NEHEMIA 2:20 - ASII LAKDAP Bible (BSI)

²⁰ Kiijiishe, ngi raq tsangshiq bom ka akha tre kang, “Sanseng ramungtan na sitiwe Shiikeawe raq naishiq ma ara jaqsham pha wan tiikai arka mitiinyi kuq wan. Naishiq ka Shiikeawe sengi. Krai mren, ara Jerusalem tro wa long ruk athen arki thun ara tiihea hai jaqsham, athuk atsom arka, naishiq raq misham pha wan hai she. Shatmaq namshiq riika, Jerusalem na sitlaq tachong hupsam kriiwa, kiimaq hup nai sam sitlaq kriiwiika, jamlai phan min lap wan lot man. Kiimaq Jerusalem arka naiti naiwi hiqshong dea nguta, mungmaiqse manphan wura riimin namshiq ka ham wan dam mak she.”

Hawa Naga Bible 2001

²⁰ Ngaz rueq tvralc tauk kuex, “Raungmungx Tishox rueq lotlaungc wvnc lvmz kuq phuex. Naungshiq kuex piq nvrc waz hez rvtiq ningkhvnc nuex guirx phaungc wvnc ix. Yuq muinz nuimshiq rueq Yerusalem ghaq kuex guimz muit, vruex ghaq vyuq nuimshiq nuex seng vtueq tvtsuingc juing yvmx muinz vguez,” ngoz tueq ngoz kuq tauk.

NEHEMIA 2:20 Referencias Cruzadas

2 KAÜWA WERAÜ 26:5

Apaiq ma kamasham na danhontiwe Jekeria ka atra sishat wiiwii apaiq raq Tatiwe ka tsapkap kap maq shiikum panto. Krai mren Shiikeawe raq apaiq ma shiiman kuqto.

EJRA 4:3

Shatmaq, Jerubabel nai Joshua, kiimaq Jehudinok kaüwa weraü welabi raq, tsangshiq bom ka akha treto, “Naishiq Tati Shiikeawe Shomjam haiwan jaqsham na naishiq ma namshiq raq khrum ka ramak. Parsia hokhamwe Sairas raq naishiq ma jamkho Shomjam haiwa miitu aming kuqtaq, kra phan phan naishiq riili mihai hai.”

NEHEMIA 1:4

Ngi ka ara tsütsa tai lata ngaki kang. Latiishe hoqsiq kang. Ngi ka ranaiq naitsam dung min siq mang maq, makphai trok lata hoq wan kang. Lata Shiikeawe jaq wa akha achu jaü wan kang.

NEHEMIA 2:4

Kiijiishe hokhamwe raq, “Riita ümchaü ümniiriika jam lai phan jaüro wa?” nguta ngi ma waito. Kiijiishe ngi raq sanseng ramungtan na siti Shiikeawe jaq wa achu jaükang.

ESTHAR 4:11

“Hokhamwe ngachang tapmong khok niika, hokhamwe apaiq raq tiiheahü maq, jechak jiimin maiqwe jiimin, juwa min maimak. Tiiheakaihü maq khokmong na nyap wa raüla, atsai chang ngutlishe asi. Kriiwa tiichhii wan chang lam lu ka ashili. Hokhamwe raq ajaq na shamtlaq chaq chongwai kii kra, kriiwe ma neike chang miraq. Raüla juwa hokhamwe phana watlaq kriiwe raq, kra chaq chongwai kii tsiise kiijaq bumsaq raüta, jaqkonaita maq shamwa chang. Kra raütiq, kriiwe miisaq ka mitiichhii wan lot. Ara tri atsin sitlaq arka hokhamwe sengi ajong alabi, kiimaq mungmaiqse wiita raq asap. Kiimaq hokhamwe raq ngi ka apaiq phana wa miitu, ümchaü raroqtsam she tiiheaki mak,” nguta Hathakh ma bom ka tiichong wato.

Tvtsvmc 102:17

Apaiq raq asenginok atiishaübaiq kra mimangchan, raüta tsangshiq achujaü ka mitai.

Tvtsvmc 122:6

Jerusalem ka hansang maq si miitu achujaü ronglaq: “Ümnaq lungwiitibi ka chiithe lüwabi ma mijalaq.

Tvtsvmc 20:5

Kiitiikaq naishiq raq ümrekhat tanglaü nguta agilülü misiitranghai kiimaq rekhat laü miitu nashiq Shiikeawe tiitsam laita poi miklo hai. Tatiwe raq ümnaq tiipaiqnea laü thun ka wiita dea mitrelaq.

Tvtsvmc 35:27

Kha ka ngi riidea tanghaüjaq nguta tsan tiitsiti raq chojong chise maq bliiqkiki akha migi trang laq, “Tatiwe ka pinthum jonghea! Apaiq ka ajaqshi se pokitaq kriima kai khoqriiqtlo.”

Tvtsvmc 51:18

O Shiikeawe lei, Jajon ka mangchanlaq laüta khrumlaq; Jerusalem ruk thun ka tiihea haikuqlaq.

DUNGWVNC 28:29

“Riita ümtiikiiwa Aron ka Asii Khok mong na nyap watlaq, apaiq raq ara khuk na samchang kheaphu na Israilnok maiq phan thun mang waiqje kra sam raüta minyap wa. Raüla, Ngi, Tatiwe raq isenginok ka itsan na wranaiqshe tiitsangshat mirha.

THARC TVLUINGC 7:18

Thittlai phok jamlai min naqklokiq. Ümniiraq Shiikeawe ma haisong tsantsii rümhaü jiila, jamlai wa klo tlaü kra ong wan ruq mirhaü.

ISAIA 56:5

ümmang chong ka i Shomjam na mitiitsang wan. Kiimaq isenginok phong na rawii luhea na saüli tsan na mitiitsang wan. Kriika ümniiraq ümse maiqwe sere nai jechak sere asi nguraü jaq ümtin khan tiitsang wan chang wa kra thaq na rahiq alu mitiitsang wan. Ümniika ümtiikiimin laqbaiq mak she miraq.”

LEWI 2:2

Raüta Aron phan ramwe jaq na kewa chang. Kiijaq jaqshamti ramwe raq kiiwa jaqphi shi wongwin kra milam kiimaq olip tai kra kiimaq homseng thun ka tlotli milam. Kra raütiishe berong-wacha na Tatiwe ma tlotli akuq la na ngamrea ikha wa na chaq raüta mikuq. Ara phaqsea-honglu khiimtsang ka Tatiwe ma tsan tiiheali.

LEWI 24:7

Laüta homseng ka alentek kiijaq phanshi shi phonglaq. Arka phaqsea-honglu Tatiwe ma akuq winsii kra la na kuqlaq.

JEKERIA 6:14

Kra hokham khuphok ka Tatiwe Shomjam na Heldai, Tobia, Jedaia, kiimaq Josia ma shreng manto tsan na tiitsang wan miitu misi.”

WEAWEA 10:10

Kiimahali poi awii chojong chise sitlan akhing niimin, namshiq raq Jinye Dong Poi akhing na kiimaq laihin kamasham poi akhing na, namshiq raq chaqtlii-honglu takuq tlan akhing na, kiimaq namshiq raq rintii-honglu kuqtlan akhing na, lerong ka tsü ronglaq. Raüla Ngi raq namshiq ka mikhrum kuqha. Ngi ka Tatiwe namshiq Shiikeawe.”

Acts 10:31

Raüta, apaiq raq ngi ma, ‘Kornelias lei! Shiikeawe raq ümnaq achu jaü ka taito she. Kiimaq ümniiraq miitsan miijan maiqse ma khrum kuq tlaü thun kiimin chhito she.

Acts 10:4

Apaiq raq rase ka ahai lam maq liito. Raüta, “Chaü lei, jamlai wa?” nguta treto. Kiijiishe rase raq apaiq ma, “Shiikeawe ka ümniima tsanhea sitlo. Ümniiraq achu jaü tlaü kra taito she. Kiimaq ümniiraq miitsan maiqse khrum kuq tlaü kriimin chhito she. Riita, Shiikeawe raq ümchaü ka ümbom tre miitu tiijeje she.

Acts 8:21

Ümtsan ümtsii ka Shiikeawe man na riikhaqli riimak. Krai mren, ümniiraq naishiq rai jaqsham na lom chang ahü she.