Bakaanelabu 13:48 - Jola-Kasa

⁴⁸ Nan bukanabuku kákaanumutumuu li Ateemit balewool kujamumuu kulimaku unku, li kubaj ésuumahukow yáamak, min kulako kasal Hulimahu hata Amaaŋenawu. Bukanabuku feh kan Ateemit al̥usumuu boot min kubaj buloŋabu bábaneliitumuu, li kúyinen li akila.

Bakaanelabu 13:48 Referencias Cruzadas

Máciya 25:46

Muñeˈe umbuku fan kujow dán koote kubaj katek boot nanoonan. Bale kátuulumuu Ateemit fan kubaj buloŋ bábaneliit.»

Máciya 28:16

Fúlum tó, kúgoomaku kata Yéesu kuŋen li ano, li kujow boot li etaamayi yata Gálile li huyuuyahu, tan Yéesu aaniilumuu kujow.

Hulimahu Hásuumaahu loon Lík akiic homuu 7:8

Injé humumom libaje kunahaanom, ban libaje kusollaali kan ihine éemi anahaaniil. Eenumuu umme: «Ujow!», li ajow. Li een umma: «Ubil!», li abil. Eenumuu alokaawu úmbaam: «Ukaan wahawu unwe!» li akaan wo.

Hulimahu Hásuumaahu loon Saŋ akiic homuu 10:16

Libaje foof kúgalalaan kakee kalet li hukokahu unhu. Leete imat kúgalalaanaku unku foof. Fan kujanten hulimahu húmbaam, min kulako bumat bano babaje amata ano.

Hulimahu Hásuumaahu loon Saŋ akiic homuu 11:52

Ban inti boot li Kusuwifaku baleyiil, bale Yéesu laate aket boot foof li bañiilabu bata Ateemit bayiisoomuu boono tanootan, min áwoogenuliil akaan tin tano min kulako an ano.)

Bakaanelabu 13:12

Nan águubelunaalawu ajukumuu wahawu wabajumuu, li áyinen li Yéesu, mata kulimaku kan kuliikenoomuu mata Amaaŋenawu kugoloogo’ ŋáa’.

Bakaanelabu 13:42

Nan Fool buko li Balunabaas kulakomuu li kúfu’ li eluufayi yata kal̥awaku, bukanabuku li kooniil kubil kúlaañul li húyiiyaay haaha hata Kusuwifaku min kulaañen kulobiil kulimaku kanolaku.

Bakaanelabu 15:2

Fool buko li Balunabaas li kuceeŋiil. Li kubaj búwonnoo báamak li buko mata hulimahu unhu. Muñeˈe li kujamoo min Fool buko li Balunabaas kunaboo li bukan kukee kata Antiyok, kujow boot Yeelusalem kujow kulob mata hulimahu unhu li kufootalaku li kunahaanaku kata ejanguwayi.

Bakaanelabu 15:31

Li kujanga eleetalayi, foofiil feh li súumiil ŋáa’ mata kulimaku kata eleetalayi, kulim kata kawankulen.

Bakaanelabu 2:41

Li kúbatiise bukanabuku káyinenumuu hulimahu hata Fiyeel. Hunakahu unhu, bukanabuku kubilumuu kufamen to huwoogahu hata bukanabuku káyinenumuu li Yéesu, kuyilo kúliiŋ sínjunne síhaaji.

Bakaanelabu 2:47

Li kunaak kukijen ukijen wata kasal Ateemit. Li kúsuum bukanabuku feh. Amaaŋenawu li anaak afamen hunakoohunak li huwoogahu hooliil, bukanabuku kan afakenumuu.

Bakaanelabu 20:13

Muñeˈe li jijow jiyinno bo hákil, boot min jijow jíjufo li ébatowayi yammuu li éjowetumoli boot ésukayi yan koonemuu Asos, tan jommuu li jíŋalum Fool li ébatowayi. Wahawu unwu Fool afimmuu min anonge, mata lafanfañ min ajow koot boot bo.

Bakaanelabu 22:10

Muñeˈe li igel̥l̥en een: «Muñeˈe boot min ikaan buu, Amaaŋen?» Amaaŋenawu li aanom: «Uyito ujow boot Damaas, úliiŋ bomuu fan kukitteni wahawu feh wan Ateemit afañumuu min ukaan.»

Bakaanelabu 28:23

Kusuwifaku li kusen Fool hunak nan kommuu li kufam. Nan hunakahu húliiŋumuu, li kuhaŋ mabil kumeeŋ, kubil kutookool tan akinumuu. Fool li akitteniil mata Jáyiiyaju jata Ateemit kábilum li bújom boot yok kátiim. Li ájowum li eluwaayi, min alobiil mata Yéesu ban li alako huŋes min akaaniil kúyinen.

Bakaanelabu 8:8

Muñeˈe li baj ésuumahukow yáamak li ésukayi inyu.

Kata Lom 11:7

Kama boot min oonaal buu? Bukanabuku kata Isilayeel kujukut wahawu wan kulakomuu huŋesahu. Bukanabuku kan Ateemit al̥usumuu li buko, buko bale kubaj womuu. Bukan kaabuku Ateemit lal̥aal̥enl̥aal̥en uyinumawu wooliil.

Kata Lom 13:1

Anoowan laate átuul huhaane hanoohan, mata bajut huhaane habilumuloot li Ateemit. Kuhaanaaku káami tomuu, Ateemit akaan ko to.

Kata Lom 8:28

Luhaasaale foof oonaal wahoowah feh wabaje, ubabbaj boot li majakaamu mata bukanabuku kafañumuu Ateemit, bukanabuku kan ahooñumuu naboo li húnongumahu hoola.

1 Kata Koolent 16:15

Manooman jihaase Sitefaan boot li butoŋool ló. Jihaase foof kaanaku li etaamayi yata Akaay, buko kujandumuu kúyinen li Yéesu Kilisita, ban li kunaak kulok boot li bukanabuku káyinenumuu li Yéesu Kilisita. Kutuyom, ínje ummu li kal̥awuul,

Kata Efées 1:11

Ateemit lakaanekaan wahawu feh min ubaj loon afañumuu. Lál̥usolil̥us áloli Kusuwifaku nan fiyowe ŋáa’ min jilako bukan koola, li hujokoolahu hóololi li Kilisita.

Kata Efées 1:19

Lil̥awe foof min jihaas sembaasu sata Ateemit sahaŋumuu wahoowah feh, san aŋalemuu min alamben ololaal áyinenaalumuu li akila. Sembaasu unsu so Ateemit áhiisumuu,

Kata Efées 1:4

Ateemit lal̥usolaal̥us tówum adunaayi ejuul̥i, min ulakowaal bukan koola li hujokoolahu hoololaal li Kilisita, mantee li ulakowaal bukan koola kanabe ban li kucol hákilool. Húbooliyahu hoola hújimuu

Kata Efées 1:5

li ayinoo no ákibben kaanaku, fan ájowum li Yéesu Kilisita min akaanolaal ulakowaal bañoolool. Wahawu unwu lanongumuu min akaan, ban wo úsuumoolumuu.

2 Kata Tesalonik 3:1

Kutuyom, muñeˈe jil̥aw boot li áloli mantee Hulimahu hata Amaaŋenawu li hunaak huhaŋ majamo ŋáa’ ban li huluukeni tanootan loon huluukenimuu foof booluul.