DANIEL 9:3 - Hawa Naga Bible 2001

³ Ngaz kuex phuiuz svy mamc ruiux ruiyhec khvy svmx vtueq, tvp nuex ngaungc ruiux Taungjix Tishox kox wawc kvmenc jenc thoz tauk.

ASII LAKDAP Bible (BSI)

³ Kra ningkhan, ngi raq Tati Shiikeawe jaq wa pinthum itsan itsii tiitsi lata, apaiq ma tiipaiq nea lam maq, amang maq, wunthaü riinaü khea samlata, kiimaq ikhakam na tapkhu maq nyat lata, achu jaü nga kang.

DANIEL 9:3 Referencias Cruzadas

2 SAMUEL 12:16

Dawid rueq nox kvruex hvlc kay tvkoc Tishox kox wawc vjux thoz tueq. Phuiuz vsvy phvnx shishiz phuiuz svy tvkoc muinz piq rueq tvlvlc gay ruiux, wvraungx yayac piq khok nuex nyuip waung vtueq wawx phawc htauk nuex woalc vtueq raungwvrx tvlvy ruiux shuex.

EJRA 10:6

Kvruex yimaq piq kuex Shomc Yuimx kvlc kvmaq Eliashib saz Jehohanan httax yaq yuimx kvyuq kaz vtueq vthuq vruez laq htenc kvmluimx wuez muq ningkhvnc nuex kvruex yuq wvrx taungx thuinbac hvlc maq tvlvy tueq. Piq rueq yvmx muinz phauk saq muq rvtueq.

EJRA 8:21

Naungshiq Tishox khaungkac nuex naungshiq lotlaz rueq phuiuz svy mamc vtueq miqmac shauk pumz tvyomx tvkoc muinz, naungshiq khuemc wvnc juing lvmx kuex shunshvlc kuy muex nuiyc naungshiq muinz naungshiq suiuz vsaz htenc muinz, naungshiq tsak vnyvmx htenc muinz tvkhup wungx kuy muex vpiq kox wawc thoz tvkoc tsuingshiq kuex Ahawa ruilx hep maq nvr tauk.

EJRA 9:5

Raungyac shomc nawk kuy jauz httuiuc tueq nuex, ngaz kuex yonzyex vtaungx baung kvmaq kvtenc vtueq, puinz juir gay tauk khoz vkhvy htenc kuex svmx hvt maq dvyx kuix tsvrung maq Yehowa ngvy Tishox kox nuex yauk phac tv-phup vtueq vjux thoz tauk.

NEHEMIA 9:1

Kvruex yapix 24 raungnuiyq nuex Israel miqsaz miqmac mvrax tvkoc yonzyex yaq kuex tvtsuingc laung nuex phuiuz svy mamc tvkoc rvtuimx wuez tueq. Tsuingshiq shauk pumz kuex pungnuk miqsaz htenc rulc rv-phvlc wvnc wuez shex rvtueq. Tsuingshiq ruiyhec khvy kuex svmx wuez ruiux tvtsuingc muex khux poz nuex bokkhuyx maq kvwuinc wuez tueq. Kvruex yimaq tsuingshiq kuex miqmac mvrax nuiyc jix vwaz tamx mvrax htenc kuex kvjungc wuez tueq.

ESTHAR 4:16

“Kaz vtueq Susa nuex httax yaq Yuda miqsaz htenc lotlaz kuex tvtuimx shuiuz; phuiuz svy mamc vtueq ngvy tvkoc vjux thoz kuq kuit. Raungnuiyq thuimx tup raungnuiyq raungwvrx yvmx muinz nauk phauk nauk nuingx kaz. Ngaz muinz ngvy nvrc nyuiuz hez muinz kvkhoc ruez wuez shix. Kvruex yimaq jix tvrac muex yaq ruiux muinz hokhvmx waz kox nuex kaz taungx. Kvkhoc shuimc ningkhvnc nuex vthueyc juing ngoz ruiux muinz thueyc khvmc taungx,” ngoz tueq jungx tvtay tueq.

YOBA 42:6

Kvkhoc rvtueq ngaz rueq jungx wvnc tauk kvjaz htenc muex yvlc sac vtueq bokkhuyx nuiyc tvp nuex ngaungc ruiux rvwvlc khiz vshaungx.

Tvtsvmc 35:13

Yuq muinz tsuingshiq vthuiuz vsac rvhumc tuex nuex, vyonz vyec tvraung ruiyhec kuex svmx ruiux; phuiuz vsvy mamc vtueq ngvy shauk pumz kuex tvyomx ruiux, kungjix waz, rvmuq ngoz ruiux phuz vnox vshiz shiz tvkoc vjux thoz rvwvlc ikhoc, ngvy khux bumx vtueq vjux thoz tauk kuex,

ISAIA 22:12

Tvphaungc Tvsuip Johvlc Yehowa rueq mnoz kuex vkhoarc vnyerc, vyonz vyex, mkhux luk gay ruiux ruiyhec khvysvmc tvkoc nvr shec tueq.

JEREMIA 33:3

“Ngaz kuex gvl kuit, ngaz rueq tvralc phaungx; mnoz rueq yvmx muinz tuiuz lvp muq vwangc juing nuiyc vwangc kawc yawc juing phvnx htenc kuex ngaz rueq mnoz muex jungx kuq ix.

EJEKIEL 36:37

Johvlc Yehowa rueq, “Ngaz kuex romc kuy tvkoc ngvy kox wawc thoz yaq Israel miqsaz kvjaz kuex laukshiz hulawx tay kuq yek vtueq, kvkaq ngaz rueq tsuingshiq kuex khelbuenx kung ikhoc tvpux paung shaungx.

DANIEL 6:10

Kvkhoc tvdvy tueq bomc kvyuq sohic htuing tueq kuex Daniel rueq tuiuz vtueq, yuimx nuex waung wvnc tueq. Piq yuimx raunghtauk khok Yerusalem kox nuex vtvmuiz katvnc puc htenc httax yaq. Kvruex yuq piq rueq mkaq muinz shuimx ruiux yaq rulc rv-ngvlc, katvnc puc htenc daz shec tueq kvyuq nuiyq shiz nuex lauk thuimx kuix tsvrung nuex bumx vtueq Tishox kox wawc vjux thoz tueq.

DANIEL 9:2

Piq rueq guimz lawc vphaungc raungwawc nuex ngaz Daniel rueq vsawc luik dvp htenc kuex wvllawc vtueq shvmmax Yeremia muex Yehowa rueq jungx tueq rulc rv-ngvlc Yerusalem bac wvnc tuex wawc 70 nuex seng vtueq rvwvl tvmaung vshaungx.

DANIEL 9:20

Ngaz rueq tvhttoarc vtueq vjux thoz tauk, ngvy mvrax htenc nuiyc ngvy miqsaz Israel phvnx mvrax htenc kuex kvjungc vtueq vsawc Shomc Yuimx tvhvlc guirc yek tvkoc Yehowa ngvy Tishox kox wawc vjux thoz vshaungx.

DANIEL 9:4

Ngaz rueq Yehowa ngvy Tishox kox wawc vjux thoz vtueq ngvy miqsaz mvrax htenc kuex kvjungx tauk. Ngaz rueq jungx tauk, “Taungjix Tishox lex, mnoz kuex yungc loayc hvlc ningkhvnc nuex nuiyshiq rueq mnoz muex tvtsanc nganc vphix. Mnoz kuex mbomkhvrc nuex tvmtuing httax vtuiux ningkhvnc nuex mnoz muex lungwawc jix muex mlungwawc tvkhic vtueq mnoz rueq nvr shuiux rulc rv-ngvlc shuimx vshuiux.

Yoel 1:13

Shomrawx nuex shuimc lvmc jix shomc waz bix lex, ruiyhec khvy svmx vtueq khoar wuez kuinz! Shomc Yuimx mungx nuex kaz vtueq wvrx taungx yonzyex kuinz! Nuimshiq Tishox muex shomc kuy juing tuiz vtsvmz nuiyc svpiq tix vguez shex.

Yoel 2:12

Yehowa rueq, “Majuiuc yuq muinz rvkhauk laz tharc humc yek vtueq, phuiuz vsvy mamc ruiux khoarsez yonzyex wuez vtueq ngvy kox nuex yek waung luit.

Jona 3:5

Ninewe ghaq jix kuex Tishox bomjungc muex kvmluimx wuez tueq. Kvkhoc rvtueq tsuingshiq thuinz kvlayc wvnc tueq kuex tvkhic tvkoc vyungx pinhtumc maq vruinx pinhtumc nuex httuiuc laz, miq ruip rawx rueq ruiyhec khvy svmx wuez ruiux phuiuz vsvy mamc tvkoc htvp htaz wuez tueq.

Matthew 17:21

[Yuq muinz vkhoc phvnx htaungc vruex kuex phuiuz svy mamc vtueq vjux thoz shix kvruex htauk nuex jvnc vtueq vganc yvmx maq muinz yurc mvy muq,” ngoz tueq.]

Luke 2:37

kvruex nyuiuz kuex Shomc Yuimx mungx wawc dung kaz muq maq phuiuz svy mamc ruiux vjux thoz vtueq Tishox muex nawk palx kuq tueq.

Acts 10:30

Kvkaq Korneliu rueq, “Raungnuiyq thuimx tanc shex rvtueq raungnuiyq shalhtaz thuimx nuex ngvy yuimx maq vjux thoz tauk, kvkaq luiz hvlc svmhung svmc jix waz kuex ngvy khaungkac nuex dung phok jvp kaq vtueq,