TAKSU LAK 2:6 - ASII LAKDAP Bible (BSI)

⁶ Tatiwe ka maiqse ma taksu tsii keti. Apaiq raq maiqse ma nyan phaqchi shrinkuq tlo. Kiimaq asap atsin wan lam tiichhi kuqtlo.

Hawa Naga Bible 2001

⁶ Kvruex kuex taksux tharc kuy jix Yehowa rvtueq; phaqjic nuiyc vtuiuz vtay juing kuex vpiq kox wawc vkaz rvtueq.

TAKSU LAK 2:6 Referencias Cruzadas

1 HOKHVMX 10:24

Krai mren mangjong maiqse kunli raq apaiq phana waraüta Shiikeawe raq apaiq ma taksma tsii akuq kra taisea wa lungwiisiqto.

1 HOKHVMX 3:12

ümniiraq ijaq wa jamlai wa jaü laü kra ngi raq mikuqha. Ngi raq ümniima maiq ahinti juwe riimin milap wan shaq kiimaq rawiichii niimin jurmin lap wan lot mak chang phan anyan phaqchi tsaühea kiimaq taksu tsii kra ümniima mikuqha.

1 HOKHVMX 3:9

Kra ningkhan ngi raq ümsenginok ka tingting tri maq peng wan miitu, kiimaq ajiq nai alam kra riikhaqli maq chechiip wan miitu, ngi ma anyan phaqchi kuqtlaq. Kra riimak nguraü ka ngi raq ara ümsenginok maiq mung ariim khan ajong alu phan arka jamkho mipeng wan lotha?”

1 HOKHVMX 4:29

Shiikeawe raq Solomon ma achan ana asho awo anyan phaqchi nai taksu tsii kuqto. Kiimaq apaiq raq phaqchi saptsin wantaq kriika athap raüta shinlot mai chang kuqto.

1 KAÜWA WERAÜ 22:12

Kiimaq Tatiwe üm Shiikeawe raq ümniima taksma anyan nai taksu tsiitiq mikuq laq. Krai mren, ümniiraq Israil mung ka apaiq tri raütu kra phan phan mipeng wan haü.

EJRA 7:25

“Ejra lei, Shiikeawe raq ümniima taksu tsii kuqtaq kra lümaq, Euphretis Jürai maq Shenyap Mung na Shiikeawe Thungtri lang wan raüta siti mungmaiqse ka ahea maq peng wan miitu, ümniiraq welabi nai phowebi shonglaq. Kiimaq ju riiwa Shiikeawe Thungtri ka sapmak, kriiti miimin, Thungtri ka samhea maq tlang kuqlaq.

NEHEMIA 7:5

Li jiimin, Shiikeawe raq itsan mong na atsi dada maq, ngi raq mungmaiqse thun ka, kiimaq tsangshiq khuthaq na welabi, kiimaq siihiipbi kra wiita adam na riitam hea raüta, ngongthun chang nguta chongkuqto. Raüta, tsangshiq ka ata ata maq, kaüwa weraü mangthun kra konchon rit raüta, awaiqthü chang nguta, tiidoto. Krai mren, ngi raq munglu wansha aphashaq shaq Jerusalem na laü wantiiti thun kaüwa weraü mang raüpot awaiq thü ka hum kang. Riita kra kaüwa weraü mang raüpot ka arthun ara riito:

YOBA 12:16

Shiikeawe ningkun ka henghea kiimaq apaiq raq phanrap ka tang wan ruqli; tlao raitaqti nai maiqlaoti tsangnai wiita ka ajaq khon mong na.

YOBA 22:22

Apaiq raq shrinkuq tlaq kra taolaq; apaiq bomtsi ka ümtsan mong na shaq laq.

YOBA 32:8

Shatmaq Ningkun Ajong Shiikeawe wenyi ka maiqse khum na saüki tlaq kriiriitiq maiqse ma taksu tsii ka kuqtlo.

Tvtsvmc 119:104

Ngi raq ümtri wa taksu tsii sapwan tiikang, krai mren ngi raq abi rong arai ka wiita saisi tiikang.

Tvtsvmc 119:34

Ngi ma üm tri raütu ka phanchan kuqlaq; raüla ngi raq milang wanha; Ngi raq itsan imongjii na shaqlata milangha.

Tvtsvmc 119:98

Ümnaq aming raütu ka wranaiqshe ngi rai sishat, krai mren ngi ka ijaqtibi thaq na taksu maiqse tiijatlo.

Tvtsvmc 19:7

Tatiwe thungtri ka minhap; Kriiraq ningkun anye kuqtlo. Tatiwe aming thun ka akamsea chang, taksu tsii ahüti ma taksu tsii kuqtlo.

Tvtsvmc 19:8

Tatiwe thungtri raütu ka riikhaqli, kiimaq tri raütu langtibi ka khoqriiq shishiiq sitlo. Tatiwe aming thun ka tingting kiimaq khutsai tiikhang kuqtlo.

Tvtsvmc 51:6

Ümniiriika tingting kiimaq tengteng kli rittlaü; ikhutsai ka üm taksu tsii maq tiimakuqlaq.

Tvtsvmc 94:10

Apaiq raq maiqmung thun sontlo— apaiq raq tsangshiq ma mo tiihomak sha miraq? Apaiq ka maiqse wiita ma shrawe— apaiq raq phaqchi sapmak shea?

DUNGWVNC 31:3

Kiimaq Ngi raq apaiq khum na iningkun ka asho awo tiimakuq kang she. Ngi raq apaiq ma taksu tsii kuq kang, jaqsham sma phaqchi kuq kang. Kiimaq phanrap phanrii awaiq angon jaqsham phaqchi kra kuq kang.

TAKSU LAK 6:23

Tsangshiq danhon ka, ümniima achai anyii waniitu, Tsangshiq honchong ka, ümniima rilung lam.

THARC TVLUINGC 2:26

Shiikeawe riili, apaiq tiichochiti ma, taksu tsii, kiimaq anyan phaqchi, kiimaq khoqriiq shishiiq rilung shiiman kuqtlo. Shatmaq apaiq raq ngarai maiqse miika, jaqsham minshiiq na tiihun niitlo. Raüta tsiiq nai nyamtum riichom raüta tiitotlo. Raüta kra tsangshiq tsiiq tum ka apaiq tiichochiti ma kuqtlo. Arthun arka atuli. Rahai jaijoli.

ISAIA 54:13

“Ngi raq ipumsii maq ümsenginok ma mishrinkuq wanha, lata tsangshiq ka chiithe lüwanok ma mitiija wanha, kiimaq hansang maq mirüm wanha.

ISAIA 8:20

Kra nguraüla, namshiq raq akha tre ronglaq, “Tati raq namshiq ma jamlai wa tlangkuqtlaq kra samhea tiitsang taironglaq! Tha shammibi bom ka naqtai rongkiq! Tsangshiq raq namshiq ma jamlai wa chongkuqtlaq kriiriika namshiq miitu jamlai achu min ahü miraq.”

DANIEL 1:17

Krai mren, Shiikeawe riimin kra jerobi weblai kiimiika, phaqchi kiimaq laktsin wan na taksutsii kiimaq rakaü hiqwe phaqchi kuqto. Kra thaq niimin, Daniel miika riisham bomchong nai rawa ma liichum chongke saptsin wan phaqchi kuqto.

DANIEL 2:21

Apaiq ka rahiq jipi thapthi wantiwe! Jurai liirai tiihongtiwe! Hokhambi shongti min apaiqli, hokhambi runbaiqti min apaiqli. Apaiq kli anyan phaqchi keti, kiimaq taksu tsii keti.

DANIEL 2:23

Ngi raq ümnaq tiitsam tiikang, kiimaq shreng tiikang, ititiim Shiikeawe lei. Ümniiraq ngi ma anyan phaqchi kuqlaü, kiimaq ningkun kuqlaü; ümniiraq ngi achujaü trekuq laü, kiimaq hokhamwe ma jamlai chong chang wa, kra naishiq ma tiichhikuq laü.”

Luke 21:15

Ara jamkhano chongkuqtiikang ngukla, ngi raq namshiq ma phaqchi mikuq kang. Namshiq raq maiqmii khum tiikhe bomchong ka, namjaqti nok raq jurmin khü lot mak chang bom michong kuq han.

John 6:45

Shammibi phong wa weshi raq, ‘Kiimaq tsangshiq tarü ma Shiikeawe riishe mishrin kuq wan’ nguta waiqthüto. Krai mren, jurwa Awe bom ka ni tiitsii raüta tai tlaq, kriiti kli i puk na minyap.

James 1:17

Phanrap ahea awa kongphiq ümchuwa sitlaq, kiimaq phanrap athuk atsom kongphiq ümchuwa sitlaq kriika, ramungtan na siti Shiikeawe raq siisaq akuq. Arthun arka Shiikeawe jaq wa siisaq saütlo. Apaiq ka ra na diim tlaq raiqsaiq, jipi, rashe sitlaq kra Tiiqti we. Apaiq ka pattup klai mak phan. Apaiq riika maiqse rilung na ra tiinyaq mak phan.

James 1:5

Shatmiitiina, namshiq liipan na, ara chongtiikai minhap maiqse rilung ara siwan miitu, taksu tsii ka lap mak shaqli, weshi ra asi jiila, apaiq raq Shiikeawe ma achu mijaü laq. Raüla, Shiikeawe raq apaiq ma mikuq. Jamkhano ngukla, taksu tsii jaüti, wiita ma, Shiikeawe raq jaq tiichhii raüta, khoqriiq shishiiq maq, raükhokkhok kuq tlo.