DANIEL 9:2 - ASII LAKDAP Bible (BSI)

² Apaiq raq mung peng wanli maq wiishi she angu na, ngi raq asii lakdap thun kra sidi phat kang. Lata Tatiwe raq shammiwe Jeremia lümaq, Jerusalem thenkitaq kriika wiiroqmiishi na saüli kiikhiili misi wan nguta chongtaq, kra bomtsi ka shiwea wan kang.

Hawa Naga Bible 2001

² Piq rueq guimz lawc vphaungc raungwawc nuex ngaz Daniel rueq vsawc luik dvp htenc kuex wvllawc vtueq shvmmax Yeremia muex Yehowa rueq jungx tueq rulc rv-ngvlc Yerusalem bac wvnc tuex wawc 70 nuex seng vtueq rvwvl tvmaung vshaungx.

DANIEL 9:2 Referencias Cruzadas

2 KAÜWA WERAÜ 36:21

Krai mren she Tatiwe raq shammiwe Jeremia lümaq riisham bomtsi akha tiithaitaq kriishe kupi wanto: “Armung arka rawii roqmiishi hiqmiq changkhü ma mitiija baiq wan, kriika Niitiitsak akhing lang wan mak tlea baiq wantaq kra tiinyi wan miitu miraq.”

EJRA 1:1

Parsia mung hokhamwe Sairas ka Bebilon mung na hokham jawan pha shaqshaq rawii na, Tati Shiikeawe raq shammiwe Jeremia nübok maq riisham bomtsi chongkuq wantaq kra riikhaqli she tiikupi kuq wanto. Tatiwe raq Jehudinok ka tsangmung na laü wan nong miitu aming kechang nguta hokhamwe Sairas tiima tsantsii na tiishai rai kuqto. Krai mren Sairas raq ara aming lak arshe waiqto. Raüta ara lak arka mungmaiqse ma chiiriim raüta tiikewa miitu aming tatto. Aming ka akha kuqto:

Tvtsvmc 119:24

Ümtsiichong bomtsi ka ngi ma pinthum peohea; tsangshiq ka ngi ma hon nai tsü chongketi.

ISAIA 64:10

Asii ümchela thun ka rumnyangkhi kumtsaiphii miishe jakito. Jerusalem ka hiqmiq changkhü ikhiishe tiithen baiqto.

JEREMIA 1:1

Ara lakdap arka Jeremia raq tra ahokuq man phan. Apaiq ka Hilkia se, Benjamin wang na Anathoth chela na siti ramwebi phong wa weshi,

JEREMIA 25:18

Jerusalemti kiimaq Juda mung na chela thun sitlaq wiita ma, tsangshiq hokhambi kiimaq mung welabi thun rai nong nong adam maq tiibak nyang kang. Kriika tsangmung thun ka botkhulai rai shot raüta kumtsaiphii ma tiijabaiq tlii mirlaq nguta kuq kang. Kriika hiqmiq changkhü ikhiishe maklii jai na tiijang phat she mija wan. Krai mren maiqse raq tsangshiq mang ka maiq ma manson chang ashi ikhiishe mitiija wan. Kriika ümchaü min nguruqli ngutlo.

JEREMIA 26:18

“Man na Hejekia raq Juda mung na hokham jataq akhing na, Moresheth hiqti shammiwe Mika raq mungmaiqse tlotli ma Tati Ningkun Ajongwe raq jamlai wa ngutaq kra akha chongto, ‘Jajon chela ka wak thutlaq ikha mithubaiq, Jerusalem ka jamriim phong li she miraq, kiimaq Shomjam haichang jamkhii ka rumtang pero ma mijaki.’

JEREMIA 26:6

Namshiq raq ibomchong ka tlea wanruqli la riihanla, Ngi raq Shilo chela wa asii jam ka jamkho tiithen baiqkang, kiikha, ara Shomjam armin atiithen mirbaiqha. Kiimaq maiq mung thun raq ara chela mang ka chong raüta manson shiiton miishe mitiija.”

JEREMIA 27:7

Mangjong hiq na siti maiq mung wiita raq apaiq klishe mishkumpan wan. Kiimaq tsangshiq raq ase kiimaq apaiq ma asaü kra mishkum pan wan. Kriika apaiq mungtan kra then wan akhing na saüli miraq. Kra jai miishe ka apaiq mungtanti asengi raq maiq mung thun ningkun jonghea hotibi nai hokham ajong jongbi thun kra wokhong niishe misi wan.

JEREMIA 29:10

“Tatiwe raq ngutlo, ‘Ümtiikiiwa namshiq ma Bebilon mung na wiiroq miishi siwan akhing kriishe thumjiiq, raüla, Ngi raq namshiq miitu tsantsii riimtiikang kriishe mitiichhi kuqha. Lata Ngi raq namshiq ka nammung niishe mitiijang shea wanha nguta kiqkham kuqkang kriishe mitiihong kuqha.

JEREMIA 7:34

Juda mung ka kumtsaiphii rumnyangkhi binjü miishe mijaki. Juda mung chela thun na nai Jerusalem chela chiihea wea lam thun na acho achi kiimaq apeo aleo ashi ange trang ka Ngi raq wiita mitiitsaq baiqha. Kiimaq maiq lam poi na chojong chise poi klo thun kiimin wiitashe mitiitsaq baiqha.

AJONJÜ 1:1

Jerusalem chela ka man na asengi raq ama riito! Mangjong maiqse wiita raq kai ra tsa ikha tsa wanto. Shatmaq ümchaü san mantinyung ikhiishe; Chela rümti aki miikiimbi thun re raq jiip baiqto. Rewe jaqkhon mong na shumwi kong miishe tiija wanto.

EJEKIEL 29:11

Kra chela thun lam maq maiq ka jumin khummak she miraq. Kiimaq rum ngam thun min haisiq mak she miraq Wiiroqblai na saüli kra chela thun na maiq jumin simak miraq.

DANIEL 9:3

Kra ningkhan, ngi raq Tati Shiikeawe jaq wa pinthum itsan itsii tiitsi lata, apaiq ma tiipaiq nea lam maq, amang maq, wunthaü riinaü khea samlata, kiimaq ikhakam na tapkhu maq nyat lata, achu jaü nga kang.

Mikha 3:12

Namshiq raq arümkhan ashut klo tlan khana, Jajon ka ni ma athubaiq ikha mishthen baiq. Jerusalem ka then wan raüta, hiqmiq changkhü miishe mijaki, kiimaq Noqku Jamjong kin ka, rumnyangkhi miishe mijaki

JEKERIA 1:12

Kiijiishe, “Ningkun Ajong Pinthum Tatiwe lei, ümniika Jerusalem ma, kiimaq Juda mung na chela thun ma, rawii wiiroq miishi ümtsankhiq jonghea thü wan laü. Ümniiraq tsangshiq ma tiihang wan mangchan tsii tiichhike ka ümtinchotiq wa miraq?” nguta rase raq waito.

JEKERIA 7:5

Apaiq raq akha chongto, “Armungti nai ramwebi ma chonglaq, tsangshiq raq man na, rawii wiiroq miishi leawantaq akhing na, rawiishi liipan na jipi lübiingi ngoja na, nai jipi lümiishi akhing na, tsangshiq raq amang maq achu jaü wantlaq kriika, ngi ma shreng raüta alam wan ka riimak.

Matthew 24:15

“Daniel shammi we raq, ‘Riiqkhiq Ashe Sumla Ka Shomjam Na Miraq,’ nguta chongthütaq bomtsi kra kupi wan ka namshiq riishe michhi han. Kriika Shomjam mong na Asii khok kiijaq chap raü michhi han.” (Aphat wanti raq ara liichum arka samhea maq tak rong laq!)

Mark 13:14

“Namshiq raq, ‘Shomjam Tiishechang Maiqphai Asi Sumla Kaü,’ ashi ka apaiq chapchang riimak ba kiijaq chap raü she michhihan.” (Aphatti ma: Ara liichum arka jamlai ngo wa chongtlaq kra riikhaqli tak rong laq!) “Kra chhanghang akhing ranaiq she la saüwa raüla, kra akhing na juwa Judia wang na siti, kriiti ka kin kiina tiipaü juwan chang miraq.

Acts 8:34

Kra phat raütiishe, “Riita, ara shammi we raq chongtlaq arka ju bom wa chongtla? Apaiq raq maiqmii miitu sha chongtla, sha nanok ahinti miitu wa tiithaitla? Kra liichum ka ngi ma chongkuq laq,” nguta siihiip jong we raq Philip ma waito.

1 Timothy 4:13

Ngi kiina misaü wanha shaq liipan niimin ümniika, ranaiq rawa Asii bomtsi ka nokwe ma phatke nai trahoke kiimaq kamasham bomtsi shrinke wan jaqsham ka, pharangrang maq sham laq.

Revelation 1:3

Kechu jonghea, jurwa ara lakdap ara phat tlaq. Kiimaq kechu jonghea, jurwa ara shammi bom chong, ara lakdap na ara tai tlaq. Raüta ara lakdap na waiqtaq bomtsi kra lang tlaq! Jamkhano ngukla arthun mra ara pin wan ma akhing ka ajeli she.