NEHEMIA 2:18 - ASII LAKDAP Bible (BSI)

¹⁸ Latiishe ngi raq mungmaiqse welabi ma, Shiikeawe ka ngi rai asi, kiimaq ngi ka Jerusalem na kaiho miitu khrum kuqto. Kiimaq ajong hokhamwe raq, ara jaqsham miitu, ngi ma hon atsii ka jamkho chongkuqtaq, kriithun tsütsa kriishe tsangshiq ma tiitai chongkuq kang. Kiijiishe tsangshiq raq, “Lo, ikhla Jerusalem chela tro wa long peruk thun kra tiihea hai nong rong pha!” ngutiishe ibom taoto. Krai mren, nokmaiqse ka chaprang she chapto. Raüta, kra Jerusalem tro ruk thun kriishe tiihea hai miitu phanrap she tiijeme wan kai.

Hawa Naga Bible 2001

¹⁸ Tishox kuex ngaz rulc vdvmz raz tueq ngaz muex romc kuq wvnc phuex nuiyc honoc waz rueq ngaz muex yvmx khoc lac jungx phvnx kuex tsuinghez muex jungx kuq tauk. Tsuinghez rueq, “Lox guirx phaungc wvnc ix!” ngoz tueq yauk shuimc phaungc wvnc tvkoc tvyoalc wuez tueq.

NEHEMIA 2:18 Referencias Cruzadas

2 SAMUEL 2:7

Phung achaq maq kiimaq srea nolabi simaq sironglaq! Nam hokhamwe Saul ka tsaikito she. Kiimaq Juda mungti raq ngi ka tsangshiq hokhamwe miishe shongto.”

1 KAÜWA WERAÜ 11:10

Dawit phentu ajong nolajongbi mang thun ka arwetiim ara riito, Arwetiim raq Israil mungti mungmaiqse rai adam na pong raüta tsangshiq raq apaiq ka hokham ma shong wan na khrum kuqto. Arka Tatiwe raq apaiq ma kiqkham kuqtaq kra phan phan klo wanto. Kiimaq tsangshiq raq apaiq mungtan ka ajong ala ma tiija wanto.

1 KAÜWA WERAÜ 19:13

Nola ma jalaq. Kiimaq akhiismin naqhaikiq! Namungti miitu kiimaq na Shiikeawe chela thun kra miitu ningkun shoq laita khat rong i. Tatiwe raq thapthi tlaq kra phanphan li mihong laq.”

2 KAÜWA WERAÜ 32:5

Hokhamwe raq chela tiiwong chang kiitelong ruk thun ka tiihea haito. Kiimaq rekhechang kongmong chong thun haito. Raüta chela tro ruk phai na ruk ka liipshi hali hai nongto. Arthun arthaq niimin, Jerusalem ma shedong nü siim na Jerusalem chela chii ba hiq phong raüta re tiiwong chang thun haitaq kra tiihea hainongto. Kiimaq apaiq raq pahea piq thun nai liiq thun tiihaito.

EJRA 6:22

Tsangshiq raq ara Pi Maq Shohü Winsii Phaq Poi arka, ramiishitup, shreng raüta, chojong chise maq lang wanto. Tsangshiq ka pinthum khoqriiq shishiiq miishe siwanto. Jamkhano ngukla, Tatiwe raq Asiria mung langti ajong hokhamwe tsantsii ka Israilnok khrumke wan miitu tiininja kuq wanto. Krai mren, apaiq raq Israilnok ka Shiikeawe Shomjam kra tiihea haiwan miitu khrum kuqto.

NEHEMIA 2:8

Kiimaq hali, ngi raq hokhamwe jaq wa, rum wa pe kra liiwantiwe Asaph ma, rum na pe sitlaq kiiwa pehü pan ma lam raüta, Shomjam tro na long peruk kiijaq kilam chong thun kra hai wan miitu, kiimaq chela khetuk thun kra tiihea wan miitu kiimaq ngi miitu jamhai wan tiikang kiijaq lang miitu, pe raa tlaq kra, Asaph raq michom kuq laq nguta, aming kewan lak ashi kri waiqkuq haü jaq ahea nguta, bom ka tiitai kang. Shiikeawe ka ngi rai asi. Kiimaq, ngi raq ümchuwa jaü kang kra, hokhamwe raq ngi ma kunkun tiihong kuqto.

Ephesians 6:10

Riita ümchaü sanha, bomshat wan na namshiq ma ara tsiichong kuq tiipha ara tai rong laq. Namshiq ka Tatiwe rai pumshi hanshi she tiipum tlan krai mren, apaiq ningkun kra lap lanta srea nolabi ma ja lanta sirong laq.

Philippians 2:13

Ara jamkhano chongtiikang ngukla, Shiikeawe raq namshiq ma apaiq bomchong ka, phaqchii nichii maq lang wan miitu, namshiq tsan tiichhii kuqtlo. Kiimaq, namshiq raq apaiq jaqsham miitu, ningkun kuq tlo.

1 SAMUEL 23:16

Jonathan ka kiijaq apaiq phana kito. Raüta apaiq ma tsaido jido bomtsi chongkuqto. Kiimaq Shiikeawe raq apaiq ka khup wongkuq shat miraq nguta,