DUNGWVNC 28:4 - ASII LAKDAP Bible (BSI)

⁴ Tsangshiq ma khuk na samchang miirii, asii kheaphu, samtong jong kaü, rai maq sumla akokrat samtong, akhuphok, kiimaq kheabuntusetiim thun kra klo ronglaq nguta chonglaq. Tsangshiq raq ara ramwe rohun thun ara ümphu Aron nai asetiim miitu kloke chang. Raütiq tsangshiq ka ramwebi ma ja raüta Ngi ka mishkumpanlot.

Hawa Naga Bible 2001

⁴ Tsuinghez rueq kuk juing khvy marrarc kuex hungtuingx, khuiuq puingc, hungluz, hungyungx, vwuiyq vhttax svmhung, khux phop nuiyc kheshuit htenc kvruex rvtueq. Kvruex khvy marrarc htenc kuex mphuz Arun nuiyc piq sahez, shomc waz muex yaungx vtueq ngvy yauk shuimx shuex nuex svmc juing shomc waz marrarc htenc rvtueq.

DUNGWVNC 28:4 Referencias Cruzadas

2 SAMUEL 6:14

Dawit ka achhü na müsaisai raihi-nairai khea lamlam maq riijob sam raüta, aningkun wiita shoq raüta Tatiwe shreng pinthum chojong chise maq wiinum neato.

DUNGWVNC 25:7

Ramwe Ajong Pinthum rohun asii kheaphu nai akhuk na samchang kheaphu na tiikop chang Karnelian longseng nai laihin longsengpo thun.

DUNGWVNC 29:6

Kiimaq khuphok ka tiiphok kuqlaq. Kiimaq khuphok na khum kiinong ke saqse asii chamchhok mong na, ‘Tatiwe Ma Akiinongkuq’ nguta waiqje kra tiikop khakuqlaq.

DUNGWVNC 39:28

Kiimaq bannin khuphok, khuphok ransetiim, raihi-nairai maq ataq patulong setiim,

ISAIA 11:5

Apaiq raq asengi ka tingting tri maq mipeng, kiimaq tsantsii siirairai maq miriim wan.

ISAIA 59:17

Apaiq raq tingting khapho tri ka samtong kaü rekhat chang liiq ma tiija raüta misam. Kiimaq maiqse tiikhup wongke wan ningkun tu ka jin khuphok kaü ikha akhu na phok raü miraq. Kiimaq apaiq tsan mong na mung ka riikhaqli tri maq peng wan miitu jaqkhon tiiphashat maq tri raütu kra milang wan. Raüta mungmaiqse tiichamchaoti, haihü wantibi ka mo jonghea tiiho raüta phuk milamkuq wan.

Hosea 3:4

Akhiisii hali, Israilnok kiimin akhing luhea tsangshiq rümti hokhambi min ahü maq lo welabi min ahü maq siwan chang miraq. Kiimaq Shiikeawe ma honglu min kewan hümiili riimak la, asii honglu wacha longshong kaü thun min ahü miili siwan chang miraq. Kiimaq langlii wan chang nai teitlang chang sumla thun kiimin ahü miili siwan chang miraq.

Ephesians 6:14

Krai mren, tiijeshat maq chap ronglaq. Shiikeawe tsütsa tengtlaq bomtsi chongkuq tlan ka, namchhü na shinket apa ikha pashat maq sirong laq. Kiimaq tingting maq wranaiqshe jaqsham tlan kriika, namkhuk na jinpen kheathum atiiwong chang akhesam ikha samshat maq sam ronglaq.

1 Thessalonians 5:8

Shatmaq, nashiq ka rawü maiqsetiim. Krai mren, nashiq ka tsangrakrak maq siwan raa tlo. Nashiq raq Shiikeawe ma kamwantsii nai lungwiitsii thü tiikai ka, raihi kheathum khuk na phataq khesam laita, re na kai ma tiije tlaq, ikha khekham maq, si chang. Kiimaq Shiikeawe raq, nashiq ka mitiichhii kuq dongdii nguta, nashiq ran tsantsii rüm tiikai kriika, nashiq khupo na, khali khuphok aphok ikha, phok laita siwan raa tlo.

Revelation 9:17

Krai mren, ngi raq riisham mak maq kumrang kong nai kumrang thaq na chaoti rewe khunyaq khukhi, re na kai ma sürii tlaq kra chhikang. Kra sreabi miirii asam ka tsangshiq khuk na chamchhok pen samraqraq ikha riito. Kra chamchhok pen chhai wa ka walü wa chhai tlaq ikha riito. Kra walü rong ka riishot riishaq riito. Saphir longseng chhai ikha awai kiimaq kan lü tlaq ikha, amin chhai tlo chhikang. Kumrang khupo ka hangsi khupo ikha. Kiimaq tsangshiq nübok wa, walü achhai aliip, wakhuk mong wa, kiimaq walü rong ka kan nyai tlaq ikha, amin wanii tu dong tlo chhikang.

1 SAMUEL 2:18

Kiimaq anü na nonose Samuel ka asii müsaisai raihi-nairai samtong jong se sam raüta Tatiwe ka shiililii wantlo.

1 SAMUEL 22:18

Kriikha niishe, Saul raq Doeg ma thaüto, “Tsangshiq ka ümniiraq tiishe laq!” Krai mren, Doeg raq tsangshiq tarü jiipbaiqto. Kra ranaiq na apaiq raq ramwebi asii kheaphu piti ashong wan ka tlotli roqtiichat ri biingi tsatbaiqto.

1 SAMUEL 23:6

Riita, Ahimelekh se Abiathar ka akhum tiichhii ju raüta Dawit rai she Kaila chela na pong wanto. Raüta apaiq raq asii kheaphu ka apaiq rai nongshnong pishat maq wadamto.

1 SAMUEL 30:7

Kiijiishe Dawit raq Ahimelekh se ramwe Abiathar ma, “Ana ngi ma Asii kheaphu kra lamkuq wakiq,” nguta thaüto. Krai mren, Abiathar riimin Asii kheaphu ka Dawit ma lamkuq wato.