DUNGWVNC 28:4 - Hawa Naga Bible 2001

⁴ Tsuinghez rueq kuk juing khvy marrarc kuex hungtuingx, khuiuq puingc, hungluz, hungyungx, vwuiyq vhttax svmhung, khux phop nuiyc kheshuit htenc kvruex rvtueq. Kvruex khvy marrarc htenc kuex mphuz Arun nuiyc piq sahez, shomc waz muex yaungx vtueq ngvy yauk shuimx shuex nuex svmc juing shomc waz marrarc htenc rvtueq.

ASII LAKDAP Bible (BSI)

⁴ Tsangshiq ma khuk na samchang miirii, asii kheaphu, samtong jong kaü, rai maq sumla akokrat samtong, akhuphok, kiimaq kheabuntusetiim thun kra klo ronglaq nguta chonglaq. Tsangshiq raq ara ramwe rohun thun ara ümphu Aron nai asetiim miitu kloke chang. Raütiq tsangshiq ka ramwebi ma ja raüta Ngi ka mishkumpanlot.

DUNGWVNC 28:4 Referencias Cruzadas

2 SAMUEL 6:14

Dawid rueq muinz vkhez tvroz kvyuq dvyx ruiynyel khvy kuex svmx vtueq Yehowa muex tvtsanc nganc kuy muex ngoz tueq piq hungc vlaungc lotlaz maq wvnuemz nvyx tueq.

DUNGWVNC 25:7

Shomc Wayungx khvy hungtuingx nuiyc khuiuq puingc juing nuex tvkop juing karnelian lung nuiyc vganc lungsex htenc rvtueq.

DUNGWVNC 29:6

Piq htauk nuex khux phop kuex tvdaungc kuq ruiux, ‘Yehowa muex vlekuq,’ ngoz tueq vwvt wuiyq taq shec kuimshawx phux kuex khux phop htauk kvyuq khvrc tvy rax.

DUNGWVNC 39:28

khux phop, vsvp waq khux phuk htenc, vnyel waq svmhung htenc,

ISAIA 11:5

Piq rueq piq miqsaz kuex tvrac vlvmz nuiyc tsuingrux maq guimz lawc shuex.

ISAIA 59:17

Vpiq rueq vrungx vraz tvrac ngoz yaq yanx svmhung kuex svmx ruiux palc daungc luimc vkawc ngoz yaq yankhux phuk kuex buz shuex. Vpiq rueq menjenc svy ngoz yaq khvy kuex svmx ruiux, miq htenc tvkuilc daz yaq vyaq htenc muex murx tvgurc kuy ngoz yaq khvy kuex svmx shuex.

Hosea 3:4

Ekvkhoc Israel miqsaz htenc kuex vkhing loayc hvlc hokhvmx htenc lvp muq, walaungx bix muinz vguez, shomc nawk kuy vguez, vsawc lunghtung htenc mungx nuex, yac yuimx vguez, luinglawc shuex nuex shuimc juing vyac htenc lvp muq maq dvyx httax wuez tuex.

Ephesians 6:14

Kvkhoc rvtueq tvyoalc hvt httax wuez kuinz, tsuingrux ngoz yaq kheshuit ruiuz muinz, tsuingrux ngoz yaq khuiuq puingc juing lak kvruex muinz,

1 Thessalonians 5:8

Yuq muinz naungshiq kuex raungwuic suiuz vsaz hez rvtiq ningkhvnc nuex, honc maq httax wuez kuinz. Naungshiq rueq kvmluimx nuiyc lungwawc ngoz yaq khuiuq puingc kuex puingc ruiux, palc daungc wvnc rvhumc muex thuinz tvluimc juing ngoz yaq yanx khux phuk kuex buz wuez ix.

Revelation 9:17

Kvmaq ngvy tvkhic romzyac nuex mvre htenc nuiyc kvruex htenc htauk nuex ngaungc jix shvrvyx bix kuex ngaz rueq khiz tauk, tsuingshiq kuex wvr ikhoc shawx yaq, khuingc wuil, vmenx, kanz ikhoc lec yaq khuiuq puingc juing maq puingc taq tueq. Mvre khux poz htenc kuex hangsic khux poz rulc rv-ngvlc yaq, tsuingshiq nuix maq wvrluic, wvr khuiuq nuiyc kanz htenc dung yaq.

1 SAMUEL 2:18

Kvruex baunglaung nox Samuel kuex vsawc ruiynyel khvymvnz kuex svmx ruiux Yehowa muex tvhttoarc vtueq shuimx kuq tueq.

1 SAMUEL 22:18

Kvkhoc rvtueq Sholu rueq Doeg muex ngoc, “Tsuinghez kuex thvt shuiuz!” ngoz tueq nvr koq tueq Doeg rueq tsuinghez lotlaz thvt gay tueq. Kvruex raungnuiyq hungtuingx svmc jix shomc waz bix 85 thvt gay tueq.

1 SAMUEL 23:6

Ahimelek saz Abiatha kuex luenx yuz wvnc ruiux, Kela ghaq nuex httax yaq Dawid rulc kvruiuz lvp tueq nuex piq rulc vdvmz hungtuingx muinz lvmz laq tueq.

1 SAMUEL 30:7

Dawid rueq Ahimelek saz shomc waz Abiatha muex ngoc, “Hungtuingx kuex ngaz kox nuex lvmz wvnc loq,” ngoz tueq ngoz koq tueq, Abiatha rueq piq muex lvmz kuq wvnc tueq.