Kata Lom 11:2 - Jola-Kasa Ateemit abetenut ésukayi yoola yan akila humumool al̥us nomuu ákibben. Manooman bukuluul humumuul jihaase waa Ateemit alobumuu li Bakiicelabu aya li Elí, nan al̥okoomuu mata kata Isilayeel asenool. |
Muñeˈe mata kaketumuu, li mata kayitowulaku kooliil li eketayi, kama jijangawut li éliibalayi yata Móyiis tan alobumuu mata huñobahu hátifumuu? To untu kikkiic kaanaku, Ateemit lansaan Móyiis: «Injé emmuu Ateemitawu ata Abulaham, Ateemitawu ata Isaak, li Ateemitawu ata Sakob.»
Nan Buyinumabu Banabaabu bubilumuu bulako li Yéesu, li álaañumul li katunkaku kaaneyimuu Suuludeŋ. Buyinumabu li bújowetumool boot li kayiinaayaku.
Anaalaawu li aanool: — Anahaan, ookut ebaag, ban ekoloŋayi ésenkisenki. Bay lóomi li úŋalumul malamu ummu masenemuu buloŋ?
Nan bukanabuku kákaanumutumuu li Ateemit balewool kujamumuu kulimaku unku, li kubaj ésuumahukow yáamak, min kulako kasal Hulimahu hata Amaaŋenawu. Bukanabuku feh kan Ateemit al̥usumuu boot min kubaj buloŋabu bábaneliitumuu, li kúyinen li akila.
«Bale muñeˈe, kutuyom, lihaase een káhaasaati kújiwuulumuu li jikaan Yéesu loon jikaanoolumuu, bukuluul li kunahaanaku kooluul.
Muñeˈe li koon Aaloŋ: “Ukaan kuteemit boot li alolaal, kaate kunaak kujow kúyabolaal hákil. Mata Móyiis áfunnulolaamuu Ejíf, uhaasutaal waa ubajool.”
Kama jihaase kaanaku jijokumuu min jikaanoolo kuloka kata an min jinaak jítuulool, fan jilako emiikeel yata anawu ummu an jítuulemuu. Muñeˈe baje wah úl̥uba: iyilo lako emiikeel joom yata kahoofoo, ban kahoofoolaku fan kújowetumuul li eket, mantee foof kuloka joom kata Ateemit, ban Ateemit fan akaanuul jilako bukan kacole mata min jítuuloolumuu.
Lakankaan loon muñaˈa min áhiis maluukamu mata máyiineniyamu moola bukanabuku kan áyiyenumuu, kan afimmuu min afaleˈe yaan no boot mata min kulako li máyiineniyamu moola.
Eenut mantee hulimahu han Ateemit alobumuu hulaañut hubaj jáliŋ. Li mal̥egenamu, let bubukoolumabu bata Isilayeel foof bo feh bóomi bukan kata Isilayeel yata mal̥egen.
Kama jihaasut joon bukanabuku kata Ateemit kommuu li kubil kutiib adunaayi? Ban nokoomuu loon bukuluul jóomi li jibil jitiib adunaayi, waa elob yatit bale jootutumuu jiyili jitiib?
Bale nokoomuu loon iloŋumuu fan iyili ilaañen ikaan bulok babaje jáliŋ, kama let ihaas waa léemi li iman.
Naanaŋ, Ateemit lanaanaak ájowum li kufulofetaku, min alob li situubawolaal sihaan ñameeŋe ban li malobe mameeŋe.
Ateemit lal̥usuul̥us yaan no akat to loon ayinoo nomuu, akila ammuu Ateemit Atuubaawu, ban li ájowum li Buyinumabu Banabaabu min akaanuul jilako bukan kanabe boot kátuul Yéesu Kilisita, li boot min jígiileni li húsimahu hoola. Káji li kásuumaay kujow kulako li bukuluul ŋáa’.