NEHEMIA 3:1 - ASII LAKDAP Bible (BSI)

¹ Riita, ara chongtiikai chela tro wa ruk thun kra, akha tiihea hai wankai. Ramwe ajong pinthumwe Eliashib nai apaiq kongtitiim riika, Sku Kilam ba kra tiiheato. Raüta kriiba ka Shiikeawe ma kiinong kuqto. Raüta kilü thun ka aheawiq she tiihongto. Tsangshiq raq khetuk long ruk Sku Kilam Chong maq phaho raüta, Shishi Longkham Tiipse nai Hananel Longkham Tiipse ba na saüli tiihea haito. Ruk kra tiihea hai lot jai she, tsangshiq raq kriiba long ruk ka achu jaü raüta Shiikeawe ma kiinong kuqto.

Hawa Naga Bible 2001

¹ Vruex kuex ghaqyungx palx ruk yvmx khoc lac guirx phaungc wvnc tvnx lvmz rvtueq. Shomc Wayungx Eliashib nuiyc piq kungjix shomc waz bix rueq Khelbuenx Kaluix kuex tvhungx guirx vtueq lekuy lot yix, kaluix kawx htenc kuex tvhungx tueq. Tsuinghez rueq ruk kuex Vshac Pvrrawx nuiyc Hananel Pvrrawx nuex httuiuc laz lekuq wuez tueq.

NEHEMIA 3:1 Referencias Cruzadas

NEHEMIA 12:10

Joshua ka Joiakim ma awe; Joiakim ka Eliashib ma awe; Eliashib ka Joiada ma awe;

NEHEMIA 12:30

Krai mren, ramwebi, kiimaq Lewinok raq, ngarai shiikhoi wan miitu, tsangshiq maiqmii khum tiisii wan, kiimaq mungmaiqse khum tiisii wan, kiimaq, Jerusalem chela ruk kilamchong thun kra tiisii wan, kiimaq chela tro ruk kra tiisii wan miitu, ramram wanto.

NEHEMIA 12:39

Kiimaq, kriiba miishe ka, Ephraim Kilamchong, kiimaq Jeshana Kilamchong, kiimaq Ngiq Kilamchong, Hananel Kongmong Chong, kiimaq, laita Shishi Kongmong Chong, kiimaq riitiishe Sku Kilamchong nü kiiniishe khum wan kai. Laitiishe, naishiq raq chela ruk tro na khum wankai kriika, Shomjam tiinap tho na Kilamchong ashi, kra jiishe tiisup wan kai.

NEHEMIA 13:28

Riita, tiinanpot ajiq pinthum she ka, Joiada ka Ramwe Ajong Pinthumwe Eliashib se riito. Shatmaq, Joiada setiim phong wa weshi riika, Beth Horon chela na siti welawe, Sanballat se kra lamto. Kriikha niishe, ngi raq Joiada ka Jerusalem wa jobaiq kang.

NEHEMIA 13:4

Riita, ramwe Eliashib ka Shiikeawe Shomjam na hupsam thü chang khok thun kra liiwanti chere ma ashong riito. Apaiq ka Tabia rai akhing luhea she kongshi siwantiwe.

NEHEMIA 3:20

Kra jaqtho miika, Jabbai se Barukh raq haito. Apaiq riika, Ramwe Ajong Pinthumwe Eliashib jam na wachang lam kilam chong ba kiina saüli tiihea haito.

NEHEMIA 3:21

Kra jaqtho miika, Hakkoj ma asaü lam Uria se Meremoth raq haito. Apaiq riika, Eliashib jam rinkea sup wan tlaq kiijaq saüli tiihea haito.

NEHEMIA 3:32

Kra jaqtho miika, chaq aseng lotibi nai laopanbi raq tiihea haito. Tsangshiq riika, ruksiim tapshok ba na khok sitlaq kiimaq pha raüta, Sku Kilamchong ba kiina saüli haito. Arka ruk tiihea hai jaqsham wiqkhikha tiithum shat wan chang ba riito.

NEHEMIA 6:1

Riita, naishiq raq ruk tiihea hai ka wiitashe lotkai. Kiimaq apu apot kiimin wiita she tiitang sukbaiqto nguta, Sanballat nai Tobia, kiimaq Geshem kiimaq nanok maiq ahinti, naishiq ma chiqse rewebi raq tsütsa ka taito. Riita kra akhing niika, naishiq raq kilü thun ka kilam chong na mitiihong hai shaqli riito.

NEHEMIA 7:1

Jerusalem peruk ka tiihea lot kai she. Kilam thun wa kilü kriimin wiita atiikop lot wishe. Kiimaq Shomjam kheti hokranok, Shomjam na asii shingeti khojabi, kiimaq Lewinok wiijamti ma maiqmiirii jaqsham thun ka aphea kekun she.

Tvtsvmc 30:1

Ngi raq ümnaq tiitsam tiikang, Tatiwe lei, jamkhano ngukla ümniiraq ngi tiichhiikuq laü, kiimaq ijaqtibi ka ikhuthaq na tiidoqditsiq maü riilaü.

Tvtsvmc 48:12

Shiikeawe senginok lei, Jajon chela tro na khum ronglaq lanta kinkhe chang kongmong chong thun kra wea ronglaq;

TAKSU LAK 3:6

Phanrap sham akaitek na, Tatiwe rai riiwai laüta sham laq. Kra riihaü la apaiq raq, ümnii ma riikhaqli lam mitiichhikuq.

TAKSU LAK 3:9

Tatiwe ka tsiiq nai nyam maq shreng laq, Wak na adong man ahea pinthum kra, honglu na kuq laüta shreng laq.

JEREMIA 31:38

“Akhing saü wantlo,” nguta Tatiwe raq ngutlo, “Kra akhing na, Jerusalem ka tlotli she mitiiheahai, Hananel Kongmong Chong maq pha wan raüta Kheshok Kilamchong na saüli.

DANIEL 9:25

Ara bomtsi ara ümtsan na samhea tiitsang shaq laq. Laüta liichum ka tak laq: Jerusalem chela kra tiihea haiwan miitu, aming tat tlaq kra akhing maq phawan raüta, Shiikeawe raq asengi sheati wela weshi shong wan tlaq kra akhing na saüli ka, jang miishishi maq wiimiishi kra milea wan. Kra akhing leawan jai miishetiq, Jerusalem chela ka mitiihea hai wan. Chela mong wa lam thun nai chela trotam maq kiitelong ruk thun kra thepthep atang tingsang she mitiihea hai wan. Raüta kriika jang miishi maq wiiroqtrok ri wiinai misi wan. Shatmaq kra akhing bala ka pinthum litkot chamchao akhing miraq.

JEKERIA 14:10

Kra mung tlotli ka shekhu nü na Geba hiqshong maq phaho, raüta shemai nü ka Rimmon hiqshong na saüli, hiq thung miishe miitiija baiq. Jerusalem ka kra tro na maiqhiq thun thaq na diilu hiqlam miishe mija. Chela jonglu ka Benjamin Kilamchong maq phawan raüta, man na kongkhu na kilamchong asi dongdii riitaq, kriiba kiijaq saüli she miraq. Kiimaq riita Hananel kongmong chong ba kiina saüli raüta, hokhamwe spiqtsitai tiikitchang longtham ba kiijaq saüli she miraq.

John 5:2

Jerusalem na Sku Walam Kilü ngutlaq kra tho na thamchum ashi asi. Kra thamchum kiina, maiq khumchang lam ka biingi asi. Kra thamchum mang ka Jehudinok bom maq Bethjatha ngutlo.

TRI CHONGKE 20:5

“Kiijiishe phentubi raq phenlabi ma akhiishe mingu, ‘Riita arjaq maiq weshi ra ajam anye hai raüta, jam nyap poi klo hüshaqti maiq asi sha? Kiikhiiti asi jiila apaiq ka jam niili mijang wanlaq. Kra riimak raüla, apaiq ka re na tsaiki raü jaq ajam ka maiq ahinti riishe jamwa poi miklo wan.