Hulimahu Hásuumaahu loon Lík akiic homuu 2:26 - Jola-Kasa

²⁶ Buyinumabu Banabaabu li bulobool kaanaku let aket akila bajukut Afakenaawu an Amaaŋenawu áboñulumuu.

Hulimahu Hásuumaahu loon Lík akiic homuu 2:26 Referencias Cruzadas

Máciya 2:12

Fúlum tó, Ateemit li alobiil li sísaahut aaniil jakum kulaañ boot bata Elod. Li kuŋa’ bútin bakee min kulaañ boot booliil.

Hulimahu Hásuumaahu loon Lík akiic homuu 2:29

— Amaaŋen, muñeˈe luyilo ukat alokaawu ooli min aket li kásuumaay. Lukankaan loon ulobommuu.

Hulimahu Hásuumaahu loon Lík akiic homuu 9:27

Li mal̥egenamu fan ilobuul, kukee li bukuluul kaanomee taate, let kuket buko bajukut Jáyiiyaju jata Ateemit.

Hulimahu Hásuumaahu loon Saŋ akiic homuu 1:41

Andele li ajand ajow ajuk atuyool Simoŋ, min aanool: — Jijuke Afakenaawu, (yo yommuu «Kilisita»).

Hulimahu Hásuumaahu loon Saŋ akiic homuu 20:31

Bale wahawu wakiicimuu li éliibalayi inye, ukiicikiic mantee li jíyinen kaanaku Yéesu ammuu Kilisita, okila ammuu Añiilawu ata Ateemit. Ban jíyinenumuu li akila, fan jíbajum buloŋabu li kajawaku koola.

Hulimahu Hásuumaahu loon Saŋ akiic homuu 4:29

— Jibil jijukom ánayinaaye alobommee wahawu wan ikaanumuu feh. Lenseen okila ammuu Afakenaawu, inti mo fíle?

Hulimahu Hásuumaahu loon Saŋ akiic homuu 8:51

Li mal̥egenamu fan ilobuul: An átuulumuu kulimaku kúmbaam, let abil aket maayeet.

Bakaanelabu 10:38

Jihaase buu Ateemit akaanumuu sembaasu sata Buyinumabu Banabaabu li Yéesu ata ésukayi yata Nasalet. Jihaase foof buu Yéesu ajowumuu tanootan li etaamayi inye, min anaak akaan majake, li afaken bukanabuku feh kan Sayitaane ájufomuu li buko, mata Ateemit li okila lalakowe.

Bakaanelabu 17:3

Li akitteniil ban li áhiisiil kaanaku loon Hulimahu hata Ateemit hulobumuu, Afakenaawu laate álaam ban li ayitowumul li eketayi. Li aaniil: — Yéesu an ilobemuu li bukuluul moola, okila ammuu Afakenaawu.

Bakaanelabu 2:36

«Muñeˈe bukanabuku feh kata Isilayeel, koote kuhaas li mal̥egen kaanaku: Yéesu an jibaaŋumuu li ekuluwaayi, akila humumool Ateemit akaanumuu alako Amaaŋen li Afakena.»

Bakaanelabu 9:20

Li ayaan anaak awaale li siluufasu sata kal̥awaku sata kusuwifaku aan Yéesu ammuu Añiilawu ata Ateemit.

Eébulo 11:5

Káyinen kújimuu Enok li ájowetumi boot li emitayi, jakum bil ahaas mata eket. An alaañenut ajukool mata Ateemit laŋalooŋa’ boot boola. Li mal̥egenamu, Bakiicelabu bonsoon Enok lásunsuum Ateemit tówum ájowetumi boot li emitayi.