NEHEMIA 2:17 - Hawa Naga Bible 2001

¹⁷ Yuq muinz majuiuc ngaz rueq tsuingshiq muex, “Yerusalem ghaq bac wvnc vtuex nuiyc palx kaluix htenc bac kay ningkhvnc nuex naungshiq yvmx khoc lac kuilc daz rvhumc vtix lvmz khiz vshuinx! Naungshiq muingc bac muq tvkoc ghaqyungx palx ruk kuex tvhvlc ix,” ngoz tauk.

ASII LAKDAP Bible (BSI)

¹⁷ Kra lot latiishe, “Liirong laq, singmung maiqse lei, nashiq ma chamchao jonghea asi. Jerusalem chela ka athen kaiwishe. Chela tro na long peruk thun ka wiita athen kaikun she. Chela tro wa kilamchong thun kriimin wiita tiithen baiqto! Lo, ümchaü min, chaprong i. Laita chela trotam wa long ruk thun ara tiihea hai rong i. Laita nashiq mung khushü jam tlaq ara tiijong rong i,” nguta ngi raq tsangshiq ma chongkang.

NEHEMIA 2:17 Referencias Cruzadas

EJRA 9:9

Nuiyshiq kuex dax hez rvtiq, yuq muinz mnoz rueq nuiyshiq kuex dax yauk shuimc nuex tuip gay shec phux rvmuq. Yuda mungx nuiyc Yerusalem nuex kvwungx juing lvmx humc wvnc tiq, tvhttoarc vtueq httaz lvp tvkoc muinz, kvhttak bac kaz tueq Mshomc Yuimx kuex tvhvlc guirc yek tvkoc muinz, Persia honoc ningkhvnc nuex mnoz rueq nuiyshiq muex htvlx phawc tvlvp kuq phux.

NEHEMIA 1:3

Tsuinghez rueq rullungx thuiuzthuic thueyc kaz muq maq miqmac mungx nuex yek waungc jix hez kuex pinhtumc kuilc daz rvhumc vtueq, phic vphaungx nuex httaz jix pungnuk miqsaz rueq wvlc guez tvyaungc yaq lvmz ngaz muex jungphvnx kuq phuex. Kvmaq raz tueq Yerusalem ghaq palx ruk htenc kvhttak rul wvnc vtuex lvmz nuiyc ghaqyungx kaluix kuex wvr rueq khamc gay tueq maq majuiuc nuex httuiuc laz tvhvlc muq shauk doc lvmz kuex jungphvnx kuq phuex.

NEHEMIA 2:13

Nuiyhez kuex shalx nyuip kox Warc Tvnx Kaluix maq dung kaz vtueq, ghaqyaz kox Yungrex Yuix Kuiuq kuex yanz wvnc vtueq Suingkez Kaluix nuex httuiuc laz khuemx kaz tiq. Ngaz rueq ghaqyungx palx ruk vbac kaz htenc nuiyc wvr rueq vkhamc gay palx kaluix htenc kuex lawc kaz tauk.

NEHEMIA 2:16

Ngaz m-yuq lac kaz tauk nguinx, yvmx lac shuimx kaz tauk nguinx kuex vyungx vlaungx bix uraq muinz tuiuz muq. Kvkhoc rvtueq Yuda miqsaz vganc jix, shomc waz bix, walaungx bix, vyungx vlaungx bix, rvmuq ngoz ruiux ngaz rulc yauk shuimc naungc jix ukhaq muex muinz jungphvnx kuq mauk doc.

NEHEMIA 3:15

Mizpa ghaq hong guimz lawc jix, Kohoze saz Shallum rueq Yuix Kuiuq Kaluix kuex tvhvlc guirx tueq. Piq rueq vshuip shuip ruiux, kaluix daungx htenc, kaluix kvr pumz htenc nuiyc vtaung htenc kuex tvhungx taq tueq. Piq rueq hokhvmx sunc hep wawc Shela Yuix Tumz palx ruk kuex Dawid Ghaqyungx hikhux nuex httuiuc laz ruk tueq.

Tvtsvmc 102:15

Miq phvnx htenc rueq Yehowa muex tvtsanc nganc wuez shuex; mungkawx wawc hokhvmx lotlaz kuex vpiq luimc vkawc muex hiyaz wuez tuex.

Tvtsvmc 44:13

Nuiyshiq muex mnoz rueq yvmx khoc lac ruez kuq phux kuex yuimx phic yuimx phaungx jix rueq khiz vtueq, tsuingshiq rueq nuiyshiq kuex shummarc vtueq nueykuic wuez yaq.

Tvtsvmc 44:14

Miq phvnx htenc hvlwvl nuex mnoz rueq nuiyshiq kuex vnuey svy juing muex tvyaungc vtueq; tsuingshiq rueq tsuingshiq khux kuex buil ruiux nuiyshiq kuex shummarc yaq.

Tvtsvmc 79:12

Taungjix lex, vganc mungtan htenc rueq wvlc guez waqguez maq mnoz kuex tuip gay wuez yaq ningkhvnc nuex tsuingshiq muex lauk mvshix murx tvyez kuq shuiuz.

Tvtsvmc 79:4

Phic vphaungx mungtan wawc miqphvnx htenc rueq nuiyshiq kuex shummarc wuez yaq; nuiyshiq muex nueykuic vtueq wvlc guez rvwuez yaq;

JEREMIA 24:9

Ngaz rueq mungkawx wawc miqphvnx lotlaz kv-khuirc hiyaz laz juing bac hvlc thuimkux kuex tsuingshiq htauk nuex tv-httuiuc shaungx. Ngaz rueq tsuingshiq tvpenc gay tauk baung ruip saz wawc miqphvnx lotlaz rueq tsuingshiq muex nueykuic shuex, shummarc shuex, ngoz ngax jungx saq vtueq tsuingshiq muingc maq kvtuemc taungc bomc rvhumc tuex.

AJONJÜ 2:2

Taungjix rueq Yuda mungx nuex httax yaq ghaqtek vtueq menjenc muq maq tvbac gay tueq, Mungtan kuex tvkhup wungx jix nolaungx ghaqshungc htenc kuex tvrul tvbunx gay tueq. Vpiq rueq mungtan nuiyc kvruex wawc vyungx vlaungx bix muex yvlc svy juing tvhttuiuc tueq.

AJONJÜ 3:51

Vruex ghaqyungx wawc yalxjuik rulx htenc nuex yaungx wvnc tueq kuex ngaz rueq khiz vtueq ngvy thuinz vmungx nuex yonz vtaungx.

EJEKIEL 5:14

Mtvroz maq lvy wvnc jix miqphvnx htenc wawc miq ruip rawx rueq mnoz kuex shummarc ruiux mnoz kuex koayc wvnc shuex.

Mikha 7:11

Yerusalem miqsaz lex, ghaqyungx palx ruk htenc tvhvlc ruk jauz shex httuiuc wvnc yaq. Kvruex kaq nuimshiq ghaq vraungx yungx wvnc tuex.

1 SAMUEL 11:2

Nahash rueq, “Israel miqsaz lotlaz tvyvlc sac muex nuimshiq muik vkeq kox htenc kuex luc gay ruiux yuq jix, ngaz nuimshiq rulc vrungx vraq kvjaz taq lot shaungx,” ngoz tueq tvralc tueq.