DUNGWVNC 28:3 - Hawa Naga Bible 2001 Arun kuex ngaz muex shuimc kuy tvkoc shomc waz yaungx vtueq yauk shuimc tvkoc, ngaz rueq vkuq vthenc vtuiuz jix htenc kuex gvl vtueq, piq tvkoc marrarc kuex tvkuk shuiuz. ASII LAKDAP Bible (BSI) Kiimaq Ngi raq jaqsham smabi hon atsii juju mo kuqkang kriibi thun ka wiita healaq. Laüta tsangshiq ma Aron rohun khu akhea thun kra klo ronglaq nguta chonglaq. Kra raütiq apaiq raq akhum ka Ngi shiikumpan ramwe jaqsham miitu kiinongke chang miraq. |
Vwaz kuex Tire ghaqyungx nuex vthueyc kay wuez nvyrvyx jek yauk shuimc thenc hvlc waz rvtueq; vnyuiuz kuex Naphtali phvnx wawc rvtueq. Huram kuex thenc tuiuz hvlc nuiyc tak lak tuiuz tay vhttax yauk maq shuimc thenc hvlc waz rvtueq. Nvyrvyx yauk shuimc httax mvhttax nuex seng vtueq tvkuiux raz shunshvlc tvkoc Hokhvmx Solomon rueq gvl tueq kuex tay kuy jix waz rvtueq.
“Nuimshiq nuex httax yaq vshuimc vthenc jix miq lotlaz kuex Yehowa rueq nvr yaq rulc rv-ngvlc kaz vtueq shuimc wuez rax:
Khvytuiuz ruiy shuimc thenc yaq yalxjuik rulx lotlaz rueq ruiynyel, khuingc wuil nvm-yaz, pasic nvm-yaz nuiyc vshawx htenc maq tsuingshiq rueq paungx vtueq laq wuez tueq.
Moshe rueq Israel miqsaz muex, “Yehowa rueq Yuda phvnx wawc Hur suiuz, Uri saz Bezalel kuex thvl wvnc tueq.
Tishox rueq piq htauk nuex vpiq luimc vkawc tvmvrc kuq vtueq, vthenc vtuiuz phaqjic, yauk maq shuimc thenc juing nuiyc vtuiuz vtay tharc htenc maq, thamx waz yauk shuimc phvnx ruip saz muinz,
Tsuingshiq muex thamx waz vthenc vtuiuz, phvnx ruip saz tvhungx tvdungc thenc juing, khvymvnz vnyel, khuingc wuil nvm-yaz, pasic nvm-yaz, khelbuenx ruiyshawx nuiyc vganc khvymvnz htenc kuex tauk thenc yaq yauk shuimc, hpaqjic phvnx ruip maq shuimx thenc yaq phaqjic, phvnx ruip saz tvhungx lot yaq vthenc vtuiuz tharc kuq tueq. Tsuingshiq kuex phaqjic phvnx ruip saz tuiuz thenc wvnc vtueq, phvnx ruip saz tvhungx tvdungc thenc hvlc jix hez muex tvyaungc tueq.
“Bezalel, Oholiab nuiyc Yehowa rueq vthenc vtuiuz nuiyc vtuiuz vtay kuex kuq tueq, vganc thamx waz bix lotlaz muex Yehowa rueq nvr tueq phvnx ruip saz maq vsawc Tap kuex guirc nuex rax yaq htenc kuex shuimc kay wuez rax,” ngoz tueq jungx tueq.
Moshe rueq Bezalel, Oholiab nuiyc Yehowa kox wawc thenc tuiuz tharc vlvp shec jix lotlaz, kvmaq vromc kuy thuinz vhttax jix htenc kuex gvl vtueq, yauk shuimc phaungc wvnc tvkoc tsuinghez muex jungx tueq.
Kvruex kuex taksux tharc kuy jix Yehowa rvtueq; phaqjic nuiyc vtuiuz vtay juing kuex vpiq kox wawc vkaz rvtueq.
Piq rueq miqmac miqsaz htenc kuex guimz lawc tvkoc, Yehowa siyac rueq piq muex taksux tharc, phaqjic nuiyc vthenc vtuiuz kuex kuq shuex. Piq rueq Yehowa thuinroc kuex tuiuz vtueq vpiq muex tvtsanc nganc shuex,
Nuimshiq rueq Tishox kuex pinhtumc tuiuz wvnc wuez shuinz, naungshiq Taungjix Yesu Christu vpiq Tishox ngoz yaq ngauz vngax httax yaq Tishox rueq tharc nuiyc tvluz nuex tuiuz lot yaq tvkhic romzyac kuq lot yaq Siyac kuex nuimshiq muex mkuq kv-phuinx, Iwaz Tishox kox wawc vjux thoz vshaungx.
Moshe jvp juing nuex kvlayc tvkoc piq rueq vthvl Nun saz Yoshua kuex taksux tharc mvrc yaq. Israel miqsaz rueq Yoshua kvjaz kuex tay phvnx vtueq, Yehowa rueq Moshe maq raz tueq tsuingshiq muex kuq shec tueq vnvrc kvjaz htenc kuex phvnx wuez tueq.
Vhvlx nuiyc hunghtaungx yaq kejux yauk noalc vngoz htenc kuex raungmungx raungwuic shvmx htenc Tvdung sung ruiux raungnyauk kuex ruip rux vtueq tvyek yix muq raungmungx nuex httax yaq Tishox kox wawc svt kaz tueq.