NEHEMIA 2:4 - Hawa Naga Bible 2001

⁴ Honoc waz rueq, “Mnoz rueq yvmx lac roc shuiux?” ngoz tueq wiz phuex. Ngaz rueq Raungmungx Tishox kox wawc vjux thoz ruiux,

ASII LAKDAP Bible (BSI)

⁴ Kiijiishe hokhamwe raq, “Riita ümchaü ümniiriika jam lai phan jaüro wa?” nguta ngi ma waito. Kiijiishe ngi raq sanseng ramungtan na siti Shiikeawe jaq wa achu jaükang.

NEHEMIA 2:4 Referencias Cruzadas

2 SAMUEL 15:31

Ahithophel kuex Absalom kox nuex nyuip waung vtuex lvmz Dawid rueq tay vtueq piq rueq, “Yehowa lex, kejux maq Ahithophel rueq kvmungx yaq htenc kuex khuec guez tvyaungc gay shuiuz!” ngoz tueq vjux thoz tueq.

1 HOKHVMX 3:5

Yehowa kuex kvruex raungwvrx piq maung nuex kv-khic kaz vtueq, “Ngaz rueq mnoz muex yvmx kuq ruiux lac roc shuiux?” ngoz tueq wiz tueq.

NEHEMIA 1:11

Ngaz rueq vjux thoz vshaungx nuiyc mnoz muex tvtsanc nganc yaq mnvrc waz hez rueq vjux thoz yaq kvmuinz majuiuc tay kuq koq. Majuiuc raungnuiyq ngaz muex lotlaungc wvnc lvmz kuq koq, honoc waz rueq ngaz muex mmenjenc kuq phueq,” ngoz tueq thoz tauk. Kvtanc jauz ngaz kuex honoc waz muex svpiq tix tvhungx kuy jix rvtauk.

NEHEMIA 1:4

Kvruex kvjaz kuex tay vtueq, ngaz kuex ngaungc vtueq khoar tauk. Ngaz kuex raungnuiyq loayc hvlc yonzyex vtueq dungc muinz saq mauk. Ngaz rueq Tishox kox wawc vjux thoz tauk kuex,

NEHEMIA 1:5

“Yehowa Raungmungx Tishox lex! Mnoz kuex yunghvlc rvtoq ningkhvnc nuex, nuiyshiq kuex mnoz muex hiyaz vphix. Mnoz muex lungwawx jix hez rulc taq toq bomkhvrc kuex mnoz rueq tvmtuing maq phvnx tvhungx toq, mnoz kuex vnvrc bomc rulc rv-ngvlc shuimx kaz toq.

NEHEMIA 2:20

Ngaz rueq tvralc tauk kuex, “Raungmungx Tishox rueq lotlaungc wvnc lvmz kuq phuex. Naungshiq kuex piq nvrc waz hez rvtiq ningkhvnc nuex guirx phaungc wvnc ix. Yuq muinz nuimshiq rueq Yerusalem ghaq kuex guimz muit, vruex ghaq vyuq nuimshiq nuex seng vtueq tvtsuingc juing yvmx muinz vguez,” ngoz tueq ngoz kuq tauk.

NEHEMIA 2:5

kvruex yimaq ngaz rueq honoc waz muex, “Taungjix hokhvmx waz lex, mnoz kuex ngaz rulc rungx raz naungx vtueq, ngaz rueq tvtay jungx phaungx lvmz kuex bomc tvdvy kuy tvkoc mthuinz roc lvmz httax ruiux yuq, ngaz kuex Yuda mungx nuex tvkaz koq, ijix vwaz luip juing ghaqyungx kuex tvhvlc guirc waungc yek muex,” ngoz tueq jungx tauk.

ESTHAR 5:3

Hokhvmx waz rueq, “Hokhvmx nyuiuz Esther lex, yvmx lac rax yaq nguinx? Mnoz muex yvmx lac rax yaq nguinx ngaz muex jungx koq, ngvy honoc mungtan kholak doc muinz kuq phaungx,” ngoz tueq wiz tueq.

ESTHAR 5:6

Hokhvmx waz rueq svpiq tix nuingx yaq lvmx maq Esther muex ngoc, “Mnoz rueq yvmx lac roc shuiux ngaz muex jungx koq. Ngaz rueq mnoz muex kuq phaungx, ngvy honoc mungtan kholak ngoz ruiux doc muinz kuq phaungx,” ngoz tueq jungx tueq.

ESTHAR 7:2

lauk nueyc ngoz yaungc phauk saq kaz tueq. Hokhvmx waz rueq svpiq tix nuingx yaq lvmx maq Esther muex ngoc, “Hokhvmx nyuiuz Esther lex, mnoz rueq yvmx lac roc shuiux? Kvruex mnoz rueq lvp shuiux ningkhvnc nuex ngaz muex jungx koq. Honoc mungtan kholak doc muinz kuq phaungx,” ngoz tueq jungx yek tueq.

Tvtsvmc 136:26

Raungmungx wawc Tishox muex kejux vyungx ngoz shuinz; vpiq lungwawc kuex pattup httax yaq.

TAKSU LAK 3:6

Mnoz rueq shuimx shuiux phvnx ruip saz maq Yehowa muex tvmaung shuiuz, ngoz ruiux yuq vpiq rueq vlvmx kuex mnoz muex tvkhic kuq kv-phux.

Mark 10:51

Yesu rueq piq muex, “Ngaz rueq mnoz muex yvmx shuimx kuq ruiux lac mnoz rueq roc shuiux?” ngoz tueq wiz tueq. Muik mawz waz rueq, “Rabbi lex, ngvy muik mawz vruex hvlc kay roc vshaungx,” ngoz tueq tvralc tueq.

Acts 23:19

Nolaungx yungx waz rueq tsuingnueyc lauk lauk rvjungc phvnc tvkoc vkuiyq baung nuex shvlx wvnc vtueq, “Mnoz rueq ngaz muex yvmx jungc roc lac?” ngoz tueq wiz tueq.

Philippians 4:6

Yvmx lvmz nuex ngoz ruiux muinz nauk rvwvl japa kaz, yuq muinz lvmx ruip saz nuex vjux thoz vtueq kvjungc ruiux kejux rvwvlc thuinz vmungx maq tvtsvmc vtueq, nuimshiq muex rax yaq lvmx kuex Tishox muex tvtay shuinz.