NEHEMIA 2:17 - ASII LAKDAP Bible (BSI)

¹⁷ Kra lot latiishe, “Liirong laq, singmung maiqse lei, nashiq ma chamchao jonghea asi. Jerusalem chela ka athen kaiwishe. Chela tro na long peruk thun ka wiita athen kaikun she. Chela tro wa kilamchong thun kriimin wiita tiithen baiqto! Lo, ümchaü min, chaprong i. Laita chela trotam wa long ruk thun ara tiihea hai rong i. Laita nashiq mung khushü jam tlaq ara tiijong rong i,” nguta ngi raq tsangshiq ma chongkang.

Hawa Naga Bible 2001

¹⁷ Yuq muinz majuiuc ngaz rueq tsuingshiq muex, “Yerusalem ghaq bac wvnc vtuex nuiyc palx kaluix htenc bac kay ningkhvnc nuex naungshiq yvmx khoc lac kuilc daz rvhumc vtix lvmz khiz vshuinx! Naungshiq muingc bac muq tvkoc ghaqyungx palx ruk kuex tvhvlc ix,” ngoz tauk.

NEHEMIA 2:17 Referencias Cruzadas

EJRA 9:9

Naishiq ka akhing ashi na di ma jakai. Shatmaq ümniiraq naishiq ka di ama rilung mong niili ka tiishaü baiqthü maü riilaü. Ümniiraq Parsia mung langwanti hokham ajongbi thun tsan nai tsii ka, naishiqnok khuthaq na mangchan tsantsii tiichhike miitu, tsangshiq tsan nai mongjii kilü ahea she dikuq wan laü. Krai mren, tsangshiq raq naishiq ka khusang rilung shongnga wan nong miitu, kiimaq ümnaq shomnoq wan chang Shomjam atiithenbaiq kra, tiihea hai wan nong miitu kilü she dikuq laü. Kiimaq ara Judia mung nai Jerusalem chela na khusang maq shongnga wan miitu, akhing ahea she kuq wan nong tlaü.

NEHEMIA 1:3

Kiijiishe, tsangshiq raq, “Nashiq mungti, munglu shumwi ma tsuq wan mak deati, lun wantiiti thun ka, kai chamchao mong niili sitlo. Kiimaq pongmung maiqse raq pinthum jomniim shaqshaq shummiitlo. Jerusalem chela long peruk kriimin wiita bunkito. Kiimaq peruk kilam kilü thun kriimin wa maq chaq raüta, wiita tiithen baiqto,” nguta tsangshiq chongto.

NEHEMIA 2:13

Ngi ka rawa mong niili tiido lata, chela tro ruk kra ahukse maq sisin wan wan shrira liikang. Shenyap nü na Jüwii Kilam Chong kriimaq liiphaho lata, hiqmai nü na Pren Kaü Khamdü nü na liiwan kang. Lata Shinchiitsap Phong Kilam Chong nü na liiwan kang. Ngi raq kra chela tro na ashthen arbaiq peruk thun ka, kiimaq wa maq chaq raüta ashthen baiq thun kra sidi liiwan kang.

NEHEMIA 2:16

Kiijaq Jerusalem na siti maiq ajong ala thun riika, ngi raq jamlai wa kiimung tiikang kra, kiimaq ngi ka ümbano kikang, kriika kra akhing niitaq, jurmin itho ka hemak riito. Kiimaq, ngi raq jaqsham chang sitlaq bomtsi tsütsa kriimin, inok ibin Jehudinok maiq ahinti ramwebi ngu i, kiimaq mungtubi ngu i, kiimaq ajong ala siihiipbi ngu i, kiimaq kra jaqsham na lom wandamti nokmaiqse ahinti ngu i, tsangshiq ma, ju miimin tsütsa ka tiitai wan mang shaq li riikang.

NEHEMIA 3:15

Kiimahali, Mijpa wang pengti Kolhoje se Shollum riika, Khamdü Kilamchong ba kra tiihea haito. Apaiq raq Kilamchong lam kra tiiham wandamto. Raüta kilü ka tiihea haito. Raüta kilü ka kilüchü tiihong chang ba kiijaq riikhaqli tiihong hainongto. Raüta kilü tiipha chang jinpan maq keabaiqto. Kiimaq kilü lachang jinpan thun tiihongto. Apaiq riika Shela Thamchum ba maq phaho raüta, hokham petsiro sonruk na saüli tiiham raüta, Dawit Chela ngutlaq hiq ba maq maiqkhum chang long hiqkhuphi lam kiijaq saüli tiihea haito.

Tvtsvmc 102:15

Maiqmung thun raq Tatiwe ma mihaisong wan; mangjong hiq na siti hokhambi kunli raq apaiq ningkun ma mihai.

Tvtsvmc 44:13

Ümniiraq naishiq ma jamlai wa riilaü kra naishiq ma siqketi raq chhito, raüta tsangshiq raq naishiq ka slailiitlo kiimaq naikütlo.

Tvtsvmc 44:14

Ümniiraq naishiq ka maiq mung thun makki na, saisi thoda moqseatinok miishe tiijabaiqlaü; tsangshiq raq tokbai laqlaq naishiq ka saisitlo.

Tvtsvmc 79:12

Tatiwe lei, pongmungti thun ma tsangshiq raq ümniima shumiitaq kra kha na jang miishi tliip laüta mo tiiholaq.

Tvtsvmc 79:4

Naimung tro na siti maiqmung thun raq naishiq shummiitlo; tsangshiq raq naishiq naikütlo kiimaq naishiq ka thophi riiqphi slailiitlo.

JEREMIA 24:9

Ngi raq tsangshiq khuthaq na pinthum achonglot mai, chamchao sangrai mitiisaüha. Kra tsangshiq thenjen wan kra chhi raüta pongmungti thun pahea ka phiip raq mitsai. Maiqse raq tsangshiq ka pinthum aslailii she mirwan. Kiimaq tsangshiq ka slailii raüta naikü sherüli she miraq. Raüta, shummii shaqshaq mirwan. Kiimaq tsangshiqnok mang kra chong raüta, Ngi raq tsangshiq ka maiq mung ümtin niiwa tiipin baiq kang kiijaq maiq manson tiihap chang bomtsi miishe mitiija wan.

AJONJÜ 2:2

Tatiwe raq Juda mung wa, maiqhiq shong kunkun shiithenbaiqto. Kiimaq kra mung wa rewa tochang chela tro ruk thun, wiita robbaiqto. Apaiq raq kra mungtan thaq na, nai hokhambi khuthaq na, thoda maq phongto.

AJONJÜ 3:51

Chelati nyungre ma, chamchao tsi saütaq kra chhiha la, imongpo na tsi wantlo.

EJEKIEL 5:14

Ümtro na maiq mung thun sitlaq kriiwa maiq loweatek alea wan lam maq ümniika chhi raüta thophi riiqphi mishummii. Kiimaq apaiq ümtho na wamak, alu miilishe milii.

Mikha 7:11

Jerusalem chelati lei, chela tro ruk tiihea haiwan akhing she misaü wan. Kra akhing na namshiq hiq trai ka, atiijongshe miraq.

1 SAMUEL 11:2

Shatmaq Nahash raq treto, “Ngi raq namshiq ka itongshong maq tiiham hala tri ka akha mithüha: Ngi raq namshiq loweatek makpo maktsi nü ka atiiphok mirbaiqha. Lata Israil mung tlotli khushü ka mitiijamha.”