TAKSU LAK 2:6 - Hawa Naga Bible 2001

⁶ Kvruex kuex taksux tharc kuy jix Yehowa rvtueq; phaqjic nuiyc vtuiuz vtay juing kuex vpiq kox wawc vkaz rvtueq.

ASII LAKDAP Bible (BSI)

⁶ Tatiwe ka maiqse ma taksu tsii keti. Apaiq raq maiqse ma nyan phaqchi shrinkuq tlo. Kiimaq asap atsin wan lam tiichhi kuqtlo.

TAKSU LAK 2:6 Referencias Cruzadas

1 HOKHVMX 10:24

Tishox rueq piq muex kuq tueq taksux tharc kuex tay kay tvkoc mungkawx lotlaz rueq raungc raq wuez tueq.

1 HOKHVMX 3:12

mnoz rueq thoz toq rulc rv-ngvlc ngaz rueq shuimx kuq phaungx. Kungkhux nuex muinz httax muq shauk, yix maq muinz httax muq shex, miq htauk nuex vjvnc taksux tharc nuiyc vtuiuz vtay lot juing tharc kuex ngaz rueq mnoz muex kuq phaungx.

1 HOKHVMX 3:9

Kvkhoc rvtueq vhvlx nuiyc vbac kuex tvrv-phvlc thenc vtueq, mmiqsaz htenc kuex tvrac vlvmz maq guimz lawc lot tvkoc ngaz muex rax yaq taksux tharc kuex kuq koq. Kvkhoc kuq muq ngoz ruiux kuex ngaz rueq vjuc paung yaq mmiqsaz htenc kuex yvmx khoc maq lac guimz lawc lot shaungx?” ngoz tueq tvralc tueq.

1 HOKHVMX 4:29

Tishox rueq Solomon muex vhtaz lot muq yunghvlc pungx taksux tharc nuiyc lotlaz khiz tuiuz lot yaq tharc nuiyc phaqjic kuex kuq tueq.

1 KAÜWA WERAÜ 22:12

Vpiq Tvrac rulc rv-ngvlc Israel mungtan kuex mnoz rueq guimz lawc lot laz juing Yehowa m-Tishox rueq mnoz muex tharc nuiyc taksux tharc kuex mkuq kv-phux.

EJRA 7:25

“Ezra lex, mnoz kuex m-Tishox rueq mnoz muex kuq kv-phux taksux tharc kuex shuimx vtueq, m-Tishox tvrac phvnc jix Euphrat maq Shalx nyuip kox nuex httaz jix hez lotlaz kuex guimz lawc muex vyungx vlaungx bix nuiyc phoc waz bix kuex tvhungx taq shuiuz. Kvmaq Tvrac kuex tuiuz muq jix ukhaq yuq muinz mnoz rueq kvruex lvmz kuex tvluing kuq shuiuz.

NEHEMIA 7:5

Mungx miqsaz tsuingshiq walaungx bix nuiyc vyungx vlaungx bix htenc kuex tvtuimx vtueq, tsuingshiq yuimx taungx muingc wvlc htenc kuex wisoz tvkoc Tishox rueq ngvy thuinz tvsvmz kuq phuex. Vthuq vruez laq wawc vphaungc yek jix hez muingc wvlc kuex vkhoc thuiyx vtueq humc tauk.

YOBA 12:16

Tishox kuex hungc vlaungc httaz ningkhvnc nuex mkaq muinz taungx wvnc tueq; vlauc lawc jix waz nuiyc vlauc lawc rvhumc jix waz muinz vpiq luimc vkawc nuex httax yaq.

YOBA 22:22

Vpiq rueq tvluing kuq yaq kuex lvp wvnc vtueq; Vpiq kvjaz htenc kuex mthuinz mmungx nuex tvtsuingc taq shuiuz.

YOBA 32:8

Yuq muinz miqsaz muex taksux tharc kuy jix waz kuex Tvphaungc Tvsuip Tishox siyac rvtueq.

Tvtsvmc 119:104

Ngaz rueq mtvrac htenc wawc taksux tharc lvp wvnc ning-khvnc nuex vbac phvnx lotlaz kuex ngaz rueq shuiuc pac vshaungx.

Tvtsvmc 119:34

Mtvrac kuex ngaz muex tvlez kuq koq, kvruex ngaz rueq phvnx shaungx; ngvy thuinz vmungx lotlaz maq kvruex ngaz rueq tvtsuingc taq shaungx.

Tvtsvmc 119:98

Mnoz rueq nvrc bomc tvrac kuex ngaz rulc vkhing ruip rawx httax vtueq, kvruex ningkhvnc nuex ngvy ralx hez htauk nuex muinz jvnc vtueq ngaz muex tharc tvlvp luz yaq.

Tvtsvmc 19:7

Yehowa tvrac kuex hungx htaungx mvrc yaq; kvruex hungc vlaungc vnyalx kuq yaq. Yehowa rueq nvrc bomc htenc vkvmx juing ningkhvnc nuex, kvruex tvrac lvp muq jix htenc muex taksux tharc kuq yaq.

Tvtsvmc 19:8

Yehowa tvrac kuex vlvmx rvtueq, kvruex tay phvnc jix htenc kuex thuinhvlx wuez yaq. Yehowa rueq nvr yaq tvrac htenc kuex vlvmx rvtueq, thuinz vmungx nuex tvtuiuz tvtay kuq yaq.

Tvtsvmc 51:6

Mnoz rueq thuinz vrux lvmx nuiyc rvkhauk laz lvmx kuex thoz vshuiux ningkhvnc nuex; ngvy thuinz mungx nuex mnoz taksux tharc tvmvrc kuq koq.

Tvtsvmc 94:10

Vpiq rueq miqphvnx htenc muex tvtharc yaq, vpiq rueq tsuingshiq muex murx tvgurc muq haz rvshvnx? Vpiq kuex miqsaz lotlaz muex tvluingc kuy jix waz rvtueq, vpiq kuex phaqjic httax muq haz rvtvnx?

DUNGWVNC 31:3

ngaz rueq piq muex ngvy luimc vkawc tvmvrc kuq tauk. Ngaz rueq piq muex vtuiuz vtay tharc, vthenc vtuiuz phaqjic, yauk maq shuimc juing phvnx ruip saz shuimc thenc juing,

TAKSU LAK 6:23

Tsuingshiq rueq tvhonc tvtharc yaq kvjaz kuex phelez hvlc raungwuic ikhoc rvtueq, tsuingshiq rueq tvhonc tvtharc yaq kuex mthuiuz thuic tvraungx juing lvmx tvkhic kuq lot yaq.

THARC TVLUINGC 2:26

Tishox rueq taksux tharc, phaqjic nuiyc vkoz vkez juing kuex vpiq muex raungc raq jix muex kuq yaq, yuq muinz vpiq rueq mvrax vhttax jix muex yauk shuimc tvhunc nyec tvshuimc ruiux, tsuingshiq rueq thuiyx lvmz yaq hup vsvmx htenc kuex vpiq muex raungc raq jix bix muex kuq tueq. Kvruex lotlaz kuex khuec guez dvyx rvtueq. Kvruex kuex raungguil yurc yaq ikhoc dvyx rvtueq.

ISAIA 54:13

“Mmiqsaz kuex ngvy pumz maq tvtharc shaungx tsuingshiq muex rungwanx nuiyc nomic kuex kuq shaungx.

ISAIA 8:20

Nuimshiq rueq tsuingshiq muex, “Yehowa rueq nuimshiq muex mkhoc lac tvluing kuq yaq kuex tay wuez shuinz! Htaungc shvmmax bix rueq jungx yaq kvjaz kuex nauk tay kaz, tsuingshiq rueq nuimshiq muex jungx yaq kvjaz kuex vkuilc vdaz tvhvlc kuq lot yaq rvmuq,” ngoz tueq tvralc shuinx.

DANIEL 1:17

Tishox rueq yalxrox waz bvlic kvmac phaqjic nuiyc luik vlvyx thenc tuiuz wvnc juing tharc kuq tueq. Kvdvyx muinz rvmuq, vpiq rueq Daniel muex maung nuiyc romzyac tvkhic htenc kuex jalc jungc lot juing tharc muinz kuq tueq.

DANIEL 2:21

Vpiq rueq vkhing nuiyc raungx vghaq shvmrvmx kuex guimz yaq; vpiq rueq hokhvmx bix kuex tvyaungc vtueq tvsvt gay yaq; vpiq rueq taksux tharc nuiyc vtuiuz tay lvmz kuex kuq yaq.

DANIEL 2:23

Ijix iwaz Tishox lec, ngaz rueq mnoz muex tvtsvmc kvmc vtueq tvtsanc vphaungx. Mnoz rueq ngaz muex taksux tharc nuiyc hungc vlaungc kuq vphux; mnoz rueq ngvy vjux thoz kuex tvralc vphux nuiyc hokhvmx waz muex yvmx khoc jungc juing lac kuex tvkhic vphux.”

Luke 21:15

Yvmx khoc lac ngoz ruiux lec nuimshiq ralx hez rueq khawx lot muq laz juing nuimshiq muex kvjaz hungc vlaungc nuiyc taksux tharc kuex ngaz rueq kuq phaungx.

John 6:45

Shvmmax bix luik htenc nuex, ‘Miq ruip rawx kuex Tishox rueq tvluingc kuy lvp wvnc wuez shuex,’ ngoz tueq wuiyq shec tueq. Kvkhoc rvtueq Iwaz rueq vjungx kvjaz kuex tay vtueq, vpiq kox wawc tvluingc lvy rvhumc jix htenc kuex ngvy kox nuex kaz wuez yaq.

James 1:17

Vhvlx nuiyc hunghtaungx yaq kejux yauk noalc vngoz htenc kuex raungmungx raungwuic shvmx htenc Tvdung sung ruiux raungnyauk kuex ruip rux vtueq tvyek yix muq raungmungx nuex httax yaq Tishox kox wawc svt kaz tueq.

James 1:5

Yuq muinz nuimshiq wawc washiz shiz taksux tharc rax kaz ruiux yuq piq rueq Tishox kox wawc mthoz shueq, Tishox rueq piq muex kuq shuex; yvmx khoc lac ngoz ruiux lec vpiq rueq lotlaz laz muex vphungc vphawx kejux maq kuy jix waz rvtueq.