Sakob li abuk Suseef alakomuu ánayinaawu ata Mali. Mali abukumuu Yéesu an koonemuu Kilisita.
Sakob li abuk Suseef alakomuu ánayinaawu ata Mali. Mali abukumuu Yéesu an koonemuu Kilisita.
Fan abaj añiil áyine, ban fan ukaanool kajawaku kaaneyimuu Yéesu. Mata akila ammuu afaken ésukool li uhoofoolawu wooliil.
Fúlum tó, Yéesu li anuuloo kúgoomaku koola aaniil jakum kulob an koonool akila ammuu Afakenaawu.
Buyinumabu Banabaabu li bulobool kaanaku let aket akila bajukut Afakenaawu an Amaaŋenawu áboñulumuu.
Suseef foof li áfulumul li ésukayi yata Nasalet li etaamayi yata Gálile, min ajow boot li etaamayi yata Súde li ésukayi yaaneyimuu Betilehem ban áyiiyawu Dayit abukimuu; mata Suseef humumool lalakolako bubukolum bata Dayit.
Andele li ajand ajow ajuk atuyool Simoŋ, min aanool: — Jijuke Afakenaawu, (yo yommuu «Kilisita»).
Fúlum tó, Fílib li ajow ajuk Natanayeel min aanool: — Jijuke anawu an Móyiis alobumuu moola li éliibalayi yata Eluwaayi.
— Eéhe’, Anahaan, líyinene kaanaku awu ommuu Afakenaawu, Añiilawu ata Ateemit, áatimuu abil li adunaayi.
Bale wahawu wakiicimuu li éliibalayi inye, ukiicikiic mantee li jíyinen kaanaku Yéesu ammuu Kilisita, okila ammuu Añiilawu ata Ateemit. Ban jíyinenumuu li akila, fan jíbajum buloŋabu li kajawaku koola.
Anaalaawu li aanool: — Lihaase een Afakenaawu (an koonemuu Kilisita) fan abil. Nan ammuu li abil, fan ákittenoli wahawu feh.
Kata Samali li koon anaalaawu: — Muñeˈe inti mata wahawu wan úlobolimuu bale újiwoli li jíyinen, bale min áloli húmumoli jijamoolumuu li alob; ban jihaase joon akila ammuu mal̥egen Afakenaawu ata adunaayi.
Kaabuku li koon: — Okila ammuu Afakenaawu. Bale kukee li koon: — Afakenaawu layilo fíle abilumul li etaamayi yata Gálile?
Jihaase hulimahu han Ateemit ásenulumuu kata Isilayeel: li Yéesu Kilisita ammuu Amaaŋenawu ata bukanabuku feh, lásenulumuu Hulimahu Hásuumaahu hata kásuumaayaku.
Akee li bubukoolumabu bata Dayit okila ammuu Yéesu, an Ateemit akaanumuu alako Afakena ata kata Isilayeel, loon alob nomuu.
Li akitteniil ban li áhiisiil kaanaku loon Hulimahu hata Ateemit hulobumuu, Afakenaawu laate álaam ban li ayitowumul li eketayi. Li aaniil: — Yéesu an ilobemuu li bukuluul moola, okila ammuu Afakenaawu.
«Muñeˈe bukanabuku feh kata Isilayeel, koote kuhaas li mal̥egen kaanaku: Yéesu an jibaaŋumuu li ekuluwaayi, akila humumool Ateemit akaanumuu alako Amaaŋen li Afakena.»
Ateemit li ateben Yéesu, ban li aŋalool akaan kaŋen kúli. Li akaanool alako Anahaan áamak li Afakena, bájum kata Isilayeel li kuyili kútiiwo kuŋa’ buloŋ bawunkul, min uhoofoolawu wooliil ubonketi.
Anawu átinaalawu li ekafayi yata etaamayi Ateemit ajuul̥umool, ál̥ubutawu akila li emitayi labilumulo.
imban anoowan feh li alob kaanaku, Yéesu Kilisita ammuu Amaaŋenawu, boot li máyiineniyamu mata Ateemit Atuubaawu.
Ban inti wahawu unwu bale lijoke loon kakaal̥o, bale wahawu foof wo feh, humum hata wahawu unwe wahaŋumuu feh maluuk: wo wommuu kahaas Yéesu Kilisita ammuu Amaaŋenawu úmbaam. Akila ájimuu li ibeten wahoowah feh wabajeene jáliŋ lí ínje. Wahawu unwumaa feh lijoojok wo loon wah wata kabeten li huwey, mantee li ibaj Kilisita,
Emmuu jiyayyab Yéesu Kilisita loon Amaaŋenawu ooluul, kama jikatool min acolen buloŋabu booluul.
Alóli húmumoli jijuke li kúkiloli, ban li jilob bukanabuku kaanaku Atuubaawu láboñuuboñul Añoolool abil alako Afakenaawu ata adunaayi.
An áyinenumuu kaanaku Yéesu ammuu Kilisita, anawu ummu añiil ata Ateemit laam. Ban an áboolimuu Ateemit Atuubaawu, anawu ummu fan ábooli foof bañiilabu bata Ateemit.