NEHEMIA 2:20 - Hawa Naga Bible 2001

²⁰ Ngaz rueq tvralc tauk kuex, “Raungmungx Tishox rueq lotlaungc wvnc lvmz kuq phuex. Naungshiq kuex piq nvrc waz hez rvtiq ningkhvnc nuex guirx phaungc wvnc ix. Yuq muinz nuimshiq rueq Yerusalem ghaq kuex guimz muit, vruex ghaq vyuq nuimshiq nuex seng vtueq tvtsuingc juing yvmx muinz vguez,” ngoz tueq ngoz kuq tauk.

ASII LAKDAP Bible (BSI)

²⁰ Kiijiishe, ngi raq tsangshiq bom ka akha tre kang, “Sanseng ramungtan na sitiwe Shiikeawe raq naishiq ma ara jaqsham pha wan tiikai arka mitiinyi kuq wan. Naishiq ka Shiikeawe sengi. Krai mren, ara Jerusalem tro wa long ruk athen arki thun ara tiihea hai jaqsham, athuk atsom arka, naishiq raq misham pha wan hai she. Shatmaq namshiq riika, Jerusalem na sitlaq tachong hupsam kriiwa, kiimaq hup nai sam sitlaq kriiwiika, jamlai phan min lap wan lot man. Kiimaq Jerusalem arka naiti naiwi hiqshong dea nguta, mungmaiqse manphan wura riimin namshiq ka ham wan dam mak she.”

NEHEMIA 2:20 Referencias Cruzadas

2 KAÜWA WERAÜ 26:5

Nawk palx htungx nuex seng vtueq piq muex tharc jungc kuy jix Zecharia rullungx tvraungx wawwawx Yehowa muex tvmtuing maq nawk palx kuy ningkhvnc nuex Tishox rueq piq muex ruimrix kuq tueq.

EJRA 4:3

Zerubabel, Yoshua nuiyc vtaungx waruiuz htenc wawc vkhux yaungc jix hez rueq tsuinghez muex, “Nuiyshiq rueq Yehowa nuiyshiq Tishox tvkoc shomc yuimx guirc nuex nuimshiq rueq romc kuy kuex roc miq. Persia honoc Kiru rueq nuiyshiq muex nvr phuex rulc rv-ngvlc nuiyshiq pumz maq kvruex guirx wuez vshix,” ngoz tueq jungx tueq.

NEHEMIA 1:4

Kvruex kvjaz kuex tay vtueq, ngaz kuex ngaungc vtueq khoar tauk. Ngaz kuex raungnuiyq loayc hvlc yonzyex vtueq dungc muinz saq mauk. Ngaz rueq Tishox kox wawc vjux thoz tauk kuex,

NEHEMIA 2:4

Honoc waz rueq, “Mnoz rueq yvmx lac roc shuiux?” ngoz tueq wiz phuex. Ngaz rueq Raungmungx Tishox kox wawc vjux thoz ruiux,

ESTHAR 4:11

“Miqwaz yalxjuik ukhaq yuq muinz hokhvmx rueq gvl muq maq hoc mungx kvyuq nyuip vtueq hokhvmx khaungkac nuex kaz ruiux yuq piq kuex vthueyc rvhumc yaq. Kvruex kuex tvrac rvtueq; hokhvmx rulc rvjungc rv-phvnc jix hez maq phaungc vtueq mungx hong ruip wawc miq htenc lotlaz rueq muinz tuiuz yaq. Vkhoc lvmx shiz maq dvyx vruex tvrac kuex lez gay lot juing httax yaq: mkhoc shoc maq hokhvmx waz rueq piq kuimshawx paq kuex tenz ruiux yuq nyuip waungc jix kuex thuiuzthuic tvraungx lvp yaq. Yuq muinz hokhvmx waz rueq ngaz gvl muq kuex yapix lexshiz rvtueq,” ngoz tueq.

Tvtsvmc 102:17

Vpiq kuex vpiq rueq vtuip gay miq htenc kvjaz kuex tay vtueq, tsuingshiq vjux thoz bomc kuex tay kuq shuex.

Tvtsvmc 122:6

“Mnoz muex lungwawc jix htenc kuex mrungx wanx wuez kueq: m-ghaqyungx palx ruk mungx kox nuex nomic mhttax kueq,

Tvtsvmc 20:5

Kvkaq mnoz rueq taungx wvnc toq ningkhvnc nuex nuiyshiq vkoz vkez maq guyc sez wuez vtix, nuiyshiq Tishox muex tvtsvmc kvmc vtueq mnoz rueq taungx wvnc toq tvtsuingc tvy moalx tvhungx vshix. Mnoz rueq thoz shuiux lotlaz kuex Yehowa rueq mtay kuq kv-phux.

Tvtsvmc 35:27

Ngaz ngoc mvrax kop muq ngoz tueq khic roc jix htenc kuex vkoz vkez maq, “Yehowa kuex mtanc lac yungx luz yaq nguinx! Vpiq kuex vpiq nvrc waz rueq taungx wvnc lvmx kuex raungc raq yaq,” ngoz tueq lauk wvruip ruip mjungx phvnx wuez shueq.

Tvtsvmc 51:18

O Tishox lex, Zion muex menjenc vtueq romc kuq shuiuz; Yerusalem ghaq palx ruk kuex guirx yek shuiuz.

DUNGWVNC 28:29

“Arun kuex Vsawc Baung nuex nyuip ruiux yuq, khuiuq puingc kuex svmc rax, khuiuq puingc nuex Israel miqsaz phvnx muingc htenc lomx yaq ningkhvnc nuex, Ngaz, Yehowa rueq ngvy miq htenc kuex mkaq muinz rvwvl lvp shaungx.

THARC TVLUINGC 7:18

Vjvnc vnac lvmz htenc kuex koayc shuinz. Mnoz kuex Tishox muex hiyaz tvtsanc nganc ruiux yuq, lvmx shishiz maq lot laungc wvnc shuiux.

ISAIA 56:5

mmuingc kuex ngvy Shomc Yuimx nuex muinz, mnoz rueq suiuz vsaz lvp ruiux yuq kvruex hez nuex jvnc vtueq, ngvy miqsaz htenc hvlwvl nuex rvwvl lvp wuez shuex. Mnoz kuex mkaq muinz lauk gay shuex rvmuq,” ngoz tueq.

LEWI 2:2

Arun sahez shomc waz bix kox kvyuq lvmc lvy rax. Yauk shuimc aungx yaq shomc waz rueq wungwanx yaukkhunc shiz, vpuiz nuiyc vhomc phvnx httax yaq lotlaz kuex lvmz vtueq shomrawx htauk nuex jauk ruiux shomc kuy rax, kvkhoc shomc kuy lvmz kuex Yehowa muex vruiy vwungx lotlaz maq shomc kuy muex yaungx yaq. Vkhoc phuiuz vsvy maq shomc kuq shix homc tumc kuex Yehowa rueq raungc raq yaq.

LEWI 24:7

Yehowa muex phuiuz vsvy shomc kuy laung tvyaungc muex wanx poz rencshiz phok htauk kvyuq vhomc vtumc rvkhauk laz kuex tvdaungc shuinz.

JEKERIA 6:14

Khushec kvruex kuex Yehowa Shomc Yuimx nuex Heldai, Tobija, Jedaia nuiyc Josia hez muex tvtsanc nganc tvtsuingc juing muex yaungx wvnc tuex,” ngoz tueq jungx tueq.

WEAWEA 10:10

Ekvmaq vkoz vkez juing htenc rvtueq yac nyalx moalx htenc nuiyc vganc nawk palx htungx vlayx moalx htenc nuex wvr maq jauk shomc kuy nuiyc lux rvyaungc shomc kuq ruiux yuq, nuimshiq rueq bolic kuex tuimc rax. Kvkaq ngaz rueq nuimshiq kuex romc lawc kuq phaungx. Ngaz kuex Yehowa nuimshiq Tishox rvtauk,” ngoz tueq jungx tueq.

Acts 10:31

‘Korneliu lex, mnoz rueq vjux thoz vshuiux kvjaz kuex Tishox rueq tay tueq, mnoz rueq kuq toq menjenc yauk noalc htenc muinz Tishox rueq tvtsuingc taq tueq.

Acts 10:4

Piq kuex kawc yawc hvlc maq raungkamx waz kuex tvtsuingc lawc vtueq, “Taungjix lex, yvmx phvnx lac?” ngoz tueq wiz tueq. Raungkamx waz rueq muinz, “Mnoz rueq vjux thoz toq kvjaz nuiyc yauk noalc kuq noalx vshuiux htenc kuex Tishox rueq raungc raq yaq ningkhvnc nuex mnoz muex tvtay vphaungx.

Acts 8:21

Tishox khaungkac nuex mthuinz vmungx tsuingmuq ruxmuq ningkhvnc nuex nuiyshiq yauk shuimc vyuq mnoz tvkoc lomx lot muq.