NEHEMIA 2:19 - ASII LAKDAP Bible (BSI)

¹⁹ Ara jaqsham ahang sürii wan tsütsa ka tai raüta, Sanballat, Tobia, kiimaq Arab phan wa maiq weshi, amang min Geshem ngutlaq kriiwetiim raq, naishiq ka shumtsü miitsü raütiishe shummii siqto. “Ei, riita, namshiq riika jamlai riihokai ngutiiwa tiima tlan? Namshiq ka ajong hokhamwe wokhong wa dongho lanta maiqmii wela jaho ngutiisha dan tlan?”

Hawa Naga Bible 2001

¹⁹ Kvkaq kvruex thaungc kuex Sanbalat, Tobia nuiyc vmuingc Geshem ngoz yaq Arab hez rueq tay vtueq, tsuinghez rueq nuiyshiq kuex shummarc ngoz ngax phuex kuex, “Nuimhez kvmungx kuex yvmx khoc lac? Nuimshiq rueq honoc waz kuex khawc lvlc ngoz tueq haz?” ngoz tueq ngoz wuez phuex.

NEHEMIA 2:19 Referencias Cruzadas

NEHEMIA 13:28

Riita, tiinanpot ajiq pinthum she ka, Joiada ka Ramwe Ajong Pinthumwe Eliashib se riito. Shatmaq, Joiada setiim phong wa weshi riika, Beth Horon chela na siti welawe, Sanballat se kra lamto. Kriikha niishe, ngi raq Joiada ka Jerusalem wa jobaiq kang.

NEHEMIA 2:10

Shatmaq Beth Horon chela na sitiwe Sanballat raq, nai Ammon wang na sitiwe siihiipjong weshi, amang min Tobia nguta kra wenai raq, Israilnok mungmaiqse miitu jaqsham ahea shamketi maiq weshi she saühoto nguta, tsütsa ka taito. Raüta tsangnai ka pinthum makshu she khiqriqto.

NEHEMIA 4:1

Riita Sanballat raq naishiq Jehudinok raq ruk khetuk tiihea hai jaqsham ka aheawiq miishe hai wan kai nguta tsütsa ka taito. Kra tai raüta, apaiq ka pinthum amok dung dung she khiqriq wanto. Kiimaq atsan khiqtsi ma, naishiq ka thophi riiqphi, abom namtoktok shummii saisi wanto.

NEHEMIA 6:6

Kra lak dam niika akha waiqto: “Riita, lamthaq lamkiq na siti maiqhiq shong thun na, ümniiraq namshiqnok Jehudinok kra shea laüta, hokhamwe wokhong wa dongho laüta, maiqmii hokham shong wan ma nguta, chiqchap rechap she sürii wan tlaü nguwa, nguta shapshaü ka pa wantlo, nguta Geshem raq ngi ma tiitaito. Kra miitu tiina, namshiqnok raq Jerusalem chela ruk kra athen arki wa tiihea haitlo nguta, mungmaiqse hea wea na bom ka riichong rai tlo. Kiimaq Geshem raq ngi ma, ümniika Jehudinok thaq na hokham miishe mija wan haü nguwa nguta chongto.

NEHEMIA 6:9

Tsangshiq raq arthun joja rat tlaq arka, naishiq ka tiihai chhai raüta, jaqsham kra tiithaq baiq haijaq nguta tan khanto. Kra ningkhan ngi raq akhli achu jaü kang, “Shatmaq, Shiikeawe lei, ümchaü ngi ma ningkunli shoqkuq laq!”

YOBA 30:1

Shatmaq ümchaü ka ngi ma ano jerobi raq ngi ka shummiitlo! Tsangshiq ma awetiim ka ralang bangbang kong tsangshiq ka ihikong raq skukong rümtlaq kra dongdii min tlii dam mang riikang.

Tvtsvmc 123:4

Naishiq ka rahiq luheashe chiithe maiqse thoda maq phongtsok haihü wanto she, kiimaq shiikong miilong maiqse raq naishiq ka ji maq nishishi haihii wanto.

Tvtsvmc 79:4

Naimung tro na siti maiqmung thun raq naishiq shummiitlo; tsangshiq raq naishiq naikütlo kiimaq naishiq ka thophi riiqphi slailiitlo.

Tvtsvmc 80:6

Ümniiraq naimung tro na siti maiq mung thun ma naimung ka tiikhat laü kata; naijaqtinok raq naishiq shummiitlo.

Tvtsvmc 80:7

Naishiq ka naimung na hali tiijang shea wan nonglaq, Ningkun Ajong Shiikeawe lei! Naishiq ma ümtiihang mangchan tiichhilaq, raüla naishiq ka mitiichhii wan!

ISAIA 36:5

Apaiq raq bom ka akha shiitep waito, “Ümniinga nü maq abom bomtsi ka phenlabi ningkun nai nola jaqsham kra mitangtalot ngutiisha tiimatlaü? Ümniiraq Asiria mung tijongwe wokhong wa donghotlaü kra miitu jurwa ümniika rekhat na mikhrumkuq?

JEREMIA 20:8

Ngi raq ümtiikiiwa bom chong tiikang na, ngi raq tiihong lata, “Mat dong wanto! Mungthen wanto!” nguta agilülü riimtiikang. Tatiwe lei, ngi ka maiq raq jang wrapshe thophi riiqphi shummiitlo; jamkhano ngukla ngi raq ümtsütsa ka chiiriim lata chongkuq tiikang.

JEREMIA 41:10

Kra lot raütiishe apaiq raq hokham setiim jechaksere nai kiijaq Mijpa chela na siti mungmaiqse ajong phentuwe Nebujaradan raq Gedalia wokhong na atiisithü thun kra munglu shumwi ma lap wan raüta tsuq wanto. Raüta apaiq raq shumwikong ka shea wan raüta Ammon mung na walam nü kiiniishe wawanto.

Matthew 9:24

Kra chhi raüta, “Namshiq wiitarü ka arwa tiibin tlo ronglaq! Kinphai na dongho tlo rong! No ka tsai mak. Kriika miinan akon ja tiina!” nguta apaiq raq nokwe kra kinphai na jobaiqto. Kra tairaüta tsangshiq tarü raq Jesuq ka ashummii reali riito.

Mark 5:40

Tsangshiq raq apaiq bom ka tairaüta, anai khoti riito. Kriikha miishe, apaiq raq tsangshiq tarü ka kinphai na tiidong baiqto. Raüta, anyungwe kiimaq ajaqshisetiim wetsam kra shea raüta, no wechang khok na wato.

Luke 23:2

Raüta, tsangshiq raq apaiq ma kha ka akha nyanto, “Arwe ariiraq, naishiq nok mungmaiqse thun kriika, mungshuk lam phan na sheaho wa, naishiq raq apaiq ara lap wan kai. Apaiq raq Roman Hokham we ma phunta kewan ra mak nguta mungmaiqse ka tiishontlo chhi tiikai. Kiimaq, apaiq ka naishiq Jehudinok mung thaq na Khristo nguta tiichongtlo. Kriika hokham we nguta tiingo riito.”

John 19:12

Pilat raq ara bomtsi ara tai raütiishe sanha apaiq raq, Jesuq ka tiichhiike wan miitu lamlu ka ritto. Shatmaq, mungmaiqse phong riitsap rai tlaq kriiraq, ja sru wanwan she, “Ümniiraq apaiq kla khalot kuq haü jiila, ümniika Roman Hokham we kongti riimak! Jurwa ngi ka hokham we nguta tiichong tlaq, kriiti ka Roman Hokham ngachang kra jiibaiq tanti we ngushat!” nguta siitrang nongto.

Acts 24:5

Naishiq raq arwe arka mungshuk shaqti pinthum haisi chang ashi chhi tiikai. Apaiq raq mangjong tlotli na, Jehudinok phan liipan na, tatso wiinyi pahea tiibrak shaq wantlo chhi tiikai. Kiimaq apaiq arka, Najareth hiqti we phung wa lamsheati wela ashi.

Hebrews 11:36

Maiq wiijamti ka, maiq raq pinthum tho ariiq maq phong tsoktsok, shummii haihii wanto. Kiimaq, sintsang maq pheram pherak hihut tsat wanto. Kiimaq, wiijamti ka jinraü kharü maq kha raüta, phaqtek mong na shaqto.