NEHEMIA 2:18 - Hawa Naga Bible 2001

¹⁸ Tishox kuex ngaz rulc vdvmz raz tueq ngaz muex romc kuq wvnc phuex nuiyc honoc waz rueq ngaz muex yvmx khoc lac jungx phvnx kuex tsuinghez muex jungx kuq tauk. Tsuinghez rueq, “Lox guirx phaungc wvnc ix!” ngoz tueq yauk shuimc phaungc wvnc tvkoc tvyoalc wuez tueq.

ASII LAKDAP Bible (BSI)

¹⁸ Latiishe ngi raq mungmaiqse welabi ma, Shiikeawe ka ngi rai asi, kiimaq ngi ka Jerusalem na kaiho miitu khrum kuqto. Kiimaq ajong hokhamwe raq, ara jaqsham miitu, ngi ma hon atsii ka jamkho chongkuqtaq, kriithun tsütsa kriishe tsangshiq ma tiitai chongkuq kang. Kiijiishe tsangshiq raq, “Lo, ikhla Jerusalem chela tro wa long peruk thun kra tiihea hai nong rong pha!” ngutiishe ibom taoto. Krai mren, nokmaiqse ka chaprang she chapto. Raüta, kra Jerusalem tro ruk thun kriishe tiihea hai miitu phanrap she tiijeme wan kai.

NEHEMIA 2:18 Referencias Cruzadas

2 SAMUEL 2:7

Hungc vlaungc tvhungc vtueq khvmc thuinz httax wuez kuinz! Nuimshiq hokhvmx waz Sholu kuex thueyc kaz shex, Yuda mungx jix rueq ngaz kuex tsuingshiq hokhvmx muex tvyaungc ruimc tix maq shvy kuq vphuex,” ngoz tueq.

1 KAÜWA WERAÜ 11:10

Vruex kuex muingc dung yaq Dawid shvrvyx bix muingc wvlc tvtsuingc rvtueq. Yehowa rueq bomkhvmc taq tueq rulc rv-ngvlc kvjungx yaq Israel miqsaz htenc rulc vdvmz nuex piq hokhvmx yaungc tvkoc tsuingshiq rueq romc kuq naungx ruiux, piq mungtan hungc vlaungc tvhttax wvnc tueq.

1 KAÜWA WERAÜ 19:13

Hungc vlaungc nuiyc khvmc thuinz httax wuez kuinz! Miqmac miqsaz htenc tvkoc nuiyc naungshiq Tishox ghaqyungx htenc tvkoc khvt wuez ix. Yehowa rueq vpiq thuinroc rulc rv-ngvlc mruez shueq,” ngoz tueq jungx tueq.

2 KAÜWA WERAÜ 32:5

Hokhvmx waz rueq ghaqyungx tvguing tvkoc ruk kuex tvhvlc tv-phaungx ruiux, pvrrawx htenc tvhungx guirx vtueq kvtuk htenc kuex tv-phaungx yek tueq. Kvdvyx muinz rvmuq, piq rueq Yerusalem ghaq kez maq shaldungc kox nuex ghaq tvmvrc htawc tueq htauk kvyuq tvhungx shec tueq kvtuk htenc kuex tvhvlc yek tueq. Piq rueq laq nuiyc lak htenc muinz paunghvlc tvhungx tueq.

EJRA 6:22

Tsuingshiq rueq Wisiz lomx muq Wantuc Moalx kuex vshuenc vruenc maq raungx mvshix tup moalx wuez tueq. Vkoz vkez thuinz mvrc wuez yaq, yvmx khoc lac ngoz ruiux lec Yehowa rueq Asiria honoc waz kuex tsuingshiq kox nuex htvlx phel wvnc vtueq Israel Tishox Shomc Yuimx guirc yek yauk shuimc nuex tsuinghez muex romc kuq naungx wuez tueq.

NEHEMIA 2:8

Shomc Yuimx bvmc juing wangx kaluix htenc, ghaqyungx palx ruk htenc nuiyc ngvy httaz juing yuimx laung nuex pulx kuy tvkoc hokhvmx pulx roz lawc jix waz Asap kox nuex luik wuiyq tvkoc muinz menjenc kuy tvkoc thoz tauk. Tishox kuex ngaz rulc vdvmz httaz ningkhvnc nuex ngaz rueq thoz tauk lotlaz kuex honoc waz rueq kuq phuex.

Ephesians 6:10

Ngaz rueq vtvsuip jungx tvtay roc, nuimshiq kuex Taungjix rulc vshiz dvyx yaungx vtueq vpiq ngauz vngax luimc vkawc maq nuimshiq hungc vlaungc kuex tvhungc wuez shuinz.

Philippians 2:13

yvmx khoc lac ngoz ruiux lec Tishox kuex vpiq thuinroc kvmungx lvmx nuex tvtay tv-phvnc roc thuinz maq phvnc lot juing hungc nuimshiq rueq lvp wvnc muex vpiq kuex nuimshiq nuex kvjungc phvnc hung yaq.

1 SAMUEL 23:16

Yonathan kuex kvruex hong kvyuq Dawid kox nuex kaz vtueq, Tishox rueq tvkhup wungx yaq kejux kuex vsuing lvp shuex lvmz piq muex hungc vlaungc kuy kvjaz jungx kuq ruiux,