Hulimahu Hásuumaahu loon Lík akiic homuu 2:27 - Jola-Kasa

²⁷ Muñeˈe Buyinumabu Banabaabu li bujow li Simiyoŋ boot li Eluufayi yata Ateemit. Nan sibukoolaasu sata Yéesu síŋaluloomuu okila atitawu boot kubil kukaan loon eluwaayi yata Móyiis elobumuu,

Hulimahu Hásuumaahu loon Lík akiic homuu 2:27 Referencias Cruzadas

Máciya 4:1

Muñeˈe Buyinumabu Banabaabu li bújowetum Yéesu boot li kayiinaayaku, bájum Sayitaane li abuntoolool bo.

Hulimahu Hásuumaahu loon Lík akiic homuu 2:22

Fúlum tó, kunakaku kan Suseef buko li Mali kommuu kukaan tówum kukaan kágiilenaku kooliil loon eluwaayi;

Hulimahu Hásuumaahu loon Lík akiic homuu 2:28

Simiyoŋ li ayab Yéesu li kuŋen jaawool afeb, min asal Ateemit aan:

Hulimahu Hásuumaahu loon Lík akiic homuu 2:41

Káyiilookayiil sibukoolaasu sata Yéesu fan sijow Yeelusalem sijow sikaan bo kagaanaku kata kúmbuuluwaku kabajutumuu élebiil.

Hulimahu Hásuumaahu loon Lík akiic homuu 2:48

Nan sibukolawool sijukoolumuu li sisego ŋáa’, jaawool li aanool: — Añoolom, wáa újiye li úkaanoli loon muñaˈa? Injé li atuubayi huŋesi jilakowe li buyina ló.

Hulimahu Hásuumaahu loon Lík akiic homuu 2:51

Fúlum tó, Yéesu li akaan loon kuloboolumuu, min anab li buko kulaañ boot Nasalet. Jaawool li aŋa’ wahawu wabajumuu feh akaan li buyinumool.

Hulimahu Hásuumaahu loon Lík akiic homuu 4:1

Nan Buyinumabu Banabaabu bubilumuu bulako li Yéesu, li álaañumul li katunkaku kaaneyimuu Suuludeŋ. Buyinumabu li bújowetumool boot li kayiinaayaku.

Bakaanelabu 10:19

Emmuu Fiyeel okila baloŋe li kayinoolaku min ahaas waa Ateemit afañe alobool li kahimmowaku unku, muñeˈe Buyinumabu Banabaabu li boonool: — Ujanten, baje kánayine kúhaaji kaŋese li awu.

Bakaanelabu 11:12

Buyinumabu Banabaabu li boonom ijow inaboo li buko báwettoolut. Bukanabuku umbuke hutok li anolawu káyinenumuu li Yéesu, kan íŋalulomee taate, buko kútiŋenulommuu boot li ésukayi yata Sesaale, ban áloli fóofoli feh jinokennoken li eluufayi yata Kooluney.

Bakaanelabu 16:7

Nan kujowumuu kulehen etaamayi yata Miisi, li kufañeen min kujow boot Bitini, bale Buyinumabu bata Yéesu bukatutiil min kujow.

Bakaanelabu 8:29

Buyinumabu Banabaabu li boon Fílib: — Ujow ukooj esaaletayi inya min unab li yo.

Kata Galasi 4:4

Bale nan taŋayi yan Ateemit asenumuu éliiŋumuu, li áboñul Añoolool. Anaale abukool, ban li alako li kuŋen kata Eluwaayi yata Móyiis.

Búhiisenumabu 1:10

Li líiŋ li hunakahu hata Amaaŋenawu, Buyinumabu Banabaabu li bujokom. Muñeˈe li ijam kata búsolom hulim habaje sembe, hanokoole loon kal̥ok kata kasiin.

Búhiisenumabu 17:3

Muñeˈe Buyinumabu li bulako lí ínje, amalakaawu li atebom ájowetum boot li kayiinaay. Li ijuk bo anaale alemboole li énuukuleŋ yájunke cúl. Enúukuleŋayi inyu ebaje kúkow koono hutok li kúl̥uba li usiin kuŋen, ban li ebaj tanootan li eniilayi yata yo ujaw wata kúgel Ateemit.