phvnx rvtauk. Ngaz kuex ghaq nuiyc svmuktvrax kuex tvdungc sungc jix Yehowa raungmungx Tishox muex nawk palx jix waz rvtauk,” ngoz tueq jungx tueq.
Yehowa rueq, “Kuiuq vmoalx nuex mnoz yonzyec khoarc kuex ngaz rueq tuip gay tauk shex, nuimshiq tvyvlc sac yaq htenc kuex ngaz rueq tvhtumx gay shaungx.
Kokez yaq jix rulc vdvmz nuex kokez naungx kuinz; vkhoarc vnyerc jix rulc vdvmz nuex khoar nyerx naungx kuinz.