DANIEL 9:2 - Hawa Naga Bible 2001

² Piq rueq guimz lawc vphaungc raungwawc nuex ngaz Daniel rueq vsawc luik dvp htenc kuex wvllawc vtueq shvmmax Yeremia muex Yehowa rueq jungx tueq rulc rv-ngvlc Yerusalem bac wvnc tuex wawc 70 nuex seng vtueq rvwvl tvmaung vshaungx.

ASII LAKDAP Bible (BSI)

² Apaiq raq mung peng wanli maq wiishi she angu na, ngi raq asii lakdap thun kra sidi phat kang. Lata Tatiwe raq shammiwe Jeremia lümaq, Jerusalem thenkitaq kriika wiiroqmiishi na saüli kiikhiili misi wan nguta chongtaq, kra bomtsi ka shiwea wan kang.

DANIEL 9:2 Referencias Cruzadas

2 KAÜWA WERAÜ 36:21

Kvkhoc rvtueq shvmmax Yeremia maq raz tueq Yehowa rueq tvluz nuex jungx wvnc tueq kvjaz kuex, “Ghaq phux muex Nyec Tvkuiyq kuy htungx tvrac phvnx muq ningkhvnc nuex, kvruex phvnc tvhungx yek tvkoc ghaqphux kuex wawc mvshix tup kuiyqshuik kuiyq khvmx yaungx wvnc tuex,” ngoz tueq jungx tueq.

EJRA 1:1

Persia honoc Kiru kuex hokhvmx muex yaungx tueq vphaungc raungwawc nuex shvmmax Yeremia maq raz tueq jungx tueq Yehowa kvjaz kuex hungx wvnc tueq. Piq rueq vruex nvrc bomc kuex vkhoc wuiyq vtueq piq rueq guimz yaq mungtan baung ruip saz nuex nyvmc wvnc laz yunghvlc maq wvlc tvtay kuy tvkoc Kiru muex laukshiz lvmz maq tvshuimx tueq.

Tvtsvmc 119:24

Mnoz rueq tvhonc tharc vshuiux htenc rueq ngvy thuinz tvhvlc kuq vtueq; kvruex kuex ngaz muex tharc jungx kuq ruiux lvmx tvkhic jix hez rvtueq.

ISAIA 64:10

Mnoz muex vsawc ghaqyungx htenc kuex kumtsvy tvnx ikhoc dvyx shex; Yerusalem kuex kuiyqshuik kuiyq shix bac wvnc tueq,

JEREMIA 1:1

Vruex luik dvp vyuq Benjamin hong Anathot ghaq wawc shomc waz Hilkia saz Yeremia rueq vjungx phvnx wvnc lvmz rvtueq.

JEREMIA 25:18

Yerusalem nuiyc Yuda ghaq htenc lotlaz, hokhvmx bix nuiyc walaungx bix kuex vdvmz nuex kawk kvwawc nuingx wuez tueq, tsuingshiq kuex ghaqkuiyq ghaqkhvmx baung, kawc yawc juing nuiyc kv-khuirc hiyaz juing ikhoc baung muex yaungx wvnc wuez tueq, miq htenc rueq muinz tsuingshiq muingc kuex majuiuc nuex httuiuc laz shuimx yaq honc vyaungc rulc rv-ngvlc tuemc taungc juing baung tvyaungc yaq.

JEREMIA 26:18

“Yuda hokhvmx Hezekia hokhvmx yaungx tueq nuex, Moreshet ghaq jix shvmmax Mika rueq miq lotlaz muex Tvphaungc Tvsuip Yehowa rueq jungx tueq, ‘Zion kuex nax htuz gay shix ikhoc htuz gay shuex; Yerusalem kuex lung phungc yaungx wvnc tuex, Shomc Yuimx ghaq luimx kuex luingx vlak muex yaungx wvnc tuex,’ ngoz tueq jungx tueq.

JEREMIA 26:6

Mnoz rueq tvhttoarc vtueq phvnx muq ngoz ruiux yuq, ngaz rueq Shilo kuex ruez gay tauk ikhoc vruex Shomc Yuimx vmuinz ngaz rueq ruez gay shaungx. Vruex mungkawx wawc miqphvnx htenc lotlaz rueq vruex ghaqyungx muingc kuex kvtuemc kvtaungc juing ikhoc tvyaungc shuex,” ngoz tueq jungx tueq.

JEREMIA 27:7

Miq phvnx lotlaz rueq piq mungtan rul wvnc tuex vkhing nuex httuiuc laz piq muex muinz, vsaz muex muinz, vsuiuz muex muinz shuimx lvmz kuq shuex. Kvruex yimaq piq phvnx rueq luimc vkawc yunghvlc miqphvnx htenc nuiyc yunghvlc hokhvmx bix muex shuimx lvmz kuq shuex.

JEREMIA 29:10

“Yehowa rueq, ‘Babelon mungx nuex wawc rok mvshix mvrc tuex nuex, nuimshiq tvkoc ngaz rueq rvwvl vphaungx lvmx kuex tvkhic shaungx, nuimshiq kuex yuimx nuex tvyez shvlx wvnc phaungx ngoz tueq ngvy bomkhvmc kuex phvnx tvhungx shaungx.

JEREMIA 7:34

Wvmungx tuimx kumtsvy tvnx muex yaungx wvnc tuex. Yuda ghaqyungx htenc nuiyc Yerusalem ghaq lvmx htenc wawc kokez tvruingc htenc nuiyc vshuenc vruenc htenc miqlvmc moalx nuex kokez tvruingc htenc kuex tvsuingx gay shaungx.

AJONJÜ 1:1

Mvnnuex laukshiz miq paunghvlc vkvlc vkawc yaungx tueq Yerusalem kuex piq lauk lauk dvyx shex ix! Laukshiz mungkawx kox maq tvtsanc nganc rvhumc yoalx nyuiuz kuex mvntix nyuiuz ikhoc yaungx yaq; ghaqyungx htenc wawc muingc jungc vhttax pinhtumc ghaq yungx kuex dax rullungx nuex httuiuc wvnc tueq.

EJEKIEL 29:11

Miqsaz muinz ngvmx saz muinz kvruex maq khuemx lvy tuex rvmuq. Kvruex yuq wawc rok bvlic tup ukhaq muinz httax muq.

DANIEL 9:3

Ngaz kuex phuiuz svy mamc ruiux ruiyhec khvy svmx vtueq, tvp nuex ngaungc ruiux Taungjix Tishox kox wawc kvmenc jenc thoz tauk.

Mikha 3:12

Kvkhoc rvtueq, nuimshiq ningkhvnc nuex, Zion kuex nax ikhoc htoay gay rvhumc ruiux, Yerusalem kuex tvbac httak phungc gay rvhumc tuex, Shomc Yuimx luimx kuex luingx vlak yaungx wvnc tuex.

JEKERIA 1:12

Kvruex yimaq raungkamx waz rueq, “Tvphaungc Tvsuip Yehowa lex, mnoz rueq wawc rok mvshix tup Yerusalem nuiyc Yuda mungx wawc ghaqyungx htenc muex khaq vtuiux. Mnoz rueq mtanc nuex httuiuc laz lac tsuingshiq muex menjenc muq rvshuiux?” ngoz tueq wiz tueq.

JEKERIA 7:5

Vpiq rueq, “Mungx miqsaz htenc nuiyc shomc waz bix rueq wawc rok mvshix tup yapix lex bv-ngac yac nuiyc lex mvshix yac nuex phuiuz svy mamc vtueq vyonz vyec shvmx tvkhic wuez tueq kuex ngaz muex tvtsanc nganc lvmx rvmuq.

Matthew 24:15

“Shvmmax Daniel rueq jungx wvnc tueq, ‘Tvbac tac yaq,’ vkawc yawc suirsac juing ikhoc phvnx kuex nuimshiq rueq khiz shuinx. Kvruex kuex vsawc baung nuex jvp tuex.” (Luik wvlc lawc jix waz rueq vruex lvmx khic roc kuex honc maq tuiuz tay juing rvtueq!)

Mark 13:14

“Vkawc yawc suirsac juing tanc khvnc phvnx kuex httax aungx muq baung nuex httax yaq kuex nuimshiq rueq khiz lvp shuinx.” (Luik wvlc lawc jix waz tvkoc tvtsuingc juing vruex lvmz kuex yvmx lac rvtvnx vhvlx waq mtuiuz wuez shueq!) Kvkaq Yuda mungx nuex httaz jix hez kuex ghaq luimx nuex m-yuz wvnc kueq.

Acts 8:34

Kvkaq vyungx vlaungx waz rueq Philip muex, “Shvmmax rueq ukhaq lvmz lac jungx tvnx? Piq shauk pumz lvmz vjungx haz? Shuex miq vganc washiz lvmz lac jungx tvnx?” ngoz tueq wiz tueq.

1 Timothy 4:13

Ngaz httuiuc kaz raungx nuex httuiuc laz mungx miqsaz khaungkac nuex Rumvrc luik wvlc kuy lvmz, bomjungc jungphvnc kuy lvmz nuiyc tvluingc jungphvnc lvmz nuex hung vtueq shuimx kaz shuiuz.

Revelation 1:3

Vruex tvkhic luik dvp vruex wvllawc jix htenc nuiyc shvmmax bomjungc kuex tay phvnx vtueq, vruex luik dvp vyuq wuiyq shec tueq htenc phvnc jix kuex thuinhvlx yaq! Yvmx khoc lac ngoz ruiux lec vhtenc vruex yaungc wvnc tvkoc vkhing httuiuc wvnc muex nyek wvnc yaq shex rvtueq.