Kata Fílib 3:8 - Jola-Kasa

⁸ Ban inti wahawu unwu bale lijoke loon kakaal̥o, bale wahawu foof wo feh, humum hata wahawu unwe wahaŋumuu feh maluuk: wo wommuu kahaas Yéesu Kilisita ammuu Amaaŋenawu úmbaam. Akila ájimuu li ibeten wahoowah feh wabajeene jáliŋ lí ínje. Wahawu unwumaa feh lijoojok wo loon wah wata kabeten li huwey, mantee li ibaj Kilisita,

Kata Fílib 3:8 Referencias Cruzadas

Hulimahu Hásuumaahu loon Lík akiic homuu 1:43

Kama sum ínje emmuu ayi, májimuu jaaw ata Amaaŋenawu úmbaam li abilom bagaagen?

Hulimahu Hásuumaahu loon Lík akiic homuu 11:20

Bale nokoomuu loon li sembaasu sata Ateemit líkesoolume uyinumawu wajakutumuu, kama Jáyiiyaju jata Ateemit jíliiŋulo booluul.

Hulimahu Hásuumaahu loon Saŋ akiic homuu 14:20

Nan hunakahu unhu hommuu li húliiŋ, fan jihaas joon ínje ummu li Atuubawom, ban bukuluul jumbuku lí ínje loon ínje emmuu li bukuluul.

Hulimahu Hásuumaahu loon Saŋ akiic homuu 14:7

Jihaasommuu, fan jihaas foof Atuubawom. Bale muñeˈe jihaasool, ban jijukool.

Hulimahu Hásuumaahu loon Saŋ akiic homuu 16:3

Ban fan kukaan mo mata kuhaasut Atuubaawu, kuhaasutom foof.

Hulimahu Hásuumaahu loon Saŋ akiic homuu 17:3

Buloŋabu bábaneliitumuu bo bommuu, min kuhaasi awu áamimuu Ateemit anolawu ata mal̥egen, li kuhaas foof Yéesu Kilisita an uboñulomuu.

Hulimahu Hásuumaahu loon Saŋ akiic homuu 17:8

Mata liseniisen kulimaku kan usenommuu, ban kuyayyab ko. Kuhaase li mal̥egenamu koon ínje li awu lífulumulo, ban kúyinenyinen koon awu úboñulom.

Hulimahu Hásuumaahu loon Saŋ akiic homuu 20:13

Kumalakaaku li kugel̥l̥enool koonool: — Anaale, wáa újiye li oono li jíl̥ok? Mali li aaniil: — Kuŋaŋŋa’ Anahaanawu úmbaam, ban ihaasut ban kukaanool.

Hulimahu Hásuumaahu loon Saŋ akiic homuu 20:28

Toma li aanool: — Amaaŋenawu úmbaam, li Ateemitawu úmbaam!

Bakaanelabu 20:24

Bale lenseen buloŋabu búmbaam, bubajut jáliŋ boot lí ínje. Samin iyili ihabel kúboñaku kúmbaam ikaan, li bulokabu ban Amaaŋenawu Yéesu asenommuu kakaan, bammuu: kawaale Hulimahu Hásuumaahu hata kájiyaku kata Ateemit.

Kata Lom 8:18

Lenseen sílaamasu soololaal sata muñeˈe sitookut min sikittenooli li máyiineniyamu mata Ateemit, man ammuu li abil áhiisolaal.

Kata Lom 8:39

let sata wahawu wammuu haatiya, let foof sata wammuu li etaam, let búwuwenum banooban. Wahawu unwumaa feh uyilaat úgaatuloololaal li húbooliyahu hata Ateemit, han áhiisummuu li Yéesu Kilisita ammuu Amaaŋenawu oololaal.

1 Kata Koolent 2:2

Mata li mal̥egenamu, nan ilakomuu li bukuluul lijoojok li buyinumom kaanaku ifañut min ihaas wah ukee wábute li Yéesu Kilisita, háŋum Yéesu Kilisita abaaŋimuu li ekuluwaayi.

1 Kata Koolent 9:10

Inti alolaal újiyaalumuu li alob loon muñaˈa? Kulimaku unku kukiicikiic boot li alolaal. Li mal̥egenamu, anawu awañemuu li átekulemuu edenfeteŋayi koote kukaan bulokabu booliil li kákangum ló kata fan kubaj to jooliil.

2 Kata Koolent 4:4

Bukanabuku umbuku kammuu li kájimaku kúyinenut, mata ateemitawu ata adunaayi inye, ammuu Sayitaane, lámimmib uyinumawu wooliil jakum bil kujuk kaleñaku kata Hulimahu Hásuumaahu hata máyiineniyamu mata Kilisita, ammuu kambuwaku kata Ateemit.

2 Kata Koolent 4:6

Li mal̥egenamu, Ateemit aanumuu: «Mawuŋaamu mujow muwuŋen li élimayi!», okila humumool ahiitenumuu uyinumawu wóololi, min ákaanoli jihaas kaleñaku kata máyiineniyamu moola li buulabu bata Kilisita.

Kata Galasi 1:16

Muñeˈe nan anongumuu min akaanom ihaas Añoolool mantee li ikaan bukanabuku kaletumuu kusuwif min kuhaasool, iyaanut ijow igel̥l̥en an min asaabom.

Kata Efées 4:13

Muñowu emmuu li kaan boot yok nan oomaalumuu li ujokoolaal jak foofolaal feh loon an ano, jówum li káyinenaku koololaal, li kahaasaku kan uhaasaalumuu Añiilawu ata Ateemit. Fan ulakowaal bukan kanke jak jow yok unokoolaal loon Kilisita anokoomuu.

Kata Fílib 1:1

Eleetalayi inye ínje Fool li Tímote jikiiculo yo, áloli jammuu kuloka kata Yéesu Kilisita. Jikiiculokiic yo boot li bukanabuku káamimuu kata Ateemit humum hata Yéesu Kilisita, kata ésukayi yata Fílib, boot li kunahaanaku ló kata Ejanguwayi li kujaakulaku.

Kata Fílib 3:10

Wahawu wan ifañumuu bale, wo wommuu min ihaas Kilisita li sembaasu sayitenumuloomuu li eketayi, min ibaj foof júmbaam li sílaamasu soola, ban li inokoo loon okila li eketayi yoola.

Kata Fílib 3:12

Iyilaat een liyaane íliiŋ tan iteyemuu boot, mantee foof liyaane ikaan an áliiŋe. Bale ínje ummu min ihankenemuu min itey mantee li iyili iyab bacaamabu, mata Yéesu Kilisita lajokonjok aban.

Kata Fílib 3:7

Bale wahawu wan ijok nomuu loon jáliŋ yúmbaam, muñeˈe lijoojok wo loon kakaal̥o humum hata Kilisita.

2 Tímote 4:6

Injé, taŋayi nan emmuu isen buloŋom bulako kasila, éliiŋe eban. Taŋayi yata eketayi yúmbaam éliiŋe.

Eébulo 3:14

Li mal̥egenamu, alolaal kunaboola kata Kilisita loomaal, nokoomuu loon lútukaatuk lit kákangumaku kan ubajaamuu li húkitumahu, boot yok li húbanumahu.

1 Fiyeel 2:7

Huyitikahu unhu hubabbaj jáliŋ yáamak boot li bukanabuku káyinenumuu, bale boot li bukanabuku káyinenutumuu: «Huyitikahu han bukanabuku kalakomuu kateefaku kuhoyumuu, ho hubile huhaŋumuu mabaj jáliŋ.»

2 Fiyeel 1:2

Káji li kásuumaay kujow kulako li bukuluul ŋáa’, kabilumulo li kahaase kata Ateemit li kata Yéesu ammuu Amaaŋenawu oololaal.

2 Fiyeel 1:3

Li mal̥egenamu, Ateemit li sembaasu soola lásenumolaamuu wahawu feh wan jokolaamuu li wo boot mata buloŋabu, li káyinen li akila. Lakaanolaakaan min uhaasaal anawu ahooñolaamuu boot li máyiineniyamu li másuumamu moola.

2 Fiyeel 1:8

Li mal̥egenamu, wahawu unwu wajakumuu wo jóotimuu jibaj. Jibaj womuu ŋáa’, fan ukaanuul min jinaak jilok ban li jiyili jihaŋ mahaas Amaaŋenawu oololaal Yéesu Kilisita.

2 Fiyeel 3:18

Jihaŋ naak mank jiyinno bo li kájiyaku li kahaasaku kan jihaasumuu Amaaŋenawu, Afakenaawu oololaal Yéesu Kilisita. Máyiineniyamu mujow mulako moola muñeˈe ban boot nanoonan! Aameen.

1 Saŋ 1:3

Wahawu wan áloli jijukumuu ban li jijam wo, wo jommuu foof li kahebuul, mantee bukuluul li áloli li ujokoolaal min ulakowaal an ano. Hujamoolahu hoololaal ho hommuu hujamoo li Atuubaawu li Añoolool Yéesu Kilisita.

1 Saŋ 2:19

Kulatoolaabuku umbuku kata Kilisita li alolaal kúfulume, bale kufinut min kulakowe koololaal. Mata li mal̥egenamu kulakoweenumuu bukan koololaal, fan kulakoween nanoonan li alolaal. Bale kúfuffu’ li alolaal min híis kaanaku anoowan li buko alakowut li mal̥egen an oololaal.

1 Saŋ 5:20

Luhaasaale oonaal Añiilawu ata Ateemit labiibil, ban li asenolaal butuuko min uhaasaal Ateemit ata mal̥egen. Li Añoolool Yéesu Kilisita lúbajumaamuu hujamoo li Ateemit ata mal̥egen. Añiilawu ummu akila humumool ammuu Ateemitawu ata mal̥egenamu, akila ammuu buloŋabu bábanelitumuu.